انقبلت في طب الاسنان ..اريد الاجابه على اسئلتي

[miss-rahaf]

السلآم عليكم ورحمه الله وبركاته

كيفكم ؟؟ ان شاء الله الكل بخير

الحمدلله انا انقبلت معااكم بطب الاسنان

وان شاء الله احاول افييد غيري .. .. زي ماني شايفه الكل هنا يفيد ويستفيد

اتمني اي احد يفيدني بكم سؤال عندي

الحين انا بعد ما انقبلت بطب الاسنان ايش اسوي ..
يعني سمعت اعضاء يقولو لازم تراجعي الجامعه عشان تغير البطاقه حقتك
متي يعني اروح عندههم ..
وعاتي لو اول يوم دراسه اروح ..
وبعدين لو بدات الدراسه مثثلآلآ .. وين اروح مبني كليه الاسنان
ولا وين بالزبط

<- باقي مو مستوعبه اني انقبلت بالطب

والشي الثاني ...
للبنوتات الى يدرسو هناك
كيف نظام الملآبس هناك
بصراحه انا ما اعرف احد قبلي درس هناك =(

فيه لبس معين .. ولا لاب كوت .. ولا زي السنه التحضيريه تنوره ؟؟

الشي الاخير .. الحين انا خلصت التحضيري

هل هذي السنه تحسب ليا واعتبر سنه ثانيه في طب الاسنان .. ولا سنه اولي

وبصراحه اتمني تطمنوني كيف الدراسه .. خوفووني كثير من الناس
يقولو مادام دخلتي تخصص الطب .. يعني مافي لاخرجه ولا ترفيه ولاششي
=(
انا الحمدلله مستواي الدراسي عالى بفضل من الله
بس خايفه من كلام الناس

على العموم اسفه لو طولتها معاكم

واتمني القى الاجابات

لكم خالص شكري ..}

[Dr~NanoOok]

د.رهف ^_^
الف مبروووووووووووك ليكِ انضمامك لينا
وباذن الله حتنبسطي كتير معانا

بنات الأسنان من أحسن البنات وقريبات من القلب.. وصراحة في حب التعاون والمساعدة
ماشالله مافي زيهم.. يكفي ان كل دفعة تساعد الدفعة اللي أصغر منها
بأنها تجي أول السنة وتعمل تعريف ونبذة عن السنة اللي حيدرسوها ويعطوهم كل شي حيفيدهم
سواءً من ملفات ومعلومات.. حتى مساعدات وبكل شي
ربي يديم المحبة والتعوان بيننا آمين

وحتى الكلية ودكاترتها و الشؤون الطلابية فيها..
مهتمين بينا على الآخر << وأسألي بنات التخصصات التانية وحتسمعي كيف "^^

,’

وإن شاء الله ححاول أنزل موضوع أكتب فيه نبذة بسيطة عن الكلية وعن وضعكم يا ثانية أسنان
وبموقع مبنى كليتنا.. وكل شي ان شالله

وخليني دحين أجاوب على أسئلتك =)

الحين انا بعد ما انقبلت بطب الاسنان ايش اسوي .. يعني سمعت اعضاء يقولو لازم تراجعي الجامعه عشان تغير البطاقه حقتك متي يعني اروح عندههم .. وعاتي لو اول يوم دراسه اروح .. وبعدين لو بدات الدراسه مثثلآلآ .. وين اروح مبني كليه الاسنان ولا وين بالزبط

تغيير البطاقة حيكون ليه موعد محدد.. والكلية حتخبركم متى.. وغالبا حيكون بأول أسبوع بعد ما تداوموا
وتداومي عادي بمبنى 10 حق طب الأسنان في المجمع الطبي

والشي الثاني ... للبنوتات الى يدرسو هناك كيف نظام الملآبس هناك بصراحه انا ما اعرف احد قبلي درس هناك =( فيه لبس معين .. ولا لاب كوت .. ولا زي السنه التحضيريه تنوره ؟؟

في الأيام الأولى.. تعالوا ببنطلونات << ترا مررررره عادي تلبسوها وهي الزي الرسمي هنا بالكليات الصحية
بس أهم شي يكون اللاب كوت طويل ويوصل إلى أسفل الركبة أو نصف الساق وما يكون مااسك على الجسم

لكن بعض الكليات ألزمت كل الطالبات انهم يلبسوا السكرب Scrub
كـ زي رسمي.. واحنا كليتنا من أول مّن طبق هذا النظام
وصراحة مررره أسهل واريح.. وخاصة لما تبدوا تشتغلوا في المعامل والدكاترة حيكونوا معاكم

هل هذي السنه تحسب ليا واعتبر سنه ثانيه في طب الاسنان .. ولا سنه اولي وبصراحه اتمني تطمنوني كيف الدراسه .. خوفووني كثير من الناس يقولو مادام دخلتي تخصص الطب .. يعني مافي لاخرجه ولا ترفيه ولاششي

