تجمع الطآلبآت الغير مقبولات في قسم اللغآت الأوروبية (مشآكل +إستفسآرآت +حلول)

[حنين الود]

السلام عليكم ورحمة الله وبركاته ..
هنآ تجمع الطالبات الآتي يرغبن في تخصص اللغة الإنجليزيه ..
مشآكلكم . إستفسآرآتكم ...حلولكم ..آخر المستجدآت في الموضوع ..
الحلول البديلة في حآل كآن المعدل لا يسمح بالدخول للقسم ..


نبدأ بسم الله الرحمن الرحيم ..الشروط الي يفرضها القسم هي ..الحصول على 90 في مآدتي الإلكآ 1و 2 والمعدل المرتفع ..
حآبين ننبه الشروط دي للطآلبآت فقط ..مآتشمل الطلاب ..

1- في حآل كآن المعدل مرتفع او مرتفع جدآ ..كل مآعليكي فعله هو الذهآب لقسم اللغات الأوروبية
الموقع .. مبنى الجوهر على يدك اليسار وتكلمي السكرتاريه وهمآ يسآعدوكي بإذن الله ..على أسآس تآخدي موعد بعد العيد أو قبل الدرآسه عشآن يحددولك التخصص..

2- في حآل كآن المعدل مرتفع ودرجه الإلكآ 1 و 2 نآقصه درجآت قليلة يصير تعمل نفس الحآله الأولى ..
3- في حال كان المعدل لايسمح بالدخول للقسم فيه حل إنو تدخلي قسم سهل ترم وآحد وتآخدي مآدتين حره مع مآده ثقافه إسلاميه ومآده إداره عآمه والعربي.. وترفعي المعدل وبعدها تحولي للقسم ..وبكدآ درآستك للترم دآ مآرآحت هبآء منثورآ إن شاء الله ..حتختصر عليكي موآد من الخطه ..
يآليت نرآعي الأخوآت ومشآكلهم عشآن كدآ نحآول تكون الردود مفيده لهم من غير يسلمو او دعوآت بدون ردود مفيده ..لآمنع الدعوه مرفقة بمعلومة او خبر من مصدر موثوق .. ولطآقم الإشرآف الحق في حذف أي رد لآيشتمل على فآآآئده ..(لحد يزعل مننآ) كلو للمصلحة والله ..
بالتوفيق للجميع

[حنين الود]

المطلوب من الطآلبآت الرآغبات في الإنظمآم للتجمع كتآبه المعدل بالزببببط ..+ كتآبه درجآت الإلكآ 1 +2
وتكتب رغبتها سوآء في إختيار التخصص إنجليزي فقط أو إنجليزي +تحويل للإنتظآم ..

وبعد حصر الأسمآء يتم توزيع الطالبآت على مجموعآت كل مجموعه حسب المشكلة الي توآجههم ..

ونعمل بالحلول مثلا طآلبه سآكنه في جده هيآ إلي تروح وتشوف إيش صار معآهآ في الجآمعة وتخبر الطآلبآت إيش لآزم يعملوآ .. ونشوف أخر المستجدآت لكل مجموعه من الطآلبآت ..لآتنسوآ تتآبعوآ الموضوع ..

[الإمبراطورة]

يسلمووووو حنينْ.. فِكرة جميلة :)
مُتــآبِعة وتحت الخِدمة^^

بالتوفيق لكنْ وإنْ شآء الله تنحل مشآكلكمْ قريبآآ,,

[CUTE SHOSHO]

