Let's cheat in a good way..طلبات(الواجبات +بحوث+مساعدة في حل الواجبات)

[حنين الود]

السسسســلام عليكم ورحمة الله وبركاته..
طبعا حوضح فكرة الموضوع ويارب أقدر أوصلها بطريقه حلوة وسهله
كلنا بيجيلنا ظروف أو نحس اننا انزنقنا عندنا إختبارات أو صارت ظروف لاسمح الله وحبينا أحد يساعدنا..أو نبغى أحد يصححلنا اجوبتنا, أو يعطينا رأيه في البحوث الي حنعملها لو فكرتها سهلة صعبة؟ فكرتها مستهلكة؟ يعلمنا إيش الأغلاط فيها برضو بعض الأحيان نبغى نلاقي أحد يسويلنا بحث أو يحل لنا الواجبات..(بدل المكتبات الي تغشنا وسعرها اوفر)
(بإختصار هنا موضوع لطلبات البحووث والواجبات )
وبكدا نوفر على نفسنا زحمة المواضيع+مافيه أحد بيساعد+مافيه تفاعل ..
عندي بحث عن الشي الفلاني أعطوني مراجع من النت أو أعطوني أفكار <مكانك هنا..
عندي بحث ومو عارفه عن إيش أكتب < برضو هنا مكانك..
كتبتي Essay وتبغي أحد يصححلك < برضو هنا مكانك..
تبغى نماذج لــEssay كتبوها البنات تبغى تستفيدي منها < برضو مكانك هنا..
عندك برزنتيشن وحآبه تاخدي من بنات تانيين عملوه قبل كدا أو عندهم أفكار لبرزنتيشنز أو مستعدين يعملولك برزنتيشن < برضو مكانك هنا..
طبعاً عارفين بعض الأشياء غلط بس إيش نعمل
بالنسبه للي حابين يساعدوا ممكن يساعدوا ويطلبوا الآجر من ربنا (وممكن انو نعطيهم شي رمزي وطبعا ً حيكون أرخص من المكتبات..)<طبعا ً الكلام دا بالنسبه للبحوث فقط ..يعني لو فيه طالبة أو طالب متخرجين من القسم ويقدروا يعملوا بحوث أكاديمة ممكن يتفضلوا هنا مو معقوله حيعملوها ببلاش
أمثلة للمواضيع الي نزلت في المنتدى بخصوص الموضوع دا في يوم واحد
بحث مادة اللغويات

ممكن طلب بسيط
يــارب نفيد الكل بالموضوع دا.. بليز ردود(يسلمو +فكره حلوه)<لآآآآآآآآآآآآآآآآآع

[Ignor]

والله فكره مجنونه وجريئه وجايه في الوقت المناسب لأن عندي برزنتيشن في السوسيو ومو عارفه إيش اسوي لأن دكتوره نجاح قالت أبغى شي يكون Intresting وأنا مو كثير مبدعه في هذه الأشياء وأبغى أفكار ومصادر أرجع لها وطبعا الكل عارف برزنتيشن السوسيو كيف طبيعته .... بليز هيلب مي

[OFF]

Great Idea .. Keep Up The Good Work :)

[nadoy]

بالنسبة لريسسرش في السوشيو ممكن تكتبي
عن teenagers using slang
تجيبي مجموعة من الكلمات الي بستخدموها الشباب والبنات
طبعا انتي تحديي السن الي تبغيه
وتسوي كوسشينير عليها
وتسالي كذا واحد
وبعدين تكتبي النتيجة
........>>>>ماني عارفة كيف اوصلك المعلومة
بس ان شاء الله تكوني فهمتي شي :)

[حنين الود]

nadoy
^
مررره الفكره حلوه بس افتكر فيه وحده سوتها لو ماخانتني الذاكره

[soso11]

مررررررررررررة نايس الفكرة والله تسلمي

وبالنسبة ل اقنور

انا عندي فكرة انو تتكلمي عن مثلا اللهجة الي نستخدمها في جدة

وتجيبي مقاطع مثلا من مسللسل طاش ماطاش لما فؤاد يتكلم زي اهل مكة وكدا

طبعا طوري الفكرة دي انتي وتكلمي فالمقدمة عن اختلاف اللهجات في البلدان وكدا


اتمنى انو افدتك

[soso11]

بليز بنات عندي واجب شكبير

انو ايش الفرق بين المسرح في عصر شكبير والمسرح فالعصر الحالي


بليز احد يساعدني

[JASSAR]

Haneen, i really like your way of writing. and that title is very crazy and amazing

for me , i'm an "external" student. so, i dont have these annoying assignments

May ALLAH ALMIGHTY help you

[ღحلا الدنيـاღ]

i really like the title & the topic

i will help as possible as i can

may Allah bless you 7aneen : )

[حنين الود]

jassar & حلآ الدنيا ..
يــآرب دآيــما تعجبكم المواضيع ويآرب الكل يتفاعل مع الموضوع ..نستفيد ونتسلى ونشوف أفكار جديدة ..