المعيده ياريت تفيدني:)

[so.me]

مرحبااا لو سمحتوا بس كنت ابغى اسااال دحين انا متخرجه لسا الترم هادا ولمن نزلت وظايف معيدات في نفس قسمي قدمت اوراقي وكل شي وقالولي على اساس تطلع النتيجه عالنت معرف متى ابغى اعرف حيقبلوني وانا لسا ماعندي ولا اي خبره اول مرررا بقدم على شغل عندهم وهل لو قبلوني ايش نظامهم يختبرووني ولا يخلوني اقدم محاضره قدامهم ولا كييف مني عاارف ايش النظام ولو قبلوو فيا متى امسك الشغل الترم دا ولا اللي بعدوو وانا كمان ابغى اقدم ماستر في نفس الجامعه يعني ادرس واشتغل ينفع ولا لا فياااريت ازا وحده تعرف ومجربه تقلي وشااكرين لكم....

[snowystorm]

هلا so me أول شئ كل عام وأنتي بخير وأحلامك متحققة

بالنسبة للماستر والشغل بنفس الوقت فهذا ممكن طبعاً ولو صرتي معيدة أصلاً بعد 3سنوات حيلزموكي تكملي الماستر ..يعني إكمال الماجستير (مفروض) ع المعيدة بعد 3سنوات من تعيينها ولو تحبي تكملي من أول ترم فماعندهم مشكلة وبالعكس المعيدية حتسهل عليكي القبول لدراسة الماجستير (هذا واقع شفته بعيني)...بأقولك شئ ياقلبي نصيييييييحة لو ماأتقبلتي ع الوظيفة اللي قدمتي عليها الآن ،روحي وأنتي متفائلة ومبتسمة لرئيسة قسمكم سلمي عليها وعرفيها بنفسك وقولي لها أبغى وظيفة معيد بالساعة (لاتقولي شحططة وتعب والراتب نهاية الترم )عادي كل شئ له بداية وربنا يكتب لك الأفضل ..أهم شئ لاتجلسي تنتظري أتصرّفي خليهم يعرفوكي ويشوفوا وجهك كثير وهذي الأيام زبطي فيها ملفك وسيرتك الذاتية أكتبيها كويس لاتبقّي لاصغيرة ولاكبيرة إلا تكتبيها لو رحتي وراء بيتك أشتغلتي أكتبيلهم (أمزح معاكي بس أقصد أكتبي كل شئ عملتيه من بعد تخرج الثانوي ولاتجيبي سيرة الثانوية بتاتاً إلا الدورات اللي أخذتيها بذاك الوقت) أتمنى أكون أفدتك
موّفقة بإذن الرحمن

[العتيبيه]

حلوه كلمة دحينه أو هادي

للأسف ماعندي خبره افيدك دحينه

[queen1]

الأخت so.me
ممكن اعرف كيف قدمتي اوراقك
عن طريق البريد ولا رحتي الجامعة بنفسك
لأن أنا ارسلت بالبريد ومكتوب في الورقة
المستقبل الدراسات العليا
ابغى اتأكد في احد رسل بالبريد ومكتوب
المستقبل الدراسات العليا

[so.me]

مشكورررين على كل الردوود و ماقصرتوو
اختي كوين انا رحتلهم الجامعه عند نفس القسم حقي و قدمت اوراقي عند السكرتاريه اللي هيا الاوراق المطلوبه المكتوبه في الاعلان نفسوو بس كاانو يبغوا زياده اللي هوا السيره الذاتيه حقتي وصوره من الهويه وطبعاا تديهم صوره من كل الدورات اللي حضرتيها ازا عندك وبس وقالولي انو حتطلع القبول على نفس موقع الجامعه بعد ماينتهي فتره التقديم اللي هوا 23/9 والله يوفقك وينولنا كل اللي نبغاه....

[كلي أمل]

الله يوفقك يااارب ..
ويطمن قلوبنا ،، ومنتظرينك ياتاريخ ٢٣ / ٩ على خير

[queen1]

جزاك الله خير يا اخت so.me

[حبي لذاتي قمة أولوياتي ~]

ايش معيدة وتقديم الحين والنتائج تاريخ 23 / 9 عجيب وربي

ورحتي عند أستاذة مين ؟؟؟

[lost dreeam]

السلام عليكم
انا حابه استفسر وماعندي اي خلفيه عن طريقه التقديم لوظيفة معيد انا معدلي امتياز مع مرتية الشرف الثانيه وحابه اقدم لوظيفة معيد ايش الاجراءات اللي في البدايه اسويها ومتى وهل من الجامعه مباشره ولا من النت وهل تنزل الوظايف في النت في وقت معين ولا انا اروح اقدم في القسم ؟ الله يرضى عليكم اللي عندها خلفيه تفيدني
ولكم جزيل الشكر

[so.me]

والله اللي اعرفو يابنات بس لكليه الاداب والعلوم الانسانيه غير كدا مااعتقد انو منزلين وظائف معيدات واحسن تأكدوا من الاعلان اللي موجود في الاخبار حقت موقع الجامعه في الصفحه الرئيسه اللي عنوانو وظائف معيدين ومعيدات بجامعه الملك عبد العزيز هما حاطين ايش التخصصات المطلوبه والشروط حقتهم .......... والله الموفق