تجربتي مع المطابقة - ماجستير ادارة الاعمال التنفيذي

[Brainiac]

السلام عليكم...

اولاً : أحب اشكر الموظفين بالقبول هناك على سعة صدرهم وتعاملهم الجميل مع الجميع...بصراحة يعطيهم ألف عافية.


انا وصلت تقريباً الساعة 10 للمبنى.... بس دخلت حرم الجامعة الساعة 9 الصبح... والسبب أني ضعت ... وخفت على نفسي انخطف بس ربكم ستر.

طبعاً الموضوع بالنسبة لسكان جدة بشكل عام.. وخريجي جامعة الملك عبدالعزيز بشكل خاص.. جداً سهل...... بس بالنسبة لي وأشكالي جداً صعب لاني ما اعرف حاجه بجنوب جدة... وبرضو ما فيه لوحات كافية داخل الحرم الجامعي.......... طبعاً شهادتي مجروحة بموظفي الامن... شكلهم كلهم كانوا اجازات اليوم .

للي ما يعرف ... ادخل للحرم الجامعي من خلال البوابة رقم (6) ... ( سألت واحد وقالي بوابة سته... قلت له : مكتوب عليها رقم 6؟... قالي: لا بس معروفة انها رقم 6... قلت : طيب ان شاء الله ربي يلهمني) ....... بس كويس طلع مكتوب عليها رقم 6... وفيه قدام المدخل مجسم لمجموعة كتب فوق بعض.

المهم ، لما تدخل من البوابة... حيجيك اول دوار.... اعمل U Turn وارجع...حتشوف فيه مباني على اليمين ... تسمى هناك "المباني القديمة" .... المبنى اللي فيه المطابقة اسمه "عمادة البحث العلمي"... ادخل المبنى... بعدين خذ اول ممر يمين... بعدين أول ممر يسار ( انا اعطيكم التفاصيل هذي لان ما راح تحصلوا أحد تسألوه).

تدخل تاخذ رقم وتستنى... واصلاً ما كان فيه زحمه... المطابقة سريعة جداً... بس تستنى ربع ساعة عشان تاخذ البطاقة الجامعية .... وبرضو لازم توقع على تعهد بأن لو المكرمة الغوها ، حتدفع من جيبك.

برضو كثر الكلام عن النسبة الموزونة ... أقل نسبة موزونة للمقبولين في ماجستير ادارة الاعمال التنفيذي ( مضاف لها الخبرة ) كانت 79.4% ... طبعاً هما ما قالوا الكلام هذا.... بس انا ملقوف

برضو يبدو انهم مرة متشددين بخصوص مواعيد المطابقة .... يمكن يعملوا استثناءات لانهم صراحة مره وسيعين صدر وأخلاق ....بس لما سألت بخصوص تمديد مواعيد المطابقة ، قالوا ما فيه.


موفقين جميعاً

[legend_man]

اشكرك اخي العزيز على هذا التوضيح وفعلا شامل كل شي
وانتهز الفرصة لي اشكر ايضا موظفين الاستقبال في العمادة على حسن اخلاقهم وتعاملهم
ولدى استفسار كيف يمكن ان نستخدم الخدمة الالكترونيه ومتى ؟
وشكرا

[Brainiac]

قصدك نظام الاوديس؟ ... انت تقدر تسجل فيه من الحين.

فيه مواضيع هنا بالمنتدى عن الاوديس وطريقة التعامل معاه ... بس اتوقع هالفترة ما راح تستفيد منه كثير لان لسه باقي فترة على بداية الدراسة.

بس لاحظت انهم ما يقرون الا جريدة الجزيرة؟ ... مع اني توقعت عكاظ ( كالعادة بحكم أنهم بجدة)

بالتوفيق ان شاء الله

[Basic]

شكرا على نقل تجربتك مع اني متخرج من الجامعه لكن والله مدري وين بوابه سته ليتك جبت احداثيات جي بي اس

وبالنسبة لموعد المطابقة الله يكون في العون على الروحه بكره
بس الغريب ان الدكتور محمد الدماس نزل تصريح يقول فيه ان المطابقة لنهاية شهر شعبان
http://forum.kau.edu.sa/vb/showthread.php?t=2233

لكن والله ما تضمن شي فالافضل ان الواحد يلتزم بالجدول

[Brainiac]

بوابة 6 على شارع عبدالله السليمان... لما تخلي الجامعة مول على يمينك... تروح سيدة بتجيك هي على اليسار.

كان ودي اعطيك احداثيات... بس الصني اللي استأجرتها ما فيها نافيقيشن :)

المشكلة لما سألت ما كان الاستاذ فيصل البلادي موجود... هو كان موجود.. بس لما جيت اسأل اختفى الرجال.

بالتوفيق ان شاء الله

[f999f]

جزاك الله خير أخوي على التوضيح
عندي سؤال بخصوص خطاب القبول اللي نقدر نقدمه للعمل :
هل حصلت عليه وإذا لم تكن قد حصلت عليه فهل إجراءات الحصول عليه تتم في نفس اليوم ؟

[Brainiac]

هذي ما اقدر افيدك فيها لاني ما طلبت... بحكم ان الدوام بيكون بالويكند.

بس ما اتوقع انه شي صعب... يعني اذا البطاقة الجامعية طلعت بربع ساعه.. اتوقع الافادة تطلع بوقت أقل

[f999f]

شكراً أخوي بس للمعلومية لازم تأخذ موافقة جهة العمل على الدراسة حتى لو ما تتفرغ عشان تعتمد شهادتك إذا تخرجت إن شاء الله هذا بالنسبة للوظائف الحكومية أما القطاع الخاص فلا أعلم هل ينطبق عليهم هذا الكلام أم لا .
وبالنسبة للأخوان اللي حصلوا على خطاب إفادة للعمل ياليت يقولوا لنا إجراءات الحصول عليه

[عماد الحسن]

جزاكم الله خيراً أخي القدير لهذه الجهود الطيبة منكم ... ومبروك عليكم البطاقة البرتقالية
وأشكركم لهذا التقرير المفصل عن زيارة الجامعة وأتمنى أن تكون سفيراً لطلاب الماجستير

ملاحظات هامة:
بالنسبة لورقة إفادة القبول فهي مطلوبة لمن يرغبون بالإيفاد والتفريغ أما الطالب العادي فلا تلزمه الآن.
بعد بداية الدراسة تأخذوا إفادة انتظام وتقدموها لجهة العمل للموافقة على الدراسة وتأخير الموافقة لايضر
بعد يومين من استلام البطاقة يمكنك الدخول لموقع الطالب الأكاديمي للاطلاع ومراجعة بياناتك فقط
تسجيل المواد الدراسية لا تحتاجوه أبداُ لأنكم طلاب في الماجستير الخاص وكل جداولكم جاهزة ومحددة
تم التواصل مع عالجامعة لإتاحة الفرصة لطلاب القصيم لإكمال إجراءاتهم في القصيم وننتظر ردهم

ولو تذكرت أمور أخرى فسأكتب عنها لاحقاً بحول الله.

[أحمد المديد]

معلومات قيمة بارك الله فيك..