معلومات عامة حول فرع الجامعة برابــــــــغ (بصور والخرائط)

[LPRocks]

بسم الله الرحمن الرحيم

اغلب إلي انقبلوا في فرع رابغ ماعندهم فكرة عن شكل المبنى أو موقعه

فسويت هذا الموضوع حتى لا ندور ولا كل شويا واحد طالع يسأل عن مكان المبنى الغامض

اول شي المبنى كان سابقا مدرسة طلائع الفكر الأهلية و استاجرتوا الجامعة هذي السنة بعد ما أجرت عليه شوية ترميمات و تعديلات لتدريس السنة التحضيرية-علمي من بداية العام الجاي 1429-1430 هـ

وهذي صورة المبني ايام كان مدرسة مدري دحين كيف شكلوا بعد الترميمات اعتقد مو ذاك الأختلف الكبير بس اهم شي انو يمشي الحال لمدة السنة و الله يعينا


^ اضغط على الصورة لتكبيرها ^

اما عن موقعه و الله انا ماعندي خبرة كبيرة في شوارع رابغ بس هوا في نفس الشارع ألي فيه الاحوال المدنية بمحافظة رابغ و هذا موقع المبنى في الخريطة على الرابط إلي تحت :

http://wikimapia.org/#lat=22.7854601...7&l=10&m=a&v=2


و كمان في معلومات من موقع الجامعة انو الجامعة رافعت احتياجات فرع رابغ إلى 525 كرسي طالب و 17( أجهزة اسقاط الوسائط المتقدمة , و شاشات عرض كهربائية و سبورة بيضاء 120 سم * 300 سم) و 15 منصة استاذ و 4 كرسي استاذ .

و اخيرا ممكن بنسبة 50% إذا ماكتمل المبنى و اتوفرة فيه الشروط راح نتحول إلى جدة في الجامعة لانو سمعت هذا الخبر من كم دكتور في القبول و التسجيل .

و اي واحد عنده معلومات غير المكتوبة في الموضوع لا يحرمنا منها

و عندي سؤال للي ساكنين في جدة وانقبلوا في فرع رابغ :

هل راح تفضل مع بداية الدراسة انك تسكن برابغ ولا راح تضرب خطوط جدة-رابغ يوميا ؟!

و الله الموفق

[LPRocks]

شباب !!

مافي ولا واحد من إلي انقبلوا في رابغ وده يتناقش في الموضوع

ولا كيف

[RaBiGh]

انا بالنسبة لي راح أسكن << لأأنة ساكن برابغ

[sul6an]

ا راح اضرب خطوط جدة-رابغ يوميا احسن لي اجلس مكان ما اعرفه

[sul6an]

ياشباب الجدول مانزل؟؟؟؟

[الفايكينغ]

والله انا جربت الخط جدا متعب وذلحين جالس ادورلي على سكن ولا ايش رايكم

[الفايكينغ]

المشاركة الأصلية كتبت بواسطة LPRocks شباب !! مافي ولا واحد من إلي انقبلوا في رابغ وده يتناقش في الموضوع ولا كيف

خصوصا انت منت شايل هم ماخذ الامر بسهاله تحسب انك رايح مدرسه منت رايح جامعه من زمان مو من ذلحين

[RaBiGh]

يا شباب وش الهرجة حتى الان المبنى ما جهز اليوم مريت ع المبنى قاللي الهندي انة باقيلة اسبوعين

يعني كيف انا سمعت انة بنعطل اول شهر

وسمعت انة ممكن ندرس في جدة الترم الاول << ياليت

[LPRocks]

و الله خبر حلو اخوي RaBiGh لو ندرس كمان السنة كلها في جدة يكون احسن ^_^

بنسبة اخوي الفايكينغ والله اني شايل هم المشوار بس لو في سكن والله من اليوم اجهز نفسي بس المشكلة مافي خصوصا محد جاب خبر عن اي سكن او شقة للعزاب ؟!

و بنسبة للجداول معقولة لين دحين مانزلت ؟؟!

[&حمودي&]

أنا معاكم برابغ والوالد مر على الجامعة وشاف المقاول قاله ممكن نسلم المبنى للجامعة من أسبوعين لشهر وشوف عاد تقعد كم الجامعة تأثث المبنى الله يعين بس أنا ممكن على بكرة أبي أروح شؤون الطلاب أسأل ........