بايوكيمستري - رأيكم في جدول التخرج :)

[شــهــد]

السلام عليكم ورحمة الله وبركاته

كيفكم صبايا ؟ وكيف عيدكم

ان شاء الله الترم الجاي اكون تخرج لكني شايلة هم الجدول شوية وابغا اشوف اقتراحاتكم

موادي :
- طبية (4)
- غير عضوي (2)
- حرة (3)
- جزيئية (3)
- امن وسلامة (1)
- تدريب ميداني (2)
- بحث التخرج (3)

= 18 ساعة

بالنسبة للتدريب خلصته في الصيف يعني حأنزل المادة عشان اسلم الريبورت وخلاص
وبحث التخرج بس شغل مافيه لا دراسة ولا اختبارات

فايش رايكم ؟؟؟؟؟ تقترحو اني اخدهم في ترم واحد او اقسم المواد على ترمين ؟؟؟

[مياسة العود]

لا كدا كويس مايحتاج تقسميهم وتعطلي نفسك ترم كامل على ماده ولا مادتين

بالتوفيق :)

[الوفاء الحقيقي]

إيــوة مرررة كويس لآتقسميهمـ وعلى قولك 5 سآعآت منهـآ مآفي مذآكرة ولآشيء يعني كأن جدولك 13 سآعة وشوفي لكـ دكتورة كويسة للبحث وربي يسهلك
..~

[calbooza]

جدولك تمام ماشاء الله
موفقه
:)

[banoota mnkoosha]

اتخرجي وافرحي وهيصي يا بنتي .. :):)

[شــهــد]

الله يعطيكم العافية

انا مو هاين عليا اقسمها

احس اني امط في الدراسة يعني الترم الاول 3 مواد وتدريب والترم التاني مادتين وبحث التخرج !!

اكتر شي شايلة همه ان الطبية مع الجزيئية مع الغير عضوي مرة وحدة كل مادة يبغالها جهد سواء اتغيرو الدكاترة او ما تغيرو وكمان كل الناس خوفتني من البحث يقولو مافيه دراسة بس مرة شغل وتعب وتركيز و مع دي المواد كلها ممكن ينزل معدلي لو ماجبت درجات حلوة :(

شي يحييييير

[الوفاء الحقيقي]

لآ لآتخـآفي التدريب تقدري تشتغلي عليه هـالأيـآم والأيـآم الأولى من الدرآسة وخلآل أسبوع يخلص معـآكـ بإذن الله أنـآ خلصته الحمدلله بأربعة أو ثلآثة أيـآم ,, أمـآ البحث لآ والله مـآفي شغل كثييير أنـآ قـآلوآ لي زيكـ بس طلع جداً سهل ومآ نقآبل الدكتورة إلآ يومـ بالأسبوع وإذآ كنـآ مضغوطين أو تعبـآنين نعتذر منهـآ والحمدلله عدآ ع خييير..
بالنسبة للطبية والغير عضوي همـ أكثر شيء يبغـآلهم مذآكرة وحفظ بس صدقيني لو ركزتي في الغير عضوي مع الدكتورة مرة رآح يسهل عليكـ إن شـآء الله والطبية حفظ بس مرة أحسه سهل وممتع..
الجزيئية أخذتهـآ مع د.سهيرة مآكآن نذآكره إلآ ليلة الإختبـآر ومآشآء الله أغلبنـآ إمتيـآز..

استخيري وربك يسهلهـآإأ...~

[مياسة العود]

أنا جدولي الترم التاني حيكون زيك تقريبا

بحث وجزيئية وطبيه وغير عضوي مدري يمكن أضيف ماده كمان

الله أعلم !!

سوو

اتوكلي وربك يسهلها

<<<طمنتني الوفاء الحقيقي

[شــهــد]

الوفاء الحقيقي الله يريحك زي ما ريحتيني

خلاص حتوكل على ربنا وانزلها كلها واشد حيلي ومع الدراسة اذا لقيت نفسي مضغوطة وماني قادرة امشي اروح احذف

[الوفاء الحقيقي]

ميآسة
شهد
اللهمـ آمييييين ربي يسسسعدكمـ
شهودة لآتتهوري تجيء فترآت تحسي بضغط ونفسية عدمـ بس ربي يعديهـآإأ بسرعة الحمدلله