طموحي والتمريض - عنوان مخالف معدل

[راوين]

السلام عليكم....
مباركـ عليكم الشهر.....اممم بأشكي لكم موضوعي ع طول....
أنا نجحت من السنة التحضيرية وكان أملي ورغبتي من اكثر من6 سنين تمريض وكنت وااااااثقه بربي اني راح ادخله بس الحمد الله ع كل شئ كان مكتوب لي ومقدر اني للاسف ماانقبلت فيه وحطوني علوم رغبتي الثانيه وأنا من شفت النتيجه حاولت من ذيكـ اللحظه اني انسى التمريض واحاول اتقبل الكيمياء الحيوي اللي كانت رغبتي الثانيه بس لما شفت كثير قالوا لي اذا تبغين تحققين حلمك اسحبي ملفك وادخلي اي كليه صحيه وادرسي التمريض بس أنا احس اني مو مقتنعه ومو مرتاحه وكمان اهلي مستحيــــــــــل يوافقون اترك الجامعه....بس جلست افكر مع نفسي وفجأة احس الامل اللي مات بدأ يصحى عندي وقلت اني يمكن اني اقدر اجيب معدل واحول للتمريض مع اني في البداية كنت رافضة فكره التحويل نهائيا ويائسه منها بس قلت يمكن ربي يكتبه لي ليش مااجرب حظي مره تانيه......سؤالـــــــي هل في وحده قدرت تحول بعد مااجابت معدل؟؟لاني سمعت ان طلباتهم تعجيزيه في التحويل وكمان أنا عارفه انو التمريض وقف السنة دي على 83.666بس ابغى اعرف كم المعدل من 5؟؟؟؟ومعدلي حاليا 3.77؟؟؟هل في امل يرتفع و اقدر احول!!!؟؟؟؟؟
آسفه اذا طولت عليكم والف مبروكــ لكم وربي يوفقكم في تخصصاتكم
ولا تنسوني من دعائكم
وانتظر ردودكم بفارغ الصبر
راوين

[є7ѕαѕ σηtћά]

وعليكم السلام ..

احب اقول لكي ابداً لاتفقدي الامل خلي عندك امل بربنا سبحانه وتعالى

بما انه حلمك وطموحك تمريض خلي عندك عزيمه واصرار وشدي حيلك السنه الجايه واذا جبتي معدل 4.50تقدري تحولي ..

وبعدين لاتنسي انه امكن خير لكي من ربنا انك تدخلي علوم الواحد مننا مايعرف اش المكتوب له ^_^

..~بالتوفيق ~..

[nona2009]

التحويل للكليات الصحيه 4.5
ومافي شئ مستحيل ان شاء الله تقدري ترفعي معدلك
خدي مواد عامه واختاري دكتورات يساعدوا في الدرجات وفي موضوع قسم العلوم يتكلموا عن احسن الدكتورات
انا عكسك مابدي تمريض وبدي كيمياء حيوي لانو نفسي اشتغل في مختبرات مو عارفه احول ولا
وربنا يختارك اللي فيه الخير

[lolosilvergirl]

يارب يسر لك وتحولي انت شدي حيلك وحطي في نيتك وربي إن شاء الله ما يضيعلك تعب

[راوين]

المشاركة الأصلية كتبت بواسطة є7ѕαѕ σηtћά وعليكم السلام .. احب اقول لكي ابداً لاتفقدي الامل خلي عندك امل بربنا سبحانه وتعالى بما انه حلمك وطموحك تمريض خلي عندك عزيمه واصرار وشدي حيلك السنه الجايه واذا جبتي معدل 4.50تقدري تحولي .. وبعدين لاتنسي انه امكن خير لكي من ربنا انك تدخلي علوم الواحد مننا مايعرف اش المكتوب له ^_^ ..~بالتوفيق ~..

مشكووووورة حبيبتة قلبي على ردكـ ....وان شاءالله ربي يكتب اللي فيه الخير
وان شاءالله ربي يقدرني واجيب معدل اقدر احول به
جزاكـ ربي خير ياعسسل
راوين

[راوين]

المشاركة الأصلية كتبت بواسطة nona2009 التحويل للكليات الصحيه 4.5 ومافي شئ مستحيل ان شاء الله تقدري ترفعي معدلك خدي مواد عامه واختاري دكتورات يساعدوا في الدرجات وفي موضوع قسم العلوم يتكلموا عن احسن الدكتورات انا عكسك مابدي تمريض وبدي كيمياء حيوي لانو نفسي اشتغل في مختبرات مو عارفه احول ولا وربنا يختارك اللي فيه الخير

ان شاءالله ربي يكتبه لي واقدر ارفع معدلي واتحول.....
مشكوورة حبيبتي على مروركـ اللي شرفني.....وجزاكـ ربي كل خييييير
آسفه ع تأخيري بالرد بس النت فصل عندي
راوين

[راوين]

المشاركة الأصلية كتبت بواسطة lolosilvergirl يارب يسر لك وتحولي انت شدي حيلك وحطي في نيتك وربي إن شاء الله ما يضيعلك تعب

آميــــــــــــــــــــــــــــن يااااااااااااارب.....جزاكـ ربي الجنة ع مروركـ وكلامكـ ودعائكـ الراائع كروعة شخصكـــــ......حقق لكـ الباري جميع امنياتكـ
أعتذر وآسفه ع تأخيري بالرد بس لان النت فصل عندي
راوين

[حلم فقط]

الله يوفقك ويحقق لك مرادك انه على كل شي قدير

وعلى فكرة ترى الكيمياء الحيوية مرة حلوة ولها مستقبل

[راوين]

المشاركة الأصلية كتبت بواسطة حلم فقط الله يوفقك ويحقق لك مرادك انه على كل شي قدير وعلى فكرة ترى الكيمياء الحيوية مرة حلوة ولها مستقبل

جـــزاكـ ربي ألف خيـــــــــــر حبيبتي
وربي يكتب اللي فيه الخير
ويحقق أمنيتي يـــارب والجميع ان شاءالله
تسلمين على مروركـ حبيبتي
راوين

[زينه العبدالله]

طيب انا أقدر احول لقسم حاسب لسه انا دوبي متخصصه تربيه خاصة ..والحمد لله معدلي عالي ويدخلني حاسب
اناسمعت ان اول شهر من الدراسه بإمكانك تحولي ..
الله يسعدكم طمنوني