مساعدة للسنة التأهيلية

[Confused]

بسم الله الرحمن الرحيم
السلام عليكم ورحمة الله و بركاتة

اخواني و اخواتي الاعضاء..
انا عضوة جديدة بالمنتدى و سوري اذا كانت اول مشاركاتي اسئلة
بس الصراحة كثير نصحوني بمنتداكم الحلوو و بتعاون الاعضاء فيه مع بعضهم ..
سؤالي يمكن مكرر بالقسم بس الصراحة ما لقيت اي اجابة عليه ..
انا حالياً مسجلة سنة تأهيلية لكن سمعت اخبار انه السنة التأهيلية بس لكلية العلوم و كلية الهندسة و الادارة و الاقتصاد ..
يعني لا طب بشري ولا اسنان ولا حتى علوم تطبيقية..هل صح الكلام ولا دي اخبار قديمة؟؟
الله يسعدكم الي عنده الاجابة يطمني لان انا ناوية اسحب اذا ما كان في الا الكليات المذكورة ..
و ابغى اسحب قبل لا تبدأ الدراسة ..

With All My Love

Confused

[sweet heart]

الله يحيك في المنتدى

بس على سؤالك طبعا مو صحيح هذا الكلام

السنة التحضيرية تأهلك لكل الكليات في الجامعة .. يعني طب ,علوم طبيه ,.......الخ

بس حسب المسار الي سجلت فيه
يعني لو مسار علمي ...الكليات المتوفره طب , طب اسنان ,علوم طبيه , هندسه ...
ولو مسار اداري وانساني ...ما اعرف بالضبط بس اتوقع ادارة واقتصاد , آداب ..


طبعا كلو حسب معدلك في السنة التحضيريه




اتمنى اني اكون افدتك

[Confused]

تسلميلي يا عسل ع الترحيب و الرد السريع
انا الحمد لله مسار علمي و ناوية على طب ان شاء الله..
بس لا تنسي انا تأهيلي .. و حسب ما قرأت بالمنتدى انه التأهيلي
جداولهم غير عن جداول التحضيري انتظام..
و المشكلة انه جداول التأهيلي ما نزلت لسه ..
فمررررررة خايفة من دا الشي..

و كمان شي تاني..
هم على اي أساس رح يدخلوا الطالبات لكلية الطب؟؟
بكلية العلوم المعدل المطلوب 3 ..
و كلية الهندسة مطلوب 3.5 على ا اظن..
اجل كم طالبين للطب؟؟
و لمن سألت الي بالجامعة قالت رح يطالعوا بمعدل السنة التحضيرية
و بالنسبة الموزونة يعني نسبة الثانوية و القدرات و التحصيلي
يعني بالعربي .... رحنااااااا فيهااااااا
إلي عنده اي معلومات عن دا الشي بليز يتفضل لاني محتارة بالمرة..
ناس تقول لا ما رح يحسبوا الموزون و ناس تقول ايوا الله دماغي صار يلف.

و تسلمي AgaiN

[فروته]

حبيبتي خلاص نسبة ثالث و التحصيلي والقدرات كلهم راحوا بالهوا دامك انقبلتي

ولا راح يحسبونها بأي شي

هم قصدهم عالموزونة نسبة الترم الاول و الثاني يمكن

لانه قالوا بياخذوها تفاضل

مثلاً علوم طبية تطبيقية مطلوب 4 ونص

جو بنات جايبين 5 وقدموا

هم اولى من اللي 4 و نص


فياخذوا كل اللي 5 لين يخلصون بعدين يبدون 4 و نص و بعدين 4

لين يكتفون من هالقسم


و صراحة الطب كثيييييييييير اشوف يبونه

فعشان تضمنين عمرك حاولي قد ما تقدرين تجيبين 5


موفقة يا رب


وترى انا بعد تأهيلي علمي خطة ب :)

[Confused]

هو كثيييييييييير قالوا نفس كلامك فروته و انا كمان كنت
مقتنعة بس لمن سألتهم بالجامعة قالولي كلام
شككني بمعلوماتي ..
قالوا انه في مليون بنت تبغى تدخل طب و المقاعد ما تكفي ..
و كثير منهم يجيبوا 5 من 5 ..
فعلى اي اساس رح يفرقوا؟؟
فرح يضطروا يطالعوا بالنسب الموزونة ..
انا و الله كان رأيي من رأيك بس الي قالته الموظفة كلام مقنع ..
و خسارة يا فروووته انا خطة (( أ ))
بس يلا تأهيلي مع بعض .. شي احسن من لا شي

