ويامشرفين على القسم وياطلاب وطالبات وش رايكم بالجدول

[وصايف العسيري]

السلام عليكم ورحمة الله وبركاته
عزيزاتي مشرفات القسم والاخوات والاخوان اللي درسو هالمواد ارجو تفيدوني وش المواد السهله اللي اقدر اجيب معدل فيه وش المواد اللي يبي لها حذف بجدولي لان نزل جدولي واحسه صعب شوي 6مواااااااد وهي:
فقه السيره النبويه
الاحوال الشخصيه 2
فقه المعاملات 1
فقه العقوبات
نظام الحكم والقضاء في الاسلام
علم نفس الشخصيه
ولازم التزم بالاستاذات اللي منزلينهم بقائمة الشعب الدراسيه او لي حرية الاختيار واذا كان لي الاختيار من افضل الاستاذات .......
آآآآآآآآآآسف على الاطاله

[غيم تايه]

عليكم السلام ورحمة الله وبركاته

حياك اختي : ما فيه شئ اسمه صعب واذا تخصصك دراسات اسلامية اليوم ولا بكره راح تاخذي هالمواد

لكن اولا لازم تعرفي معدلك اذا هو نازل غير الجدول ، وسؤال هل نزل جدولك بهذه الصورة .. إذا كان اجابتك نعم فغريب امرهم ... إذا انتي مستوى ثالث من وجهة نظري نعدله لأن المهم في هالمرحلة هو المعدل ثم المعدل ثم المعدل ..
ولك حرية اختيار المعلمات وهذه الطالبات راح يفيدوكي فيها ، لكن بعد ما تحددي المواد اللي راح تنزليها في الفصل ..
موفقه ان شاء الله ... ولك تحياتي

[وصايف العسيري]

الف شكر غيم تايه نعم هذي المواد نازله لي مستوى ثالث وصراحه ابي ارفع المعدل عشان احول الترم الجاي معدلي 2,60

[غيم تايه]

حياك اختي الكريمة

والله على معدلك هذا .. ما انصحك جدولك لازم من غربلته راسا على عقب .. مستوى ثالث .. ومعدل نازل .. وفيه رغبة للتحويل اذا كان إلى كلية الادارة والاقتصاد لازم تعيدي النظر واذا حابه نساعد ان شاء الله باللي نقدر عليه موفقه ...

[سمران]

بالنسبة لفقه السيره النبويه وعند الدكتور السنوسي فهي تعتبر صعبه ماهي من الماده لاكن من اسئلة الدكتور ؟

[أبو دجانة]

888
اوافقك الراي . .^_^

[وصايف العسيري]

الاخ غيم تايه الكليه اللي ابي احول عليها كلية الاداب قسم علم النفس اذا عندك فكره عن المواد وش اللي تنصح فيه يبقى وش الي يبي له حذف

[وصايف العسيري]

اشكرك سمران والاخ ابو دجانه على الرد

[غيم تايه]

حياك اختي وصايف

خليك على هالمتصفح لا عاد تفتحي اكثر من موضوع يتعلق بنفس الموضوع

واليوم ان شاء الله راح انزل الجدول المناسب ونغير وبدل طالما حابه علم النفس

ونشوف المواد المناسبة هنا وهناك ، ولازم تكون خطواتنا سريعة جدا موفقه ...

[غيم تايه]

نزل جدولي واحسه صعب شوي 6مواااااااد وهي:
فقه السيره النبويه ( ساعتين )
الاحوال الشخصيه 2 ( ثلاث ساعات )
فقه المعاملات 1 ( 3 ساعات )
فقه العقوبات ( ساعتين )
نظام الحكم والقضاء في الاسلام ( 3ساعات )
علم نفس الشخصيه ( ثلاث ساعات )


يعني منزلين لك ست مواد بــ ( 16 ساعة ) إذا يا اختي مصره على التحويل ان شاء الله خلاص اختاري مواد تكون متطلبه هنا وهناك بحيث يعادلوها لك ، وأفضل شئ تنازلي الاتي
1- ثقافة اسلامية 2 ( ساعتين )
2- اللغة العربية 2 ( ثلاث ساعات )
3-علم نفس شخصية ( 3 ساعات )
4-مادة الرأي العام ( 3 ساعات )
5- مدخل علم نفس ( 3 ساعات )
بما ان معدلك نازل يكفي عليك هذا خمس مواد ( 14 ساعة ) لو بعدين قررتي الاستمرار في قسم الدراسات الاسلامية راح تعتبر المدتين الرأي العام ومدخل علم النفس مواد حره خذيتها وانتهيتي منها ، لو قررتي التحويل وامكن ذلك يكون المدخل من ضمن المواد بقسم النفس ، ومادة الرأي العام أصلا هي من المواد الاجبارية على قسم النفس ، فيكون عديتي مادتين ، وبالنسبة للثقافة الاسلامية واللغة العربية هي من ضمن المواد متطلبات الكلية ، اما مادة علم نفس الشخصية فهو مادة من قسم علم النفس وإجباري على قسم الدراسات يعني اختي أخذنا مواد مشتركه من هنا وهناك ولازم تعديها ، اذا عاد عندك استعداد مادة اخرى فأرجوا الاجابة واهم شئ اختاري المعلمات واضيفيها بسرعة ، واذا ما نزلت كلها راح نتواصل حتى نصل للجدول المطلوب لان جدولك الحالي ما ينفع طالب مستوى ثالث بقسم الدراسات ، اختي اهم شئ رفع المعدل رفع المعدل بأي شكل موفقه ان شاء الله .....