ايوا.. حتكونوا تانية أسنان على طول =)

والدراسة مو مره صعبة ولا مستحيلة زي ما بيكبروا الناس الموضوع !
بس أهم شي انك تحاولي تفهمي و تزاكري أول بأول.. لأن الكمية كبيرة ولو ما اتداركتيها من البداية
حيصعب عليكِ بنهاية السنة

لكن من ناحية الفلة والخرجة.. فبراااحتك .. أهم شي تقدري تنظمي وقتك
يعني لو تخصصي ساعتين باليوم للمزاكرة اليومية << غير أوقات الاختبارات
فمررره كويس وكافي ليكِ

وعلى العموم سنة ثانية أسنان تُعتبر سهلة موادها قليلة والدوام مو مره طويل
زينا احنا في تالت ورابع.. نخلص الساعة 4 وأحيانا 5 "^^

’

وزي ما قلت إن شاء الله حرجع واعمل موضوع وأشرح فيه بالتفصيل

وهنا موضوع ليا من السنة اللي فاتت.. كتبت فيه نبذة عن المواد بسنة ثانية
إن شاء الله يفيدك =)

http://www.skaau.com/vb/showthread.php?t=94958

[Jo0o0o0o0oRy]

وعليكم السلآم ورحمة الله وبركآته ,

ألف مبروٍووك مس رهف عالقبول .. ربي يوفقنا ويسهلها علينا ياربْ

وجزآكِ الله خير دكتورة نانوك .. من جد ريحتيني بكلآمِك ربي يسسعدك
حفظت موضوعك بالمفضلة , حأرجعله قريب إن شالله ,

بالنسبة للجدول .. نحنا حنسويه ولا حيكون جآهز ؟

[shosho0o]

مني مصدقة أني أنقبلت طب أسنااان <<< الحمدلله يااارب

حبيت أسئل كم سؤال إيش لون السكرب و إذا إلزامي ألبسوه أول سنة ؟؟؟

و هل طب الأسناان يحتاج لغة عالية أناا عن نفسي لغتي متوسطة؟؟؟


و شكرااا على تعاونكم

[reemo2009]

[quote=shosho0o;2431281]

مني مصدقة أني أنقبلت طب أسنااان <<< الحمدلله يااارب

حبيت أسئل كم سؤال إيش لون السكرب و إذا إلزامي ألبسوه أول سنة ؟؟؟

و هل طب الأسناان يحتاج لغة عالية أناا عن نفسي لغتي متوسطة؟؟؟


و شكرااا على تعاونكم مبروووووووك ياعسل تنوري الكلية
لون السكرب كحلي مررة جميل..وتقدري تقولي شبه الزامي لاننا بعدين خربناها شويا وصرنا مانلبسه دوم يعني مافيه تشديد من هالناحية
ومن ناحية اللغة لاتخافين كلنا دخلنا ولغتناااا متوسطة ومشينا وتعودنا ياعسل بالتوفيق

[مَـزٍآج ..}..]

ألف مبـرٍوكـ ..

ومآ شآء الله الدكتورإأت مآ قصروا معآكـ !!

[shosho0o]

مبروووووووك ياعسل تنوري الكلية
لون السكرب كحلي مررة جميل..وتقدري تقولي شبه الزامي لاننا بعدين خربناها شويا وصرنا مانلبسه دوم يعني مافيه تشديد من هالناحية
ومن ناحية اللغة لاتخافين كلنا دخلنا ولغتناااا متوسطة ومشينا وتعودنا ياعسل بالتوفيق

مشكورة يا دكتورة ما قصرتي ^_^

[غالي الاثمان123]

طيب يادكاترة والاولاد نفس الكلام والي فيه اختلاف ...............

[Kaira]

يسلموووووووووووو عالمعلومات المفيدة ^^
الله يسعدكم ياااااااااارب ..
وانشاالله حماسنا يبقى للتخرج ^__^
يعني أول يوم أدخل الكلية عاي ؟؟ وكيف يعرفو اني أسنان لما أطلع البطاقة ؟؟
أخاف يحسبوني تايهة ومني عارفة شي

[مَـزٍآج ..}..]

المشاركة الأصلية كتبت بواسطة kaira يسلموووووووووووو عالمعلومات المفيدة ^^ الله يسعدكم ياااااااااارب .. وانشاالله حماسنا يبقى للتخرج ^__^ يعني أول يوم أدخل الكلية عاي ؟؟ وكيف يعرفو اني أسنان لما أطلع البطاقة ؟؟ أخاف يحسبوني تايهة ومني عارفة شي

بدلي بطآقتكـ وحوليها لأسنآنيـة .. من العمآدهـ ..