مواد السنة الثالثة.. بدايتنا كأطباء أسنان حقيقيين.. تكمن هنا ~

[سيلينا]

الله يوفقك يارب

ماشاء الله عليك متعاونه

[Kaira]

أنــا بصراحة متحمسة لدي السنة أكتر من تاني مع انها راح تكون دسمة مررررة ودوامها طوييييل ومواااادهـــا كتيييييرة بس مهما كانت المواد بما أنها تحكي عن تخصصي راح أستحملها من قلبي ..

بسنة تانية مرررررررررة أحس نفسي مو أسنان حتى ماما سارت تشك تقولي انتي متأكدة انك داخلة أسنان مو بشري ؟!! شوفتي الأوديس كويس ؟!!
أهاهاهاهاهاهاهاها ^^
بس كانت حلوة لأنها تعارف بين الدفعة الحلوة إلي راح نستمر مع بعض لحد التخرج إن شاء الله ..
يسعدلي قلوبكم كلكم يـــا dent10
والحمدلله عدت على خير ^_^

من جد متحمسة لمعامل سنة تالت خااااصة داكا المعمل حق الرؤوس مررررررة حمااااسي بصراحة ..
من جد مرررررة فرحانة اني راح أكتشف أشياء كتيييييرة عن عالم الاسنان في سنة وحدة
اللـــــــــه يسهلها يآآآآآآرب وتكون سنة حلوة وجميلة ولطيفة

ومرة تاااانية أشكرك من أعماااااااااااق قلبي يا أحلى د.نـــآنوكـ =)
الله يوفقك في سنة خــامس يارب وينجحك فيها وفي كل أمورك يارب ..

[Dr~NanoOok]

ياهلا كايرا ^ـ^ ليك وحشه ومن زمان عنك

حلوو الحماس دا .. دايما خليكي كده
انا زيك كنت مررره متحمسه لثالث وما همني قد ايش قالوا عنها
والحمدلله عدت سنه حلوه علينا

وفعلا حتحبي الاسنان منه
بدال مواد البشري كلها بثاني

ومعمل الرؤوس اسمه معمل الفانتوم
وانتوا اول مده حتدخلوه
،احنا خلاص ما حندخله بعد رابع "^^

واهم شي الصحبات و المحبه بينكم.. وخلال دي السنه حتزيد اكتر واكتر باذن الله

نورينا دايما ياعسل =)

[سيلينا]

بس معمل Oral Histology و Oral Pathology وGeneral Pathology هو نفس المعمل حق سنة ثانبة لمن كنا نشوف شرايح تحت المجهر لمادة Histology

[Dr~NanoOok]

المشاركة الأصلية كتبت بواسطة سيلينا بس معمل Oral Histology و Oral Pathology وGeneral Pathology هو نفس المعمل حق سنة ثانبة لمن كنا نشوف شرايح تحت المجهر لمادة Histology

لأ يختلفوا عن حق معمل الهيستو حق ثانية

oral histo
معمله في مبنانا حق الأسنان بالدور الأول

Oral pathology
بمبنى 7 الدور الثاني .. في معملين .. واحد الليه فيه المايركوسوكبز والثاني حق الجارات

[سيلينا]

طيب معمل Oral Histology و Oral Pathology متى تدروسوها لان الجدول ما فيلو مكان لمعمل Oral Histology و Oral Pathology

وإن شاء الله هذا يكون آخر سؤال (تعبتك معايا)

وأكرر شكري وتقديري لك

[Dr~NanoOok]

المشاركة الأصلية كتبت بواسطة سيلينا طيب معمل oral histology و oral pathology متى تدروسوها لان الجدول ما فيلو مكان لمعمل oral histology و oral pathology وإن شاء الله هذا يكون آخر سؤال (تعبتك معايا) وأكرر شكري وتقديري لك

بالعكس لا تعب ولا حاجة
وأي سؤال اتفضلي قوليه.. بجد ترا
ومررره عادي عزيزتي =)


معمل الهسيتو والاورال باثو
مو كل أسبوع يكون عندكم .. ممكن مرتين بالشهر

وقبلها بيوم.. أو قبل المحاضرة على طول الدكتورة حتقولكم

ومعمل الاورال باثو
حيكون عبارة عن سلايدات تشوفيها بنفس الكلاس حقكم

[سيلينا]

المشاركة الأصلية كتبت بواسطة Dr~NanoOok بالعكس لا تعب ولا حاجة وأي سؤال اتفضلي قوليه.. بجد ترا ومررره عادي عزيزتي =) معمل الهسيتو والاورال باثو مو كل أسبوع يكون عندكم .. ممكن مرتين بالشهر وقبلها بيوم.. أو قبل المحاضرة على طول الدكتورة حتقولكم ومعمل الاورال باثو حيكون عبارة عن سلايدات تشوفيها بنفس الكلاس حقكم

الله يوفقك



المعامل كم عليها وطريقة إختيار المعامل إلي فيها سلايدات زي حق سنة ثانية

طيب كراسة الرسم إلي حنرسم فيها عليها درجات

ومعمل oral histology فيلو شرح فيلو كلام




وبالتوفيق

[Dr~NanoOok]

المشاركة الأصلية كتبت بواسطة سيلينا المعامل كم عليها وطريقة إختيار المعامل إلي فيها سلايدات زي حق سنة ثانية طيب كراسة الرسم إلي حنرسم فيها عليها درجات ومعمل oral histology فيلو شرح فيلو كلام

صراحة ما أتذكر كم كان على العملي بالضبط
الاورال هيستو اختبار الترم الأول للمعمل اعتقد 10 درجات .. والفاينل الترم التاني 20 درجة

أما الباثولوجي درجاته كانت أكبر.. 20 -30 درجة

بالنسبة لطريقة الاسئلة فتختلف عن حق ثانية
<< كان مررره سهل ولعب عيال الصراحة "^^
السلايد وايش اسمه وبس

لكن بثالث يختلف..

حيجيبلوكم السلايد.. و توصفي كل اللي شايفته فيه
و كمان يجيبلكم حالة مرضية.. ومن خلال السلايد والصور اللي فيها اعراض المرض
أو وصف ليها
حتقولوا ايش اسمه .. و كمان كذا سؤال من الجزء النظري اللي درستوه

يعني هذه المره اختبار المعمل شي يُحسب له حساب

,,

بالنسبة للرسم بالكراسة
كانت د.سامية ماشالله عليها مره دقيقة في التفاصيل وكل شي
وتقريبا طلبت مننا 15 رسمة في الترم بكل مافيها من بيانات

وبالاختبار نهاية الترم لازم تجيكم رسمة في الهيستو


,

والمعمل حقه حيكون فقط تشوفي السلايدات وانتِ تكتبي ملاحظاتك عليه
وكل شي
لأنه حيجي منه بالاختبار
والدكاترة حيكونوا معانا اذا عندك أي اسئلة واستفسارات

ودايما يكون المعمل بعد ما اخدتوا الجزئية بالمحاضرات
فلازم تكونوا قارئين الدروس وعارفينها

[wajarif]

الله يوفقك ويسهلنا تاني
وبعدها تالت
شكر ليكي على المعلومات
الله يعتقق من النار في شهره الكريم