الى طالبات كليه الاقتصاد المنزلي فينكم؟؟

[الدافوره]

تسلمواااااااااااا على الردود حبايبي وايت انجل اتأكدت من كلامك ومرررررررررررررررررررره مصدومه صراحة بركه قلتيلي
اف توتي بافكر احول علوم طبية بس تعرفي كيف اقدر احول وايش المعدل الي لازم اجيبه

[الدافوره]

وايت انجل ايوه الدكتورة نداء جمبي تدرسني في مادة طفولة وامومة
ونظامها الجديد انو كل المحاضرات تتحط على النت واحنا ناخدها بس المشكلة انها ما تتحمل ولازم اقعد اكتبهاومره تاخد وقت
اذا احد عندة محاضرات رعاية امومة وطفولة بليييز يساعدني والله يعينني على اسئلتها

[قلب المحيط]

سلامي للعسل
اسمعي انا بنصحك لاتتدخلي تغذيه لأن تغذية إقتصاد تخرجك بشهادة (تغذية مجتمع)وما راح تصيري اخصائية لأن التغذيه العلاجيه في الطب انصحك ادخلي اسكان مستقبلة افضل واحلى وكمان متعه انا قريب اتخرج منه

[بنت السكن]

المشاركة الأصلية كتبت بواسطة الدافوره انا طالبه جديده حكايتي باختصاراني جبت نسبه كويسه في الثانويه وكنت ابغى ادخل طب ودخلت الاختبار وما قبلوني المهم انا كلهم قالولي ادخلي علوم وانا بصراحه ما عجبني قلت مالي مستقبل غير في التدريس وانا ما احب التدريس طبعا مافي هندسه للبنات واداره واقتصاد بصراحه كل البنات الي نسبهم واطيه يدخلوه وفرص عمله للاولاد بس لانو مين البنت الي ح تشتغل في شركه او بنك وابوها او زوجها ح يرضولها طبعا لا ففي كتير نصحوني بكليه الاقتصاد المنزلي لانو اقسامها تفيد البنت في حياتها وحتى لو ما اشتغلت ح تستفيد انا القسم الي ابغاه غذاء وتغذيه سنتين ونص عام فيه طبخ وديكور وكروشيه وعلم نفس وكيمياءواحياء ودراسه الطفوله والسنتين ونص التانيه تخصص وادرس تغذيه مرضى وكيمياء حيويه احياء واسس تغذيه والتدريب طبعا في المستشفيات ولمن اتخرج اصير اخصائيه تغذيه فانا شفتو حلو وعلى فكره السنه الجيه اول سنه ليه وانا كل الي قلتو من المعلومات الي جمعتها من البنات الي اتخرجو او بيدرسوا اوكي انا مقتنعه بالكلام دا كلو بس كلو مو كلامي زي ما قلت فلو في احد عنده كلام تاني او نصيحه يقولي على فكره انا جديده ع المنتدى ليش مافي منتدى لكليه اقتصاد منزلي؟ ومن جد فينكم يابنات الاقتصاد المنزلي

اولا مين قال انو اللي يدخل علوم يتخرج مدرس علوم
لا ياحبيبتي ادخلي علوم واتخرجي ولك مجال كبير في عالم الابحاث واشياء تفيد البشر والتدريس مايجي غير لو اخذتي دبلوم تربوي
والعلوم ام الكليات كلها وهيا الاساس ويجي منها الطب لانو احنا بندرس تخصص بايوكمستري ومايكرو وجنتيك و الطب شاملو كلو تحت مسمى طب او علوم طبية


ثانيا مافي كلية مالها مستقبل لانو بيدك لما تتخرجي تبني مستقبلك
الاقتصاد المنزلي للناس اللي تحب تشتغل وفنانة

(((للبنات واداره واقتصاد بصراحه كل البنات الي نسبهم واطيه يدخلوه وفرص عمله للاولاد بس لانو مين البنت الي ح))

ثالثا اهو مصيرك دخلتي ادارة واقتصاد وقسم ايش محاسبة يعني احمدي ربك بعد ماكان حلمك طب
الطب مو كل شيء الواحد مو عارف ربي فين كاتب له الخير وانتي قلتي وحكمتني للبنات اللي نسبهم واطية اهو انتي كانت نسبتك عالية ودخلتيها ومافي شيء اسمو فرص عمله للاولاد بس