بنـــااااااات بحث وتدريب اللي عند رجاء الشريف

[كارهه دنيتي]

السلام عليكم ورحمه الله وبركاته
يابنات انا ابغى احول البحث من شعبه رجاء الى هيفاء بس الشعب فل ومكتفيه
وبستفسر اللي حضرو هالاسبووع عند رجاء الشريف ايش قالت لهم وفي اجتماع ثاني لبنات البحث والا لا ويوم السبت بتجمع البنات والا لا لاني حايسه وموعارفه راسي من رجوولي لاني مقدر مرره احضر وقتهاا اللي عند رجاء وحضر ياليت يفيدني لاني مره مو مرتاحه لها والله ييسرهاا
علي وعليكم ان شاءالله

[tammo]

عليكم السلام ورحمه الله وبركاته

امس جاتنا رسائل انو في اجتماع اليوم في روم سمارت 3
من الساعة 2-4
الدكتورة قالت انها بتسافر اسبوعين و نقدر نناقش خلال الاسبوعين المواضيع اللي نسوي فيها البحث مع د. حياة راجخان او مكن ننتظرها الين ترجع
قالت تختاري 4 مواضيع عن مشكلة صادفتك او قرأتي عنه في الجرايد مثلا او مشكلة بتصير .. اوكيه
طبعا ماتكون مشكلة قديمة ...... تكون موجود لها مراجع حوالي 5 كتب
ويكون البحث على نسختين ورقية و على cd .....وما تنسي تكتبي عليها بياناتك
والتدريب يكون مرتبط بموضوع بحثك ..
ورا تناقشك في البحث..
البحث كله ما يتجاوز 30- 40 صفحة
هذا اللي اتذكره ذحين..

المهم استعيني بالله و ان شاء الله تتيسر

[كارهه دنيتي]

الله يبشرك بالجنه ياشيخه ويارب يوفقك هالترم بجميع موادك وجزاك الله خير ماقصرتي

[assj]

نزلتلي الماده مع رجاء اليوم ..
فاحابه اعرف وش انجزتو الى الان ..
وقابلتوها او لا ..؟

[katy]

ابي رقم د. رجاء بلييييز

[برواز المعاني]

ياجماعه
انا سمعت من بعض الاخوات ان بامكاني انزل الماده معاها قبل مااخذ الماده ومنها اعمل البحث عللى رواقه
وقمت اضفت الدكتوره وكل يوم اشيك ماضافتني

ممكن تسالونها عن المشكله كمثال

يعني كيف اعرف ان في مشكله اصلن

وشكرا لكم

[ام ربى]

بنات مين الي سوت البحث وكيف نتناقش مع رجاء وهيه مو موجوده ماتجي وانا مسافره ايش الحل

[katy]

لوسمحتو يابنات ساعدوني برقم د رجاء
ارسلت ايميلات لدكتوره وحاولت اكلم الاداره بس ما اعطوني الرقم
وانا لسه ماقدمت البحث ولا قمت بمناقشة موضوع البحث مع الدكتوره ولا عرفت مكان التدريب
الوقت قاعد يجري و انا لسه ماعملت شيْ
الرجو المساعده
يمنع وضع الايميلات في المشاركات

[assj]

وانا مع الاستاذه سلوى اعظم للاسف كيف الاستاذه في مادة البحث اخلاقها نفس طريقتها بكل المواد