ولا ماده اضفتها لحد الان

[*.*]

السلام عليكم

ياعالم انا صارلي يومين ولا ماده راضيه تنضاف

ايش الحل انتو زيي ولا بس انا ؟

[DLo3a]

لا تستعجلي مصيرك حتضيفيها ولو ما اضفتيها من البيت تقدري تروحي شؤون الانتساب وعااادي تضيفيها
هما ياخذو فتره ويرجعو يفكو الشعب اصبري

يعني لا تشيلي همـ

[سومي2009]

انا زيك

بس دوووووبني مخلصه من مادتين

شوفي الحذف والاضافه حرب ياتلحقي ياماتلحقي


وبعدين الثقافه الاسلاميه مادري اش بها ماني لاقيه لها ولا شعبه فاضيه

قرف الله يقرفهم :@

[غرور أنثى ـآ]

حتى انااا مو راضيه تناضف عندي ولا مااااده

[اكليل الورد]

وانا كمان نفس الشي ولا ماده راضيه تنضاف لي ,,,لا ويقولو المواد الاختياريه لازم تروحي الجامعه عشان تنضاف ياسلام وانا برا جده ,,,ياريت اللي تعرف ايش ممكن اعمل تقولي ,,

[لمسات]

يابنات طيب انتو نزل لكم الجدول والله انتو تضيفو؟؟

[التائهة]

شوفوا انا زيكم كذا كل ما ادخل مايجي معاية ..
بس قبل شوية دخلت واضفتو وانضاف معاية وسار من ضمن جدولي ..
انتوا جربوا دحين .. ان شاء الله ينضاف معاكم ..^_^

[*.*]

الله يعين تقريبا 24 ساعه احاول اضيف كل شويه

لكن ماينضاف مشكورات حبيباتي ويارب تنضاف لي وتنضاف لكم كل المواد الي حابينها


والله يعطيكم العافيه

بالمناسبه ايش رايكم احد يداوم معايا :$ مع الانتظام ؟

[هاوية]

سلام بنات واناكمان نفس الشي مع اني مسدده

وهدا اللي جاني


Enroll Section Units Days Time Reg للتنفيذ
ACTV. RGST. HRS. ========> صفر
0





قائمة المواد المتاحة للطالب قائمة الشعب للمادة المختارة
( المتاحة وغير متعارضة مع الجدول الحالي )



الحد الاقصى لعدد ساعات جدولك هو 18 ساعة
والجدول فاضي في احد زيي يعني نفس الحكايه كدا مكتوب اتمنى تردووو
والجدول الدراسي كدا

ملحوظة هامة : يستخدم هذا البيان داخل الجامعة فقط


التسجيل المادة أسم المادة الوحدات الأيام الوقت المبنى الغرفة النوع
عدد الساعات الفعلية ========>
فاااااااااااااضي

[ام اسوله العسوله]

ايوه ياعسل عادي انا كمان مكتوب كذا واضفت مادتين بس والباقي مو راضي



بالتوفيق يارب للجميع