قرووب ادارة الخدمات الصحيه والمستشفيات

[Ghazal]

مررررررررا شوكرن ربنا يوفقك

بس المادتين كيف سهله ولا لا

[ريــــن]

يب يب سهله وحلووة مافيها صعوبه كثير ..

بس تمويل صحي الاختبار النهائي راح تجيب اغلبه مسائل لان الدوري الاول والثاني كله حفظ

موفقـه يآعثل ^_^

[Ghazal]

مرا تسلمي

ومعليه ازا تعرفي عن دي المادتين سهله او لا واستادات كويسين

مبادئ اداره وقانون تجاري

[ريــــن]

مباديء اداره اممم يعني مو مره سهلة فيها كثير علماء تلخبط شوية خذيها مع العنود السبعان رووعة دي الاستاذه ~ْ

قانون تجاري ماخذتها ماهي موجوده عندي بالخطة !

[Ghazal]

مرا شوكرن حبيبي

ربنا يسهلك امورك كولها

[تــايــهــ الــفــكــر]

حبيت اشارك برائي عن مادة اقتصاديات صحه

عند الدكتور عبدالعزيز ذياب بما انه يدرس الاولاد والبنات هوا يشرح ويعطي الأساله بس يجي وقت الاختبار تلقى السؤال ملفوف بطريقه صعبه كانك اول مره تشوفه

هذا راي صاحبي اخذ الماده عنده الترم الي فات

والمعذره عشان اتدخلت في الموضوع وهوا بس للبنات

تحيااااتي

[loves.me.not]

ممكن سؤال

ادارة الخدمات الصحية والمستشفيات في ادارة عامة ولا خارج ادارة عامة

انا كنت كلية علوم ودخلت ادارة واقتصاد واليوم اتخصص حطوني ادارة عامة _ إدارة الخدمات الصحية و المستشفيات

هل أنا دحين خطة جديدة ولا خطة قديمة

بليييييز الي يعرف لا يبخل عليا

وشكرا

[تــايــهــ الــفــكــر]

خطتك القديمه ولا الجديده

المواد بالانجلش ولا عربي اذا نفس مواد الادارة العامه فهوا القديمه

واذا في كم ماده من مواد الطب فهيا الجديده

وحسب كلام رئيس القسم الترم الي فات انو الترم دا كلهم الخطه الجديده وانو احنا اخر دفعه في الخطه القديمه

وراح يسير بس انتظام وينفصل لقسم لحالو

[loves.me.not]

مشكوووور اخوي تايه الفكر راح اتعبك معايا شويتين

المشكلة في الحذف والاضافة ولا مادة موجودة في قائمة المواد المتاحة ومني قادرة اضيف

ومنزلين في الجدول الدراسي مهارات تفكير واحصاء ورياضيات

[تــايــهــ الــفــكــر]

مافي اي تعب احنا هنا نفيد ونستفيد اختي الغاليه

اجل احتمال كبير تكون الخطه الجديده وعشان تنزل المواد لازم تروحي الجامعه تقوليلهم يقومو هما ينزلولك المواد

زي الطالب لما يتخصص تكون مافي مواد في الحدف والاضافه وهما ينزلوها وبعدها ب 24 ساعه تلقيها على الاودس

وإن شاء الله يكون كلامي صحيح لانو برضو انتي محوله من كليه لكليه

لان المواد الي موجوده في الاودس حاليا عندك تعتبر عامه عشان كدا نازله

تحياااتي