النتائج والخسائر المادية ..

[شيماء الرياض]

مافيه اطالة ياعزيزي انت طرحك ممتاز ليتك تكمل بس إحنا الان نبي نستقر على الاسباب الرئيسية ..من جهه ومن جهه أخرى أبي الحل تجاه هذه الاسباب ..علماً بأني متفاعله مع طرح الاخوة لانهم مرررة صريحين وجريئين ..

[جامعة المؤسس]

بإختصار شديد ... من وجهة نظري الحل هو المذاكره بتركيز من الكتاب واعطاء الوقت الكافي بحيث يبدأ الطالب من بداية الترم بالمذاكره.وايضا مراجعة اسئلة السنوات الماضيه للتعرف على طريقة الدكتور في كتابة الاسئلة وكيفية اقتباسها.والتوكل على الله قبل كل شئ. وهناك اسباب اخرى تتعلق بالدكاتره تأتي عائق للطالب احيانا لكن اهمها تغيير الكتاب قبل الامتحان بفتره قليله!!!!!!!!!! واحيانا يكون للكتاب طبعات محدوده بالمكتبات بحيث من الصعوبه للطالب ايجاده ؟ وشكراااااا

[د/كيف]

منا اي بالله منا

لا نذاكر زي الدوافير

ومشاريهنا كبار

ننسى الاختبارات لين تجي

ولاجت قرينا كم ورقه قبل الاختبار

وجبنا 65 والا 70

وقلنا ليش مانجيب في التسعينات ؟؟

وبعض المرات مانفتح الملخص ولا الكتاب

ونتنقد على الدكاترهـ ؟؟

والدكاتره بعد عليهم بعض الامور كان صحيح ان تصحيحهم مزاجي

فهذي مصيبه !!

فالك التوفيق كاتب الموضوع

موضوعك نايس ^_^

تقبل مرووري

[فريهيد]

يعطيك العافيه اختي ع الموضوع المفيد للطلاب والطالبات

وأن شاء الله نلقى حلول لهذه المشكله

......................

أنا من وجهه نظري المتواضعه اشوف أن الاسباب مشتركه من الطلاب والدكاتره ..

مشكله الطلاب انهم مايذاكرون مذاكره فعليه الا اذا باقي ع الاختبارات اسبوع وبعضهم اذا وصل جده ذاكر زين وظغط نفسه ..


مشكله الدكاتره انهم مايراعون الطلاب وخاصه ان بعضهم مرتبط بعمل صعب او عنده أهل أو أو... الخ

انا من الناس الي ذاكر اختبار اخلاقيات عمل من الكتاب .. لما اقراء الكتاب يعني افكر وشلون ياتي بالاسئله الماده سهله وممتعه .. وتوقعت لو ماذاكرت بنجح فيها زي المويه .. لكن الدكتور الله يجزاه خير جاء بالاسئله بطرق ثانيه .. وهذه مشكله .. يعني لو احنا انتظام صح يسوي الي يبي لان المنتظم مع الدكتور من بدايه الترم ويعرف طريقه كل دكتور عن طريق الاختبارات الشهريه او اي شئ آخر


هذا الي اشووفه من وجهه نظري

اتمنى تقبلوها .. وأن نرى حلول لهذه المعظلات ..


تحياتي

[brhom1418]

المشاركة الأصلية كتبت بواسطة فريهيد يعطيك العافيه اختي ع الموضوع المفيد للطلاب والطالبات وأن شاء الله نلقى حلول لهذه المشكله ...................... أنا من وجهه نظري المتواضعه اشوف أن الاسباب مشتركه من الطلاب والدكاتره .. مشكله الطلاب انهم مايذاكرون مذاكره فعليه الا اذا باقي ع الاختبارات اسبوع وبعضهم اذا وصل جده ذاكر زين وظغط نفسه .. مشكله الدكاتره انهم مايراعون الطلاب وخاصه ان بعضهم مرتبط بعمل صعب او عنده أهل أو أو... الخ انا من الناس الي ذاكر اختبار اخلاقيات عمل من الكتاب .. لما اقراء الكتاب يعني افكر وشلون ياتي بالاسئله الماده سهله وممتعه .. وتوقعت لو ماذاكرت بنجح فيها زي المويه .. لكن الدكتور الله يجزاه خير جاء بالاسئله بطرق ثانيه .. وهذه مشكله .. يعني لو احنا انتظام صح يسوي الي يبي لان المنتظم مع الدكتور من بدايه الترم ويعرف طريقه كل دكتور عن طريق الاختبارات الشهريه او اي شئ آخر هذا الي اشووفه من وجهه نظري اتمنى تقبلوها .. وأن نرى حلول لهذه المعظلات .. تحياتي

انا كنت ابقول نفس الموضوع تقريباً وخاصة اخلاقيات العمل تقبلوا تحياتي

[نـــواف]

اولاً شكراً على الطرح الجرئ والبناء في نفس الوقت

وجهة نظري المتواضعه ان هناك قصور من قبل الطالب قبل ان يكون الدكتور جزء من المشكلة وكذا الحل

