العجينة المجرررررمة + أحلى سينابون

[ستأتي أيامي]

السلام عليكم ورحمه الله وبركاته
كيف الحال والأحوال
مبروك لكل اتحادية الفوز
كمان مبروك لكل هلالية الفوز
والباقين هارد لكم
اليوم راح أعلمك سر من أسرار المطبخ ألا وهو العجينة المجرمة وهي تستخدم لكافة أنواع المعجنات ودايما تزبط وما تخيب ظنك أبدا
الله يقومك بالسلامة ياصاحبتي هي اللي علمتني عليها ما راح أنساكي طول حياتي >>> عشان العجينة مو لله
لا والله من جد إنسانه عزيزة >>>> خلاص طيب
أنواع المعجنات : بيتزا – سينابون – سمبوسك الفرن – بف – فطاير جميع الأنواع – كرواسون – باختصار كل شي أبيض ويدخل الفرن
المقادير ..
3 كاسات دقيق
4 ملاعق حليب بودره
ملعقة كبيرة خميرة فورية .
فنجان قهوة سكر
فنجان شاهي إلا ربع زيت
رشة ملح
3 ملاعق جبنة سايحه ..
كاسة الا ربع مويه ولو شفتيها قاسية زيديها شوويا بس لا تخربوها
تررررن تررررررررن
نا خذ اتصال ::
المتصلة : السلام عليكم .
الشيف ستأتي : وعليكم السلام ياهلا
المتصلة :ممكن أشارك ؟؟ >>>> حشا مو برنامج طبخ
الشيف ستأتي :اتفضلي ياهلا
المتصلة : معليش ياشيف أبغى أسأل لازم الجبنة السايحه؟؟..
الشيف ستأتي: ايوه لازم مرررره تعطي العجينة طراوة لو ما في حطي جبنة مثلثات حطي اربعه ولو ما عندكم جبنة يالطيف لا تحطي خلاص بس ما حتيجي بنفس الجوده ..>>> أحرجت الحرمه خخخخخ
المتصلة :لا عندنا جبنة سايحه >>>>>> مالها وجه تقول ماعندهم
الشيف ستأتي: خلاص حطيها طيب ليش السؤال؟؟
شرفتينا باتصالك ..
نرجع للعجينة ..
نعجن الأشياء اللي فوق كللللللها مع بعض ونتركها لتخمر نص ساعه ..
بعدين نعجن العجينة كمان ونتركها نص ساعه
يعني وقت التخمير الكلي = ساعه كامله = ستين دقيقة >>>>>> أنفع كيميا حيوية بيو هههه
تررررن تررررررررن
ناخذ اتصال ::
المتصلة 2 : السلام عليكم ..
الشيف ستأتي : ياهلا وعليكم السلام ..
المتصلة 2 : لا زم التخمير ساعه ؟؟
الشيف ستأتي : إيوة مرررررره لازم عشان تيجي بنفس الجودة ..
طيب نروح فاصل صغير على بال أجهز الأغراض ونرجع نسوي أحلى سينابون عرفه التاريخ ..

رجعنا..
مقادير الصوص
ملعقتين صغيرة مليااااااانة قرفة ..
ملعقتين كبيرة شوكولاته بودرة بدون سكر ..
3 حبات جبنة كيري
ملعقتين دريم ويب ولو مو موجود حليب بودرة
علبه كبيرة حليب مركز بس مو كل العلبة .. بطلو تناحه هههه .. المقدار اللي يعجن الصوص ويخليها سايله ونحطها في الخلاط بس الصوص لازم تكون ثقيلة زي الشيرة تقريبا أو أثقل شويا
تررررن تررررررررن

ناخذ اتصال ::
المتصلة 3 : السلام عليكم ..
الشيف ستأتي : ياهلا وعليكم السلام .
المتصلة 3 : الشوكولاته لازم تكون بدون سكر ؟؟
الشيف ستأتي : ايوه لازم لانو لو كانت بسكر والحليب المركز سكر حيجي السينابون مررررره سكر ويجيب السكر هههههه فأحسن شي بدون سكر .لكن لو معاكي السكر ومو فارقه عندك حطيها بسكر هههههههههههه >>> كم مرة ذكرت كلمة سكر في القطعة السابقة هههههه
المتصلة 3: طيب ما عندنا شوكولاته بودرة بدون سكر ..
الشيف ستأتي : اتصلي على جارتكم إيقاع عندهم بقاله في البيت وما تقصر خخخخخخخخخ..
طيب نرجع لشغلنا
نفرد العجينة فردا مزبوطا ونحيفا جدا >>>> درس تنوين خخخخخخ
بعدين نحط ملعقة من الصوص بس ما نكثر عشان لا تسيل علينا وتخبص الدنيا كما في الشكل التالي :

بعدين نلفها بهذه الطريقة ..

نيجي للتقطيع ..
ناخذ خيط نظيف ونضعه تحت العجينة المبرومة هكذا ..

ثم نسحب كل طرف خيط في الاتجاه المعاكس لاتجاهه الأصلي بقوة >>>>> كيميائية وفيزيائية الله يحرسني

وستنقطع العجينة بسهولة ..
تررررن تررررررررن
ناخذ اتصال ..
المتصلة 4 : السلام عليكم ..
الشيف ستأتي : ياهلا وعليكم السلام
المتصلة 4 : ممكن نستخدم السكينة في التقطيع ؟؟
الشيف ستأتي : لااااا حيخبص لك أبو الدنيا بس لو ما عندكم خيط الله يعينك على التخبيص واللغوصة >>> رجعنا للاحراج ههههههه
نجيب صينية وندهنها بزيت ونرشها بدقيق شويا عشان الصوص لما يسيل لا يخرب النكهة .
نحط السينابون في الصينية

ونضعه في الفرن ولازم يكون حاااااااااااار مره من الأعلى 10 دقايق أو أقل ومن الأسفل 10 دقايق أو أقل
احنا الفرن حقنا أصلي هههههههههه وما أدري عن الفرن حقكم كل وحده تشوف بنظرها هل استوت ولا لأ ..؟؟ههههه
فاصل صغير على بال تستوي العجينة ونرجع لكم

رجعنا
نخرجو من الفرن ونضعه في صحن التقديم ونضع الصوص عليه من فوق ونخليه يسيل من الأطراف .. كمان علبة الحليب المركز اعصروها وسوو حركات وخيوطات ودوائرات >>>>> درس الجمع المؤنث السالم ههههه
ونرش القرفة من فوق ويقدم بالهنا والشفا

الزايد من العجينة سوو بي أي شي أو حطوا في الفريزة لاستخدامات أخرى
لا تنسوا تسموا بالله
..
وانتبهو لأصابيعكم

..
..
..
Made in skaau