بليز ساعدوني وردوووا علي

[حالمة بالطب]

السلام عليكم
انا لفيت المنتدى واخذت معلووومات عن الصيدلة الأكلينكية
بس وحبيتها مرررة
وانا اصلا كنت ابي طب بس ابوي قالي لا
عشان المناوبات
قالي ادخلي طب اسنان مافيه مناوبات
بس انا ما ابيه ومني مرتااااحه له ابدا
فصرت ادور بديل ولقيت التخصص ذا عندكم وحبيت
بس بليز الله يخليكم لا اتحطم اكثررر
قولولي لو تخرجت واشتغلت دكتور صيدلي
هل في مناوبات او شفتات
ووين اشتغل
بغرفه بالمستشفى لحالي اولا
وابي اعرف هل لو اشتغلت بيكون معي رجاااال بنفس الغرفه
لان كذا ما يناسبني ابدااا
او انا بروم لحالي
ادري اسئله قمة الغبااااااء بس ابي رد
الله يخليكم ردوا
انا تحضيرررري علمي وابي ارتاح واتخصص
وتكفوووون ردوا علي رد مفصل واشرحولي
لان للأسف الغيررر رد
بس رد غيرر مفصل ومافاداني
فاتمنى احد يفيدني ويسعفني بموضوعي اللي والله مسويلي قلق
وصايرة افكر فيه كل 24 ساعه

[روووني]

ليش ماتدخلي طب اسنان ترا مررره حلو اخويه طب اسنان ومرره مبسوط فيه حتى احسو مناسب كتير للبنات لانو مو زي البشري تتخرجي طبيبه عامه وزي ماقلتي مافيه شفتات

اما الصيدله انا اعرف كم واحد دخلها يقولو صعععععبه مرره تقريبا بنفس صعوبه الطب ويكون اسمك صيدلانيه
مو دكتوره ورتبتك طبعا اقل من الدكتوره <<ازا يهمك الموضوع داه

وانا سمعت بس ماني متأكده انو مجال عملهم في المختبرات
هوا عموما حلو بس مرره صعب

وبصراحه ماادري ازا فيه مناوبات او شفتات اسألي بنات الصيدله اكيد هم اعرف مننا بقسمهم

الله يوفقك يارب

[:::Zaza-.-MaZaza:::]

انا اخويا ههههه صيدلة .. اول شي الصيدلة نوعين : دكتور صيدلي وعدد سنوات الدراسة 6 سنوات والدرجة العلمية اعلى من بكالوريس .. وصيدلي عادي وعدد سنوات الدراسة 4 سنوات .. بالتاكيد الدكتور الصيدلي مجالو اوسع وافضل بعدين ليه الناس اعتقادهم انو صيدلة يعني في صيدليه وبس !! طبعا المجالات اوسع بكتير من كده ممكن يكون مجال العمل في مصانع الادوية وغيركده الي اعرفو انو اي عملية لازم تتعمل لازم يكون مع الطاقم دكتور صيدلي عشان الجرعات وكدهوالي اعرفو كمان انو من مهام الدكتور الصيدلي انو يدور على غرف المرضى ويشوف الادوية الي بياخدوها ويحددلهم الجرعات وهل الادوية تتماشى مع تاريخهم وسجلاتهم الطبيه وامراضهم ولا لاء وممكن امور تانية انا اجهلها .. وانا الي سمعتو من اخويا وهوا مو متاكد انو زي الي حيجي وقت ويقفو حكاية الدكتور الصيدلي لانو يمكن اكتفو ويفتحو المجال للدراسة كصيدلة عادية او يمكن الحكاية تكون على حسب المعدل !! عموما اتوقع لسى ما فعلو دا القرار فبلعكس لو ان شاء الله قررتي ودخلتي صيدلة وكانت دراستك كدكتور صيدلي فحيكون تخصص متميز في المستقبل عن الدراسة كصيدلة عادية غير انو الصيدلة في جامعة الملك عبدالعزيز مو من زمان مررة يمكن لحد الان اتخرج ست ولا سبع دفعات بس مو زي البشري ولا الاسنان سارو مررة كتيير وكل مال بيكترو,. وطبعا كل ما الاعداد تكتر في مجال معين يسير لازم يختار منهم عدد معين لازم يمتازو بصفات ومعدلات محددة عشان يتقبلو في الوظيفة الا اذا كنتي ناوية تخشي اسنان وتفتحيلك عيادة !! وترا دراسة الصيدلة صعبة دا الي اسمعو من اخويا ومن الناس عموما وبعدين مافي يجي بالساهل كل يحتاج جد واجتهاد =) .. وحتى اعرف وحده قريبتي ماشاء الله هيا الان امتياز طب اسنان وترى مرا بتشكتي الشكوى المرة من دا التخصص وخصوصا في مرحلة التطبيق هجولة وكل خطوة تعمليها لازم تدوري على الدكتور عشان يشوفها وتبداي تعملي الخطوة التانية والدكتور اوقات ما يجي او نفس المرضى ما يجو وشغلك يتعطل وانتي ملزمة تخلصي المهام دا قبل ما يخلص الترم حتى اوقات تقلي انو لمن عمل طقم اسنان مدري حاجة زي كده وتوديها للمعمل ممكن يضيعوها بكل بساطة شيي مرررة يقهر.. وخصوصا المرضى انتي شغلك كلو معتمد عليهم مرة يجوكي متاخر ومرة ما يجو من اصلو.. والي اعرفو كمان انتي المكلفة انك تدوري على المرضى وتبداي تفتحيلهم الملفات وكدا لدرجة انو بنات عشان يختصرو الوقت في التدوير يجيبو من عائلتهم.. وتخيلي لو مثلا واحد بدأتيلو في الشغل وباقيلك كم شي وتخلصي والمريض ما جا !!! يا انو الدكتور يحسبلك الخطوات الي عاملتيها اول يا تبداي من جديد .. مررة معاناه.. دا كلام قريبتي عن الاسنان .. الاختلاط سار غالبا في كل المجالات الطبية فغرفة لوحدك او لاء على حسب المستشفى الي انتي فيها بس اتوقع الاسنان اكيد يكون لكي غرفة لوحدك!! وعلى المناوبات اتوقع في الصيدلة في عشان زي ما قلتلك لو مثلا تخصصك دكتور صيدلي وكنتي مسؤلة عن ادوية المرضى المتنومين في المستشفى وكده,, بس زي ما قلتلك في مجالات متعددة ممكن تلاقي مجال في الصيدلة ما في تناوب والله اعلم اتاكدي برضو امااا الاسنان الي اعرفو ما في مناوبة ..والله اعلم .. انتي يمكن تلاقي ايجيبيات في قسم وسلبيات في قسم تاني ما في شي مالو كامل فعشان كده انتي استخيري والي لكي في خير ان شاء الله تدخليه..طوللت مرررة عليكي حبيت اقولك الي اعرفو.... ياريت لو المتخصصين في الصيدلة والاسنان يجاوبكي اكيد حيفيدوكي اكتر مننا .. لو تحطي موضوعك في قسم الصيدلة والاسنان يكون افضل.. وبالتوفيق ان شاء الله :)