حنين الود الله يجزاكي خير ياااااارب ويحققلك كل اللي تتمنيه
والله احسن شي انك سويتيه ده الموضوع علشان نتجمع فيه ونشوف ايش اخر الاخبار
انا يا قلبي سمعت انه بيسوولنا مقابله شخصيه في يوم 15 شوال الله يسهلها يارب ونتخصص
واذا ما نفع ده الشي انا شايفه انو لو اخدت ترم وشديت حيلي وجبت معدل وحولت ان شاء الله يجيب فايده واقدر ادخل القسم
بس انا ماني فاهمه ايش المواد الي باخدها ده الترم يعني مثلا انتي قصدك اتخصص عربي او دين او اي قسم من الي في كلية الاداب غير الانجليزي ومعاهم مواد تانيه ولا كيف ياريت توضحيلي اكثر
والله يجزاكي عنا كل خير انتي ومشرفتنا الامبراطوره الله يخليكم لنا ياااارب


درجاتي

elca 10 ~ 80
elca 102 ~ 100
ومعدلي ~ 4.50
انتســـاب
:)

[برتني]

الله يجزاك عننا كل خير الموضوع مره مفيد

انا من خارج جده

معدلي 3.65 ودرجاتي 101=85 ؛؛ 102=90

عشان كذا احسها مررره مقفله بوجهي وماني عارفه وش اسوي

[Wala'a saad]

ربي يجزاكي خير حنين
وأن شاء الله يخصصونا أنقلش ^_^
ألكا 1 = 80
ألكا 2 = 90
المعدل = 3.84
وبأذن الله بأحول أنتظااااااااااااااااام
:) ~> متفائله بأذن الله راااح يفكونا من هالتعقيد
ربي يسهلها أن شاء الله
ياااااااااااااااااااارب
وأشكر رغووده بعد قلبي هي يلي قالت لي عن هالتجمع ~> ربي يعدك غلاتي

[اسوووومه]

يسلموو حنين الود الله يعطيك العافيه
انا من خارج جده
معدلي 4ونص والكا 1 85 والكا2 100
ما ابي انتظام اهم شي اتخصص انجليزي ):
ومشكوره رغوده هي اللي عطتنا خبر ^_^

طيب حنين انا معدلي 4ونص لازم كمان ارفعه ؟؟

[حنين الود]

المشاركة الأصلية كتبت بواسطة cute shosho حنين الود الله يجزاكي خير ياااااارب ويحققلك كل اللي تتمنيهواذا ما نفع ده الشي انا شايفه انو لواخدت ترم وشديت حيلي وجبت معدل وحولت ان شاء الله يجيب فايده واقدر ادخل القسم بس انا ماني فاهمه ايش المواد الي باخدها ده الترم يعني مثلا انتي قصدك اتخصص عربي او دين او اي قسم من الي في كلية الاداب غير الانجليزي ومعاهم مواد تانيه ولا كيف ياريت توضحيلي اكثر

آآآمين ..
المقصود من الترم التآلت يعني يكون ..أي تخصص من التخصصات المتآحه لكي أيييي شي ..
المهم إنو مآتآخدي من موآد التخصص إلي إنتي تخصصتي فيه ..طيب يآترى إيش تآخدي ؟؟
تآخدي مآده ثقافه إسلاميه .. لأن كل الطالبآت يآخدوهآ ومآده عربي لأنو في الخطه برضو وكل الأقسام ياخدوها وبرضو ماده إداره عامه ومادتين حره ..وصلت فكرتي ؟؟
بكدا حتى لو حولتي إنجلش يعني ماحتخسري وقتك وجهدك إلي درستيه لأ بكدا تكوني خلصتي من هموم الموآد دي ..وأول ترم تدرسي الموآد تبع الإنجلش ..

[Jehan]

اللةيسعدك دنيآ وآخرة
آقوى شي آنتي:d
الكآ ون ٩١
الكآ تو ١٠٠
المعدل ٣.٨٣
آبي انتظام بآذن اللة

[برتني]

حنين طيب لو اخترنا اي تخصص ودرسنا الترم الثالث بس مواد حره

وارتفع المعدل وكل شي .. وجينا نبي نحول راح يحطو شروط ولا لا ؟؟

يعني المشكله مو بس في المعدل المشكله بعد في درجات الكا 101 ؟؟ وش الحل في هذي الحاله