محتار اختار كليه المستقبل شاركوني أمانهــ .....

[GazzMoss]

هااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااايز



ايفري بودي...كيفكم؟؟ يا رب بخير


المهم..!!!

ياخي زي ما اتفضلتوا وقريتو ^^^ فوق وانا حقلكم الفيلم وان شاء الله تقدروا تفيدوني
انا كنت طالب تحضيري علمي وحملت لي ماده صغيرونه يقولولها chem خخخخخ المهم...
واتخصصت الترم الاول دا الترم في كليه علوم الارض (الجيولوجيا) وانا كنت ابغى هندسه
بس ربي ما اراد لانهم طالبين الماث والفيز 80 وأبّ المهم وانا ما كنت اتوقع انهم ما يقبلوني في الهندسه فحطيت في ترتيب التسكين الجيلوجيا بعد الهندسه مصدق نفسي وجالس اتونس قلت بحطها كدا اجرآءت امنيه ودحين انحشرت وافكر اني انقل لكليه مره حلوه اسمها تصاميم البيئه اتخرج معماري بس يقولولي مهندس معماري واذا اخذت خبره اقل شي 3 سنين في ده المجال اقدر افتح مكتب للأستشارات الهندسيه زي ما تشوفو من مكاتب هندسيه في شارع الستين والتحليه ومحتار اكمل في الجيولوجيا والا انقل وكمان الجيولوجيا فيها 3 اقسام يمدحوا فيها الناس=جيولوجيا هندسيه+البترول والمعادن+جيوفيزياء.. والجيولوجيا الهندسيه اتخرج منها مهندس وعلى ما اظن المسمى مهندس مساحه على ما اظن واحيانً افكر واقول الحاسب لانو فيها قسم تقنيه المعلومات اتخرج مهندس حاسبات والله ما ادري ايش اسوي دحين محتار بين الـ3 الكليات من ناحية:المستقبل؟ الرواتب المستقبليه؟ اماكن ممكن اتوظف فيها؟ مسمى وظيفي؟ مكانه في المجتمع؟ (خصوصا انو عائلتنا تهتم جدا بده الشي وانا ابغى ارفع راس ابويه وامي و يفتخرو بيا لأني ما شاء الله عليا متميز من وانا كتكوت ههههه) فما اعرف...ابويه عسكري في الجوزات يقوللي الجيولوجيا حلوه ومين يطولها دي اليومين والحاسب قويه وناس يقولو التصاميم وما ادري كيييييييييف؟؟!!!المهم...بلييييييييز افيدوني يا حلوين لأني ابغى آخذ مشورتكم كقرار نهائي للتردد واتكل على الله واستخير و اسوي اللي فيه الخير.....ومشكوووووور مقدماً و آسف جدا جدا جدا عالاطاله ...

[The golden girl]

أقرا عن كل قسم عن من جميع النواحيـ ... وشوف اللي يناسبكـ .... ولاتأخذ بكلام الناسـ انتهـ اللي راح تدرس مو هما ... واستخير وشوف اللي يريحكـ ...بالتوفيق

[wallo]

خلييك جيولوجيا وادخل قسم بتروول ومعااادن مادري ليه احسوو مره كووويس :)

[GazzMoss]

يسلمووو غولدن و واللو بس كمان ابغى افادات ملمه وشامله كفايه ووووو...منووورين وربي...

[ضحكتي حلوة]

أخوي انت شوف ميولك أكثر تميل لايش
يعني اللي فهمته ان كل الكليات بتكون اذا اخذت فيها قسم معين المسمى الوظيفي لك مهندس..
بس انت شوف وش تحب أكثر طالما المسمى واحد..
شوف بوشو تهتم أكثر ..
روح محلات شارع التحلية وشارع الستين وجرب شغلهم وطريقتهم يوم يومين شوف كيف شغلهم.. مو تشتغل قل لصاحب المحل انا ابغى اشوف كيف الشغل عشان اعرف بيعجبني والا لأ.. عشان احدد مستقبلي ودراستي..
واذا عجبك استخير وتوكل على الله وادخل القسم..
واسأل عن الرواتب لكل المسميات الوظيفية للثلاث اللكليات ولو تسأل الدكاترة اللي عندك في الجامعة افضل لأنه عندهم خبرة ولهم معرفة أو ناس مم اقاربك يشتغلوا في ذا المجال .. ويكون عندهم خبرة برواتب المهندسين المعماريين مهندس الحاسبات وهييييييييييييييك<<<< اسأل كبييييييير واستخييييييييير..
ما خاب من استخار وماندم من استشار..
والله يوفقك

[GazzMoss]

يسلموا (ضحكتي حلوة)عالمشاركه وان شاء الله ابسوي اللي قلتيلي عليه واروح اسأل بس في مشكله في اني اسأل الدكاتره اللي في الجامعه لأنهم هما اصلا نصابين كل واحد بيزبط كليته وتقولين بس ابتخرج واروح اتوظف جنب كرسي المليك عبدالله ع طول,فما تااخدين منهم لا حق ولا باطل,,,الله يعين

[ضحكتي حلوة]

ههههههههههههههههههههههههه
<<<<<<<<<كرسي الملك

طيب اسأل أحد من أقاربك تثق فيه أو احد من اصحابك يدرس في ذي الكليات او يعرف احد يدرس في ذي الكليات ومنها اللي يدرس في ذي الكلية يسأل استاذ أو دكتور يثق فيه..
أكيد مو الكل نصااااااااب
لكن وش نسوي اذا البلد صار اغلبه كذا..
يارب تسترنا وتحمينا وتكفينا شر النصاااااابين والظالمين وكل حاسد وحااقد..
الله يعين الجميييييييييع اخوي ويوفقك يارب..
ولا تنسى الاستخااااااااارة..