افيدوني -- ايش هي خطوات التقديم على الماستر الجاي

[physmyth]

اختبار القدرات هو بديل لاختبار القسم

يعني اذا طلبوا قدرات ماراح يكون فيه اختبار للقسم

التقديم اللي فات للماجستير العام ماطلبوا قدرات, كان فيه اختبار قسم, طلبوا القدرات فقط للماجستير الخاص

وبعد كذا اعتمدوه للماستر العام لكلية الاداب والاقتصاد والادارة لكن لحد الان ماوضحوا اذا حيطلبوه في تقديم 15/11 أو راح يطلبوه في التقديم عالسنة الجاية

[ام خالـــــد]

حلو تسلمين
طيب الحين مثل مو باين بموقع الجامعه لمن نسجل للماستر في صفحة قبول كاتب اول شي انه اذا ماعندي درجة القدرات ما اقدر اسجل وياخذ درجتي من مركز القياس

معناته ايه ؟؟؟؟؟؟؟!!!

وهل حقون الاداره يقدموا الكتروني ولا يرحوا الجامعه

[meme_3223]

http://www.skaau.com/vb/member.php?u=134790 المطلوب اختبار الانجليزي + اختبار القدرات أو اختبار القسم ..
اختبري قدرات احتياط في حال طلبت الجامعة الاختبار ..

بالنسبة للكلام المكتوب بموقع الجامعة ، المركز الوطني للقياس
بيرسل درجة الطلاب للجامعة ، ووقت التسجيل لو كانت القدرات مطلوبة للعام
مثل ما سمعنا من تصريح وكيل الدراسات العليا راح تلاقيها موجودة باستمارة التسجيل
لما تكتبي رقم الهوية ..

[ام خالـــــد]

تسلمين يالغلا

يعني الحين اللي اعمله :

1- اقدم على القدرات واختبر
2- اقدم على الماستر وانتظر الموافقه واختبار القبول
3- اذا جات الموافقه اقدم على الستيب

وخلاص هذي هي الخطوات ؟؟؟ ولا بقي شي

طيب ايش الافضل والاسهل الاستيب ولا التوفل ؟؟؟؟

[meme_3223]

1- اختبري قدرات و step بنفس الوقت سجلي بالاثنين
وقت ما يفتح التسجيل ..

2- سجلي بالماجستير وقت ماتفتح استمارة التسجيل
وتختبري اختبار القبول لو كان مطلوب أو ممكن يكون المطلوب القدرات فقط
كلها فترة وتتضح الصورة ..

3- ممكن تسجلي بالتوفل احتياط في حال ماحصلتِ
على الدرجة المطلوبة بالكفايات .

كفايات أسهل من التوفل ، لكن حتى التوفل حلو
وسبق واختبرته ..

[ام خالـــــد]

ربي يسعدك ياشيخه ودعواتكم لي بالتوفيق

[meme_3223]

http://www.skaau.com/vb/member.php?u=134790 موفقة إن شاء الله ..

[دارين العنزي]

ميمي تفضلتِ وكما أعلم من قبل أن هناك شرط (اختبار اللغة الانجليزية التوفل أو الكفايات step ) لِإتمام الماستر لكن أنا قد فاتني الاختبار ولم أقدم لهذه اللحظه على اي منها :( مالحل ؟؟ وهل بإمكاني التسجيل حين يتم الاعلان عن التسجيل للماستر بِـ15/11 وانا ليس لدي شهادة اختبار للتوفل او الستيب ولا القدرات ومن ثم اتي بها حين يتم قبولي ؟؟ علماً أن تخصصي أحياء وتقديري أمتياز وشُكراً يسبقه

[meme_3223]

طبعاً أختي http://www.skaau.com/vb/member.php?u=129751..
وقت ما يفتح التسجيل سجلي عادي ..
وفي حال قبولك -إن شاء الله- يعطيك رسالة "قبول مشروط"
وتتعهدي بإتمام شرط اللغة أثناء دراستك للمواد التكميلية ..

والله يوفقك ..

[دلع و حلا]

المشاركة الأصلية كتبت بواسطة meme_3223 طبعاً أختي دارين العنزي.. وقت ما يفتح التسجيل سجلي عادي .. وفي حال قبولك -إن شاء الله- يعطيك رسالة "قبول مشروط" وتتعهدي بإتمام شرط اللغة أثناء دراستك للمواد التكميلية .. والله يوفقك ..

ياميمي يعني اختبار الانجلش مش ضروووري عند التقديم , بس يشترطوا اجرائه لاحقاً , أليس كذلك ؟
اما القدرات ضروري عند التقديم في حال اشتراط التخصص , وماينفع بدونه, أليس كذلك ؟