ضع إستفسارك عن كلية العلوم الطبية التطبيقية هنا وستجد الإجابه

[Butterfly Hope]

المشاركة الأصلية كتبت بواسطة amal.s.a هههههههههههههه مرة لاتقارني الجثة بالجرح .. تعرفي انو الجثة اللي تشوفيها مخشبة وحالتها حاااالة .. ومافي أي دم ومافي قرف .. بالعكس نمسكها كمان ..ايش أحلى من انك تكتشفي اللي داخل جسمك وتمسكيه .. أنا عن نفسي السنة اللي فاتت في الاجازة دخلت دورة مصطلحات طبية ..بنات ثالث طب الله يوفقهم نظموا هذه الدورة ومرررررة والله استفدت منها كثيييييييير .. فيه كتاب حق مصطلحات طبية ..بعدين اديك معلومات عنه .. مرة حلو ومبسط ويديك شرح سهل وبطريقة حلوة لجسم الانسان وأي شي طبي.. وكأني قرأت موضوع في المنتدى أظن في قسم التحضيري على المصطلحات ..

هههههههه الله يعين يااااارب مشكوووره ياعسوله على كل شي :)
ان شاء الله اشتري الكتاب مرررررررررره شكرا
احترامي و ودي ^_^

[Mecooo]

السلام عليكم ورحمة الله
حبيت اسأل في كل قسم من اقسام الكلية كم يكون تقريبا عدد المقبولين فيه ؟؟وخصوصا العلاج الطبيعي ؟؟
وبالنسبة للعلاج الطبيعي كيف الاستاذات و هل ممكن تكون في محاضرات يدرسونا فيها استاذة؟؟
ولكم جزيل الشكر ,,,

[Extreme]

انا اريد ان ادرس قسم مختبرات طبية

ايش رايكم اقدم في جامعة ام القرى ولا عزوز

كيف تعامل الدكاترة في جامعة عزوز هل هم معقدين تصل عقدتهم الى تحميل المواد

كيف طبيعة السنة التحضيرية وهل هو صعب الى هذه الدرجة عندكم

نصائحكم تهمني ارجوكم لاتبخلووو علية بتكسب اجر ودعوة حلوة مني الله يحفظكم

[eeaassaa]

المشاركة الأصلية كتبت بواسطة extreme انا اريد ان ادرس قسم مختبرات طبية ايش رايكم اقدم في جامعة ام القرى ولا عزوز كيف تعامل الدكاترة في جامعة عزوز هل هم معقدين تصل عقدتهم الى تحميل المواد كيف طبيعة السنة التحضيرية وهل هو صعب الى هذه الدرجة عندكم نصائحكم تهمني ارجوكم لاتبخلووو علية بتكسب اجر ودعوة حلوة مني الله يحفظكم

شوفي انا عن نفسي اقولك جامعة عزوز لانها الجامعة الافضل تنظيميا وتعامل الدكاترة يختلفون مو كل اصابعك زي بعض اما بخصوص السنة التحضيرية ما هي ذيك الصعوبة لكنها تحتاج تعب من اول الترم واكرر اول الترم وحاولي انها ما تضيع منك درجات واغلب موادها فيها باونس تكفين تكفين واللة محتاج الدعوات كثييييييييييييير

[M!SS Lara]

كم عدد سنين الماجستير والدكتوراه؟؟

[Loly Licious]

يالله وربي كنت اتمنى ادخل ذي الكلية بس انا مارح استسلم لاااازم ادخلها ان شاء الله

[M.Alnawar]

الماجستير والدكتوراه ماهي موجوده في الكليه دحين
لكن طبعا في الخارج فيه
وعلى حسب التخصص والدوله تكون سنوات الماجستير والدكتوراه
لكن غالبا المتوسط
سنتين ماجستير وسنتين دكتوراه
وقد تزيد

بالتوفيق

[є7ѕαѕ σηtћά]

لو سمحتوا ابغى اعرف كم مكافأة الامتياز ؟؟

[سسكرهـ]

مسسـآء الخير

آنـآ طالبه انقلبت في كليه العوم وكانت رغبتي كليتكم

لو ابغا احول لكم بعد سنه زي ماسمعت

ايش لازم يكون تخصصي في العلوم

احياء ولا كيميا حيوي

لان اسهل شئ الاحياء عشان ارفع معدلي ..

جاوبوني وجزاكم الله الف خير

[є7ѕαѕ σηtћά]

اسم الكتاب ..The Language of Medicine

http://www.4shared.com/get/K7gTiP_r/...5CF72498.dc214

هذا رابط للكتاب نزلته وحده من الاعضاء الله يسعدها ..