يا اختي اقولها ولدي براهين على ذالك هناك تقنيه حديثه عملنا بها ونحن غير ملمين بنتائجها والله العظيم واحد من الزملاء اختبر هو وخويه طبعاً كانو جنب بعض يقول والله لغش مني نفس اللي بورقتي يمكن حتى الرقم الجامعي نقله وتفاجئ بان خويه (( نجح )) وهو رسب تخيلو !!!هل هذا يعقل احد الاقارب ادراي با الجامعة يقول اخطأ سببها التطور الاعمى نبي ناصل لما وصلت له الدول الغربيه على عماها وهذي هي المشكلة ,,
والحل هو × × ان نعود لسابق عهدنا في التصحيح وكذا الرصد وصدقوني هذا هو الحل ولكن نحن معروف عنا في هذا البلد ( مستهلكين اكثر من ان نكون منتجين ) يعني نبي مكتب ومكيف وما يبي الدكتور يتعب حاله ,,
تعمدت الصراحة نظراً لجدية الطرح وكذا لتحقيق القناعة لدى الاخت اللي من الرياض .

[hdm]

عندي اعتراض على اجوبة بعض الشباب

>>مثلاً

انا كان عندي رياضيات اول ترم والله ان درجتي ماتنزل عن الـ90 ابداً لأن ماكان علي إلا خطأين ومتأكد ميلون بالمية وخرتها كم 60 وادق على الجامعة يقولون احمد ربك يمكنهم دفوك هههههههه
وش الحل

لا وغير كذا دق علي الدكتور بتوجيه من وكيل الكلية ويقول درجتك صحيحة ولو بحلف انه مااعاد تصحيحها ولا قربلها لكن وش نقول

حسبي الله ونعم الوكيل واستسلمت للموضوع

لكن بسراحة مانظلم الجامعة فيه اختبارات كثيرة يساعدوننا فيها

هذا ماعندي ولكم الشكر..........

[مشعل أبوتركي]

الاسباب الحائله دون المذاكره

اولاً : معظم المنتسبين موظفين والبعض متزوجين والبعض عنده اعمال خارجيه بعد انتهاء عمله الوظيفي بذلك يكون وقت الفراغ محدود

ثانياً : الانتساب يختلف عن الانتظام بالاعتماد على النفس عند المذاكره وما فيه احد يشرح لنا المادة مثل المنتظمين

ثالثاً : الكسل وعدم وجود مشجع على المذاكره


الحلول

اولاً : طلب الكتب بوقت كافي ووضع جدول مع تحديد الوقت مثلاً من الساعه (5 مساء) الى (5.30 مساء) مادة قانون اداري..

ثانياً : المحافظه على الصلاه في وقتها لانها سبب في تنظيم الوقت اذا لم تصحى لاداء صلاة العصر والمغرب ضيعت صلاتك ووقتك..

ثالثاً : وجود مكان مناسب للمذاكره يكون هادي وجيد التهويه علشان لا تمل بسرعه

رابعاً : لو الكتاب 200 صفحه وخصصت يومياً 3 صفحات فقط راح تقرأ 200 صفحه خلال 66 يوم

خامساً : البعد عن الملخصات ومراجعة اسئلة الاعوام السابقه قبل الاختبار


شكراً

[r-a]

صح كلام الأغلبية
إعتمادنا على الملخصات هي إللي تنزل مستوانا من ناحية

لاتمشوو ورا إللي يعطوك ملخصات ،، أنا إذا قالت الإستاذة نذاكر من هذا الملخص و هي إللي أعطتنا هوو الصراحة
أمشي على كلامها وجربت هذا الشي في الادارة العامة و العلوم السياسية وصح من نفس الملخص جت الأسئلة

وعن نفسي جبت نتيجة نوعاً ما مرضية الحمدالله بس باقي العلوم سياسية مانزلت ويارب أتوفق فيها ياااارب

نصيحة :/ إذا الأستاذ أو الأستاذة ما أعطونا ملخص لا نجلس ندور ملخصات ونتعب روحنا
لو جت منهم أهلاً وسهلاً وإذا لا مالنا غير الكتاب ونخطط فيه وقت المحاظرة والله يوفقنا يارب ><"

[الحربية999]

طيب واللي يذاكر ويجد و يحفظ الكتاب صم من الى ...

وعلى كدا مايعطونا الدرجات اللي نستحقها ممسكين الاغلبيه على 60 و70 ان كثرو على الـــ80 وبس هدا واحنا واثقين ومتأكدين من الحل ...

من دخلت الجامعه وانا لازم اراجع عشان يعدلو درجتي اللي تقولي ضاع النموذج واللي غلطنا بالنموذج .....مررررره اهمال من اغلب الاساتذه ....


وشي طبيعي في البعض يجتهد ويذاكر والحمدلله ماشي وكمان مظلوم ... والبعض الاخر معتمد ع الملخصات ولايحضر لانه موظف .


وفي كتير ليلة الاختبار يذاكروو وماشاءالله الدرجات فووق .. والقله اللي يختمووو ويتعبو وفي الاخير الدرجات كلها مشحووته منهم هنا الغلط من مين .؟!

يعني جينا يمين جونا يسار والعكس والانتساب معروف ياناجح ياراسب وبكيفهم

والله يعين يعني الاهمال من الجهتين ..