قروب طالبات المستوى الرابع وما فوق ((ادارة وتنظيم الموارد البشريه)) تفضلوا:-

[شموووخ]

المشاركة الأصلية كتبت بواسطة همس الغلا هلا شموخ انا دخلت موقع الدكتور صالح لقيته منزل السلايدات اللي منزلتها الدكتورة غااادة ..؟ يعني اعتمد عليها واتوكل علي الله بس اكييد خلاص ماشتري الكتاااب.... يعطيك العافية

اهلين

ايه اعتمدي عليها.. ولا تشتري الكتاب

وكويس إنها نفس السلايدات :)

عشان إن شاء الله لوترجمنها تكوني زينا

[S0soOo]

السلوك والتحليل الكمي 2
وبعض المواد حتكون عالرابط التالي ان شالله تستفيدوا

http://www.skaau.com/vb/showthread.php?t=169343

[Dawn near]

جلست اتنقل بين مواضيع البنات بالمنتدى ولاحظت الكثير يقول من ناحيه مادة محاسبة 2 وماليه شركات

وهذا اقتباس لبعض ردود البنات

المشاركة الأصلية كتبت بواسطة %بحر العطاء% محاسبة2 ... << كانت المحاضرة كويسة يعني قالتلنا أسهل من الأول بكثييييير بس أهم شي تكوني مركزة معاها * المذاكرة تكون يا من الكتاب,, أو ملزمة تنزلها أ-رغداء.. أو هيا أ-فاططمة.. حتنزل في نفس موقع الجامعة ونحملها من هناك ونذاكر منها ( حتكون الملزمة مبسطة وشاملة لكل شي) والكتاب حيكون مرجع لك مالية شركات ... << الأستاذة كويسة يعني عادي ... خلتنا نكتب معاها كل اللي في الاسلايدات تقريبا الكتاب (( الإدارة التمويلية للشركات)) إن شاء الله أكوووون أفدتك ومانقصت أو زودت

المشاركة الأصلية كتبت بواسطة ms.boring محاسبه 2 هيه قالتلنا المزاكره من محاضراتها وقالة مهي مشكلة ازا زاكتي من الملزمات الي الدكاتة الباقين منزلينها بس هيه تفضل انك تزاكري من محاضراتها والملزمات عشان تاشري الحاجات الي فاتتك والكتاب ازا تبغي كم مرجع بس والماده شكلها اسهل من محاسبه 1 وقالتلنا انو ميزة محاسبة 2 انو مواضيعها منفصلة مو زي واحد ازا مافهمتي الاول ماراح تفهمي التاني مالية شركات مع سحر مهران الاستاذه مره جيده وقالتلنا المزاكره من نفس محاضراتها ومو لازم نشتري الكتاب واعطتنا اوراق فيها نماذج اسئلة ومع كل فصل بتحل جزء منها معانا واخدنا معاها الفصل الاول وجزء من الفصل التاني والي داخل معانا كلو 6 فصول من 1 الى 5 والفصل العاشر وزي ماقالو البنات الماده بس جيبي القانون وطبقي ^^ هو بس الفصل الاول الي فيلو شوية هرج وتعاريف النوع الاجتماعي للاسف مااخدتها دا السمستر ان شاءالله افدتك بشي وبتوفيق يارب

[Ms.Boring]

عذاري جده انا شعبة bc في السلوك الانساني بس همه جامعين الشعبتين مع بعض في نفس المحاضره

وحابه اضيف حبتين على الي قالو البنات

إدرة أعمال بالانجليزي انا برضو اخدتها مع غاده وتقول انو الاختبار حيكون فراغات - خيارات متعددة - رسم توضيحي - ويمكن اختصارات لانو جابتها للبنات في السمستر الي قبل الي فات

وتحليل كمي2 انا اخدتها السمستر الي فات مع سوزان ابو عينين كانت مره ختيره

وبتوفيق يارب

[لون حياتك]

انا احضرت امس تحليل كمي

مع سوزان

خلصنا تقريبا 100 صفحة ان شاء الله يوم اخر الاسبوع انزل الي اخذناه والي ركزت عليه والتمارين

[Dawn near]

الله يعطيك العافيه لون حياتك

بنتظار تقريرك اخر الاسبوع ^___^

[حنين الغد]

مساء الخير يا طالبات الاداره والاقتصاد
حضرت اقتصاد كلي مع الاستاذه / لمياء ششه وكانت رائعه في الشرح وكانت تشرح من ملزمه الاستاذه عبله بخاري وقالت نزلوها من النت
وحاولت انزلها من النت لي ولكم ولكن لم اجدها
الي عندها الملزمه تنزلها ولها الاجر
الله يوفقنا في هذا الترم

[الاحساس الوردي]

حنين الغد
الله يسعدك من اول ادور احد حضر عند لمياء ششة
كويس انو هدى خيري ولمياء اتفقو على ملزمة وحدة
لانو صراحة مافي زي لمياء في الشرح ولو انو طيراااان
بكرة ان شاء الله راح احضر عندها

تسلمي ياقلبي وبالتوفيق

[همس الغلا]

احسااس وردي ممكن اعرف الدكتورة هدي قالت المذاكرة من ويين ؟؟

[الاحساس الوردي]

المشاركة الأصلية كتبت بواسطة همس الغلا احسااس وردي ممكن اعرف الدكتورة هدي قالت المذاكرة من ويين ؟؟

دكتورة هدى قالت لنا اعتمدو في المذاكرة على ملزمة عبلة بخاري
لكن انا لما حضرت لها امس كانت تشرح لنا على سلايدات ملخص لعطر الغلا كان مرتب مررة
موجود في النت راح احاول انزلو هنا وهاذا للمساعدة يعني بس يساعدك تفهمي المنج اذا في شي مو فاهمتة
بس الاعتماد الاساسي على ملزمة عبلة وبس

دعواتكم بنات ترى انا حامل وخلاص دخلت شهري ادعولي اكمل دورة الجامعة على خير قبل ما اولد
وبالتوفيق للجميع ...