هل توجد معاهد اودورات عن الرسم اليدوي في جدة في فصل الصيف؟؟؟؟؟؟

[الراكز]

السلام عليكم ورحمة الله وبركاتة
شباب أنا كنت ادرس في كلية الهندسة وحولت الى كلية تصميم البيئة هل راح يعادلولي المواد ؟
وأبغا اسأل هل توجد معاهد أو دورات في الصيف عن الرسم اليدوي في جدة؟؟ ولو في دلوني لاني ابغا اتعلم من ذحين .,.,.,.,.,.,وشكرااا

[الراكز]

وأبغا اسأل هل درستم برنامج ال solid works؟؟؟؟؟؟ هذا برنامج انا درسته في الهندسة برنامج رسم

[احمد ربيعة]

شوف انا معرف معاهد رسم في جدة ولا غيرها تمام ..

بعدين انصحك يعني اشغلة كلها ماهي محتاجة معاهد ولا تكاليف اضافية , انت استمتع بالصيفية والسنة الجاية الكلية هي الي بتعلمك الرسم وكل شيء اولاً بستخدام الادوات الهندسية والرسم اليدوي واخيراً الرسم باستخدام البرامج على الحاسب .....







ونباركلك انضاممك الى عالمنا

[م.دافووور]

هلآ أخوي ..
بالنسبة للموآد محآ تتعآدل كلهآ .. هذآ شي طبيعي
لكن لآزم ترآجع الكلية عشآن ممكن تتعآدل بعض الموآآد .. ولو تتعآدل كمآدة (( الليكتيف )) حتريحك برضوو

بالنسبة لبرنآمج السولد ورك .. يستخدموه حقون الهندسة بس .. اما عندنآ في برآمج تآنية

اما الدورآت ..
في دورآت كثيرة عن .. الرسم اليدوي .. والفن التشكيلي .. والتلوين ...الخ
بس بصرآحة الآن مآ أعرف دورة معينة ..

لكن مآلك اللآ عموو قوقل هوآ اللي يعرف مآشآء الله عليه

وبالتوفيق ..

[xanaza6]

شوف انا طقطقت على الفوتوشوب لما صرت ارسم رسوماتي بحوالي كم ساعه للرسمه, انا ماني في جده لكن اذا حاب اعطيك خلفية على الرسم والالوان بالفوتوشوب ادخل على النتلوج حقي حتلقى رسوماتي وإن شاء الله ماقصر معاك, انا كنت حاخذ كورس بالاوتوكاد بس حسيت مالها داعي وخاصة ماعندي الخلفيه الرسميه باستعماله وزي ماقاللك احمد ربيعه مايحتاج تهنى بالصيفيه والكليه حتعلمك لما تزهق ^.^

يمنع وضع جميع وسائل الاتصال (بريد الكتروني أو معرفات برامج محادثه فورية أو صفحات مراسلة أو صفحات شخصية ... الخ)

بس من ناحيتي رسمي هوايه, واحب امارسها بين الحين والاخر, الله يوفقك ومبرووووووك على دخولك الكليه وإن شاء الله افيدك في الرسم

[الراكز]

مشكورين وماتقصرون........... تحياتي لكم .,.,.,.

[xanaza6]

سوري ماقدرت احط اللنك حقي هنا مايخلونا X.X
ادخل على اليوتوب واكتب Digital drawing tutorial او photoshop tutorials حتلقى فيديوات عن التعليم بالرسم الدجتال والفوتوشوب فادتني كثيييير الصراحه

[ابو سـامي]

احم احم هذه اول مشاركة لي بالمنتدى


والهدف خدمة الطلاب الجدد

لأنا مرينا بورطاااتهم كثييير هههههههههه


بالنسبة اخوي للمواد اللي تتعادل مااعتقد بس روح لوكيل الكلية طيوب مره وبيزبطك



الشي الثاني / المعاهد ...!!!!؟؟


انا ماانصحك ابدا تتدخل وخسائر ووقت كلام فاااااضي

انا كنت مكانك في قمة الورطة لكن وقت الشغل صدقني بتتعلم بعدين هيا برامج مره تافهة .. احنا بالتخطيط اوتوكاد وفوتوشوب واكسل للدراسات .. وذحين الجديد الـ gis لاتشيل هم كلها تفاهه


اذا تبغى معاهد روح معهد جدة الدولي في التحلية مقابل البيك وبمركز الجمجوم , وفي كمان بس مااعرف , عندهم عروض حلوة ...

بس ماانصحك ... وبالتوفيق يامهندس

[xanaza6]

المشاركة الأصلية كتبت بواسطة ابو سـامي احم احم هذه اول مشاركة لي بالمنتدى والهدف خدمة الطلاب الجدد لأنا مرينا بورطاااتهم كثييير هههههههههه بالنسبة اخوي للمواد اللي تتعادل مااعتقد بس روح لوكيل الكلية طيوب مره وبيزبطك الشي الثاني / المعاهد ...!!!!؟؟ انا ماانصحك ابدا تتدخل وخسائر ووقت كلام فاااااضي انا كنت مكانك في قمة الورطة لكن وقت الشغل صدقني بتتعلم بعدين هيا برامج مره تافهة .. احنا بالتخطيط اوتوكاد وفوتوشوب واكسل للدراسات .. وذحين الجديد الـ gis لاتشيل هم كلها تفاهه اذا تبغى معاهد روح معهد جدة الدولي في التحلية مقابل البيك وبمركز الجمجوم , وفي كمان بس مااعرف , عندهم عروض حلوة ... بس ماانصحك ... وبالتوفيق يامهندس

ياهلا ياهلا
يسلمو على اول كومنت لك, وإن شاء الله تستانس عندنا اقلط حياك هع