رد على رسالة أكاديمية وصلتني بخصوص تخصص اداره سكن و مؤسسات :) ..

[Twix~}..]

مسي مسي // صبح صبح ع الجميع ..

أول شي : سوري ياالغلا يلي ارسلتي ليا الرسالة ما قدرت أرد عليكي الا بدي الطريقة لأنه عدد مشاركتي ما يسمح اني ارسلك ...

وغير كدا انا شوفت استفسارتك انو ممكن كتير يستفيدو منها فعشان كدا نزلتها على شكل موضوع ...

وان شاء الله ما تأخذي على خاطرك مني :) ..

بسم الله الرحمن الرحيم

تويكس,, أتمنى أن تكوني في تمام الصحة والعافية

الحمد الله انا كويسآآ وفي اكوس حال

عفواً,, أريد استشارتك ورأيك في تخصص

" ادارة سكن ومؤسسات"

لأني فـكّرت أدخله وبعدها ترددت من الكلام عنه وعن مستقبله ! ...الخ

لكنني .. استخرت وارتحت للقسم ولله الحمد! ..

سؤالي :

أولا:ايش انطباعك عن القسم وتحسي انك مستفيده مرتاحه فيه ؟؟

مرتاااااااااحه لدرجة ما تتصورينها رغم اني لما اقول لأحد نوعية تخصصي يقولي ايش دا ولما اشرحلهم هو يقتنعو فيه ويقولولي واااا قسم مرا حلو وجيد ..من ناحية الاستفاده فدي خذها من عندي انو حتى لو ما اتوظفتي في المستقبل لا قدر الله انتي راح تستفيدي من التخصص بشكل كبيررر .. واصلا المواد الي بندرسها حلوه وممتعه وربي بدون مبالغه ودا راي الشخصي انا وراي صحباتي الي معايا ..

انا اقلك بعض مواد التخصص الي نأخذها نأخذ ادوات واجهزة منزلية تتعلمي كيف تتختاري الجهاز كيف تعتني فيه .. ناخذ إدارة موارد اسرية 1 و 2 مادة حلوه وسهلة مرا .. تتعلمي منها التخطيط , التنظيم , تحديد الاهداف , الميزانية , ادارة الوقت , تبسيط الاعمال , الدخل المالي ..

من مواد التخصص برضو مادة صيانه تشمل السباكة والبويات تتعلمي كيف تعملي بوية وكيف تصلحي شي خرب :) ترآآ مادة حلوة البنات قالولي انا باقي ما اخذتها ..

وغيرهم مواد كتير ..

ثانياً:كيف أوقات الدوام متعبه ولاّ عادي

ليه الى 5 العصر ؟!!

الدوام مرآآ عادي والاوقات عادية أنا أول سميستر ليا كنت اخرج 11 من الجامعه كل ايام الاسبوع .. بس على حسب المواد والشعب الي تكون موجودة في المادة الي منزلتها .. وانتي الي ترتبي جدولك مع المرشدة الي حتكون متخصصة لكي .. الدوام يكون لما خمسة لما تأخذي مادة عملي زي سكن وتأثيثة .. تنسيق زهور .. اداراة حفلات .. البيت التدريبي .. وليش يطولو الدوام لانها تكون يوم واحد في الاسبوع بس وما تاخذي معاها مواد تانيه باقي المواد تتوزع على احد وثلوث او اثنين وربوع .. وعلى حسب الدكتوره احيانا الدكتوره تخرجك بدري من 2 ونص او 3 او 4 واحيانا تكون رزلة وتخليكي لما 6 يعني هيا حظوظ وعلى فكرة ما تحسسسسي بالوقت مرآآآ لانك بتشتغلي ..

واذا تحوبي اشرحلك طبيعة كل مادة مستعدة بس اقدر افيدك في المواد الي درستها ..

يآليت تطرحيلي ردك لاني طالبة تحضيري وأبغى أفهم التخصص وأقـرر..

وسلامتــكـ

الله يسلمك يا عسسسل واي استفسار انا تحت امررركـ اسالي الي تبغي .. مريت بالشعور الي انتي بتمري فيه دحين ..

[غـزل]

الله يجزاكي كل خير وربي مرررره حببتيني باقسم <<<مو هيا الي ارسلت الرساله
الله يجزاكي الجنه قولي امين بجد بجد مررره كنت خايفه اني ادخله ومايعجبني
ربي يسعدك دنيا واخره قولي امين

[عذبة الأطباع]

Twix~}..

الله يجزااااك الف خييير .. ومعليش كثرت من أسئلتي واستفساراتي في القسم ,, لكن والله لضروره ..

