محتار ساعدوني في أسماء دكاترة بعض المواد (عنوان معدل)

[ريان عنبر]

انا ان شاء الله الترم الجاي اول ترم لي في قسم الأنظمة وعندي مواد بس ابغاكم تقولولي كيف سهلة صعبة وابغاكم تقولولي مين الدكاترة الطيبين لكل مادة المواد هيتحرير كتابي عرب 201 مبادئ القانون نظم 101 القانون الدستوري نظم 233 احوال شخصية سلم 333 اصول فقه سلم 341 اخلاقيات العمل درع 201 وجزاكم الله خير

[أمير ينبع]

كتابي عرب 201
عند اي دكتور

مبادئ القانون نظم 101
د.مصطفى بيطار

القانون الدستوري 233
د.محمد حسن القحطاني

احوال شخصية 333
د. على الناشري

اصول فقه 341
د. مازن بخاري

اخلاقيات العمل درع 201



والله أسأل لكم التوفيق والنجاح

[ريان عنبر]

شكرا جزاك الله خير

بس ابغا اعرف كيف المواد سهلة صعبة يا جماعة نبغا تفاعلكم تراني طلبتكم

[ريان عنبر]

كمان ابغا اعرف مين الدكاتر الي آخد عندهم ان شاء الله درجات طيب في 90 او 95

[ريان عنبر]

يا جماعة معقول فين الناس ابغاكم تجاوبوني

[bma]

عليك بالمذاكرة من البداية وانت تطلع على المواد وقراءة الكتب المقررة قبل حضور المحاضرات ستجد نفسك متميز وتحصل على درجات ممتازة

[Law Student]

انا برايي اهم شي الدكتور يكون كويس

[ريان عنبر]

شكرا جميعا على الردود لكن ابغا الي يعرف معلومات يعطينا وشكرا

[samer jam]

طيب باقي تحرير كتابي ياشباب مين افضل دكتور ؟؟؟؟؟؟؟؟

[بحر الحرية]

أهلين عزيزي..
رااح أجاوبك بحسب اللي أخدت عندهم، وكلامي داا تاخدوو مجرد قرآءة وبس ، يعني احتمال يكون صحيح واحتمال يكون خطأ، والأكيد إنوو خطأ لكن لازم أورطك شويه ، يعني لا تاخد بكلامي لين تتأكد وتستفسر وتسال وتستخير واللي يرتحلك قلبك فيه تاخدوو.. يعني راح أحكيلك عن نفسي وانتاا شوف وقرر، وتحمل نتيجة قرارك

أول شي أقترح عليك بدل ما تنزل قانون دستوري، تنزل قانون تجاري، لأنو التجاري مفتاح لمواد تانية، لكن الدستوري تقدر تاخدوو إنشاا الله ف آخر ترم ما عندك أي مشكلة فيه..

بالنسبة للدكاترة والمواد، راح أكتبلك بالنسبة للي أخدت عندهم من أول:

مبادئ القانون: المحاضر إبراهيم مزة..
رجل رائع وأخلاقي لأبعد الحدود، لا تغيب عنده ولا تستهتر ف المنهج ما راح يقصر معاك، المادة يبغالك تهتم فيها كتير، لأنها شوية دسمة وروعه ف نفس الوقت ومفتاح لمواد كتير بعدها، لا تنقطع عن المنهج في القرآءة، تقسيم درجاته كان:
10 درجات على الحضور والغياب، 10 درجات على التكليف.
20 درجة على الدوري الأول، وكانت الأسئلة موضوعية (صح وخطأ واختيارات) لكن مع الأسف زعلنااااه ، ف الدوري التاني بـ 20 درجة، لكن الأسئلة متنوعة بين مقالية وموضوعية، وللأسف كماان خيبناا ظنوو ، والنهائي 40 درجة والاختبار أسئلة موضوعية.

أصول الفقه: الدكتور مازن بخاري..
الدكتور غني عن التعريف، تقسيمة 10 على الواجب، 10 على الحضور والغياب، والاختبارات كلها موضوعية، 20 20 40.
للي ما يغيبوا عند الدكتور، كان يعطيهم ميزة مساواة أعلى درجة من الدوري الأول أو الثاني ببعض، بشرط ما تتأخر ولا محاضرة ولا تغيب ولا محاضرة حتى لو بعذر!!

الأحوال الشخصية: الدكتور فايز حابس..
أعجز عن وصف الدكتور من روعته، والمادة بالنسبة ليا كانت من أحلى المواد اللي أخدتها معاه، الدكتور جدا محترم فوق ما تتصور، وحقك تاخذه عنده وزيادة ( الزيادة انتاا اللي تجيبها، يعطيك مع كل اختبار قضية قانونية وتكتب رأيك عنها وايش اللي تشوفه من وجهة نظرك بحسب ما درست، بالعربي استشارة قانونية على شكل قصة)، ويخليك مقتنع بالشي اللي حصلت عليه لكن بشرط إنك ما تغيب عنده كثير لأنها المادة بسيطة بس فيها معلومات يبغالها تركيز، يعني المنهج كله ما يعدي 20 ورقة، بس لازم تركز معاه في المحاضرة وما تغيب، لأنوو الغياب فيها راح يضرك كتييييييييير. تقسيمه معايا كان:

30 دوري أول 15 فقرة اختيارات وصح وخطأ
30 دوري ثاني 15 فقرة اختيرات وصح وخطأ
40 نهائي 40 فقرة اختيارات وصح وخطأ

بس الفقرة قبل ما تجاوب عليها لازم تقراها بتركيييييز وما تتفلسف، نفس الشرح واللي ف الكتاب تنزله

نصيحة لو فكرت تاخد معاه: لا تغيب ولا محاااااااااااااااضرة، والمحاضرة اللي تضطر تغيب فيها روح عنده ف المكتب وحاول تخليه يفهمك اللي ما فهمته من الدرس، لأنوو الكلمة الوحده ف المنهج لها ألف معنى ومعنى، وداا أحلى شي ف المنهج، والمادة رووووووووووووووووووعة..

اللغة العربية: أي أحد يعجبك وقته خد معاه، أهم شي شفلك واحد ينشطك في المحاضرة عشان لا تنام ، لأنوو المادة عامة، ودكاترتها كتير، وأسئلتها من الوحدة العامة، والدكتور عنده الحضور والغياب وشرح المنهج.

بقية المواد إنشاا الله يفيدك غيري فيها..

أعتذر عن الإطالة..

والتوفيق لنا جميعاا بإذنه؛؛