و تسملي يا قمر

[فروته]

يمكن قصدها الموزونة

اللي هي درجات الترم الاول مع الثاني


اما موزونة الثانوية ما اظن والله


وبعدين الله يخلي يلدرم اساليه :d

[سحر الوجدان]

الله يعين ليش كل مالهم يعقدوها اكثر
بس الى انا اكيده منو انو هالسنة لازم نكرف كرف
بما ان الأولوية في جميع الأقسام لأعلى معدل
واحنا دفعتنا ما شاء الله دوااااااااااااااافير على الأخر

الله يستر
^_^

[صبية جامعية]

وعليكم السلام ورحمة الله وبركاته
أهلين وسهلين بيك في المنتدى
وعموما على الاخبار اللي سمعتيها انو السنه التأهيلية لكلية العلوم والاقتصاد المنزلي والهندسة زي ما تقدموا الاخوات في الاجابة
أنا كمان زيك تاهيلي بس خطةب علمي
الله يوفقك وتدخلي الطب بمعدل حلــــــو

[* تركي *]

بالنسبة لـِ المُعَدل الموزون ( الثانوية + التحصيلي + القُدرات ) ، هذا فقطـ لـِ قبولكـ بالجامعهـ...

أمـآ ، مُعدلك في السنة التحضيرية .. هـُو الي سـَ يُحدِد كُليتك وَ تخصصكـِ ...

إنْ شـآءَ الله ، تحصلي مُعدل عـآلي ...، ح َـــاولي أَنْ لآ ينزل مُعدلك عَن 4.5 ... لأجل تضمني كُلية رآقية ..،

أنـآ حصلت 5 من 5 ..، وأعرف ثلاثة طَلبة غَيري ، نجحوا بـِ هالمعدل .. يعني لآ شئ مُستحيل / وَ أضيفي عَلى ذلك أن موآد السنة التحضيرية ليست بتلكـ الصعوبة :)

/

مُـوفقة

[Confused]

سحر الوجدان ..
هم شكلهم ناويين علينا يقعدونا بالبيت و ناويين على
اهالينا يجلطوهم المساكين ما كفاية اتغلبوا و دفعولنا للتأهيلي
كمان الجامعة سادتها بوجهنا .. و على قولتك لازم نكرف كرف
ألين ما تطلع عيوننا .. الله يستر بقووووووه ..

صبية جامعية ..
تسلمي يا عسووولة ع الترحيب ..
و ان شاء الله كلنا نجيب معدلات فوق الخمسة كمان ..
بس يا قمر لو كان التأهيلي من جد مقتصر على 3 كليات فقط
إلي هي العلوم و الهندسة و الاقتصاد على حسب الي سمعته
اجل ما رح ندخل للطب .. لانه كلية الطب مهي نفسها
كلية العلوم ..

* تركي * ..
تسمل اخوي على كلامك المشجع .. الصراحة انت من القلة القليلة الي
طمنوني انه الجامعة مهي بالصعوبة دي ..
لكن ابغى اعرف انت متأكد انه لو جبت معدل عالي رح ادخل الكلية
إلي انا اختارها غير الـ 3 المذكورين؟؟ يعني زي الطب او الصيدلة
او الحاسب ... إلخ

فرووته ..
تسلمي حبيبتي على المشاركة ..
و شكراً على اقتراحك الحلووو .. و بناءً عليه ....

7
7

يلدرم ..
اخوي اسفة على ازعاجك لكن كثير بيشهدوا لك بأنك اكثر من يساعد .. و ابشرك مو بس بالمنتدى زي فروته الحلوة حتى برا المنتدى
في ناس شهدولك << يالمشهور هههههه
و انا محتاجة مساعدتك بالموضوع .. لان انا و كثير ناس معايا معتمدين
على الموضوع .. لو صح الخبر انه ما نقدر نتخصص
بالكليه الي نبغاها كلنا رح نسحب من الـتأهيلي ..

سامحوني اخواتي و اخواني على كثرة (( الزن و الرن )) لكن هذا مستقبل ..
و ما نقدر نضيع ثانية منه ..
بس لسه ما شفتوا شي و القادم ألعن << يبغالها طرررررد ههههه.

With all My Love
Confused