وترى أنا ارسلتلك خاص عشان تشوفي الرساله .. لأني فكرت أنزلها في موضوع وما يلفتك ..

الله يوفقك ان شاء الله .. بصراحه استفدت من كلامك ..

وآسفه لو كنتي في وقت اختبارات وزحمه ,,

ويآآآرب أكون من طالبات القسم السنه الجايه وانقبل فيه مع صاحبتي اللي قالتلي عليه ^_*

[Twix~}..]

هلا غزولة ... وجزاكي الجنة ياااارب ..

وآمين ع الدعوة الحلوة تسلميلي ياقلبو ..

وآن شاء الله تستفيدو من الي اقولو .. واذا حابة تعرفي شي لا تستحي اسالي .. انا تحت آمركـ ..

موفقة يارب ..

[نـــايـــف]

بالتوفيق للجميع ان شاء الله

[Twix~}..]

الله يجزااااك الف خييير .. ومعليش كثرت من أسئلتي واستفساراتي في القسم ,, لكن والله لضروره ..

ويجزكي خير انتي كمان ويختارلك الي في خير لكي يارب .. عااااتي اسلئي وخوووذي راحتك من حقك تعرفي الشي قبل لا تدخولي وتجلسي تحووووسي في موضوع التحويل من قسم لقسم او من كلية لكلية ..

وترى أنا ارسلتلك خاص عشان تشوفي الرساله .. لأني فكرت أنزلها في موضوع وما يلفتك ..
يالبى قلبكـ ..خوذي راحتك .. وسوي الشي بالطريقة الي ممكن تفيدك ..

الله يوفقك ان شاء الله .. بصراحه استفدت من كلامك ..

ويوفق الجميع يااارب ... واهم شي انك تستفيدي وهم اقوله للمرآ المليون اسالو زي ما تبغو دامني اعرف اجاوب عليكم راح افيدكم ان شاء الله بلي اعرفو ..

وآسفه لو كنتي في وقت اختبارات وزحمه ,,

يالله دعواتك بكرهـ عندي ثالث اختبار .. ويارب يسهل عليا ان شاء الله وعلى كل وحده يارب :$

ويآآآرب أكون من طالبات القسم السنه الجايه وانقبل فيه مع صاحبتي اللي قالتلي عليه ^_*
آآميييييييييييين يارب ...

[عذبة الأطباع]

يالله دعواتك بكرهـ عندي ثالث اختبار .. ويارب يسهل عليا ان شاء الله وعلى كل وحده يارب :$ ~{..twix

مـــوفقه ان شاء الله ,, الله يسهلك اختباراتك ويفتح عليك أبواب رحمته يآآآرب ..

[Twix~}..]

آميييييييين يآرب والجميع آن شاء الله ..

:)

[عذبة الأطباع]

ايوا .. اخت تويكس~}.. ..

عندي سؤال بسيط و مهم <~ يا كثر كلامي بس

بالنسبة لأنشطه قسم إدارة سكن ,, اللي لمن اروح ابيع في بازار أو أنظم حفله وهيك شغلات ..

هل هي إجباريه ولا اختياريه ؟؟!

لأنه أحس صعبه شويه اسوي هيك شي وأصلا مو من ميولي لأني أطفش بسرعه

[Twix~}..]

هلا ياااقلبو خووذي رآحتكـ واسالي زي ما تبغي ..

يا عسسسل دي مو أنششطة خاصة بالقسم ..

دآ عمل تتطبيقي للمآده غالبا ما يكون عليه 25 أو 20 درجة يعني مو لعب الشغلة :d

وغير كدا في استآذات ودكتورآت ما يعملو دي الشغلة خلاص تتطلب بحوث وتكاليف واختبارات دورية ونهائي وخلاص وفي ناااس لا تقسم الدرجات على تتطبيق وبحوث ودوريات ونهائي وتكاليف هيك يعني ...

كل دآ على حسب الاستاذهـ أو الدكتورة الي تآخذي معاها ..

وإذا انتي عندك ظرف يمنعكـ تسوي دآ التطبيق يعني زي مثلآ (( آهلك ما يرضو تروحي تتطبيق مشروع في مول )) عآآتي قولي للآستآذهـ وتعطيكي آشياء بديله عن التطبيق وخلآص آنتهينا ..

بس على فكرهـ ترآآآ مرآآآ متعهـ الشغل والتطبيقات دي تأخذي الدرجات بسهولة وغير كدا تنبسطي مع صحباتك يعني ونآآآآسة :)

وموفقة يا قلبو ... واسالي زي ما تبي ..