ابغى استفسار عن اختبار القدرات ..؟؟

[RoOReE]

انا طالبه متخرجه من الثنوي السنه اللي فاتت واختبرت اختبار قدرات العام ولمن دخلت موقع الجامعه وشفت شروط القبول انصدمت لانو الطالبات مايقبل منهم غير شهادة القدرات للسنه الحاليه ..
وانا بصراحه ماقدمت للقدرات السنه دي ولمن دخلت موقع قياس عشان اقدم كان في اختبار جماد واختبار رجب..
جيت اسجل في اختبار جماد لقيتو فل ومافي مجال وجيت اسجل في اختبار رجب شكيت في الموضوع لانو مكتوب في اختبار جماد ( اختبار القدرات العامه )ام في رجب مكتوب (اختبار القدرات والتحصيلي الدراسي ) بس ابغى اعرف هل الاختبارين هيا نفسها ولا اختبار جماد
يختلف عن اختبار رجب لاني بصراحه خايفه اسجل ويطلع مو نفس الاختبار وخايفه كمان يكون الاختبار حق جماد هوا المطلوب فاابغى اعرف لاني خايفه تضيع عليا دي السنه كمان بلييييييز اللي عندو خلفيه عن الموضوع يفيدني وبسرعه بليييييز ولكم مني جزييل الشكر ...(:

[فرفوووشة]

إلي أعرفو القدرات تجلس معاكي سنتين
من فين عرفتي أنو لازم قدرات السنه دي؟؟

[-„”„” ®B.A.D.E.R©”„”„-]

اول مره اعرف انه شرط القدرات هذي السنه ما اعتقد يمكن غلطانه انا اعرف ناس تخرجو معايا وهالسنه سجلو بالجامعه انتظام عادي وكلنا اختبرنا قدرات سوا

[RoOReE]

يب يب صح كلامكم وهدا اللي كنت انا متوقعتو وعشان كدا مافكرت انو اسجل في القدرات للسنه دي بس لمن دخلت موقع الجامعه قبل يومين ورجعت قرات شروط القبول في الجامعه كانو كاتبين انو فقط الطلاب هما اللي يتاح لهم انهم يقدمو بختبار القبول للسنه دي او اللي قبلها بس الطالبات اجباري يكون اختبار القدرات حقهم للسنه الحاليه ..
واختبار القدرات لشهر جماد انتهى التسجيل في وسجلت في اختبار شهر رجب بس قالتلي وحده من البنات انو لازم اختبر الاختبارين اللي في جماد واللي في رجب وانو كل اختبار يختلف عن التاني وانا خايفه يكون دا الكلام صحيح لانو وقتها اكيد حتروح عليا السنه.. بلييييييييز ساعدوني لاني جدا خايفه ..

[ياسمين..]

[لالا مو شرط كل الاختبارين اختبار رجب هوا الاساس واللي اعرفو انو اللي يختبر الاختبارين ياخدوا احسن درجه في القدرات اما التحصيل حق الاختبار اللي في رجب لانو اللي في جماد ما في تحصيل..
ولا تخافي اختبري اللي في رجب والله يسهلك وتدخلي الجامعة ..
ويسهل ليا يااايرب ..
أأأميـــــــن..]

[علم غرورك عزتي مالها حد]

طيب الله يخليكم احد يجاوبني
انا الان سنه ثاني بالجامعه يعني المستوى الرابع وابي اسحب ملفي واسجل بكلية التمريض فرع جامعة الملك سعود المشكله اني مادري هل شهادتي حقت القدرات اللي دخلت بها الجامعه تنفع ولا لا يعني انا تخرجت عام 1428- 1429 واخذت شهادة القدرات في نفس العام هل تنفع ولا لازم اسجل فالقدرات حق السنه هذي ولا ادري بعد للحين متاح التسجيل فالقدرات ولا قفلو ابي احد يرد علي ويطمني بلييييييييييييييز

[RoOReE]

المشاركة الأصلية كتبت بواسطة ياسمين.. [لالا مو شرط كل الاختبارين اختبار رجب هوا الاساس واللي اعرفو انو اللي يختبر الاختبارين ياخدوا احسن درجه في القدرات اما التحصيل حق الاختبار اللي في رجب لانو اللي في جماد ما في تحصيل.. ولا تخافي اختبري اللي في رجب والله يسهلك وتدخلي الجامعة .. ويسهل ليا يااايرب .. أأأميـــــــن..]

يسلموووووو ياقلبوو على المعلومه ...
وان شاءلله يارب تتسهل معايا ومعاكي ومع الجميع ويوفق الكل يااااارب ... (^_*)
امييييييين يارب...

[أبو رسيل]

الله يعينكم على هالقدرات

الحمد لله ما لحقنا عليها