الجدول الجدول الجدول << محيرنـي

[أبــــرار]

السلام عليكم ..

ابغاكم تنصحوني في جدولي احسو ضغط بس بنفس الوقت مابغى اتأخر كتير بالخطه

ماليـه عامه

تحليل كمي << اللي اخدها يقولي سمعت في دوره ناخدها ماعرف ايش اللي عندو معلومات عن دا الشي يقولي

تحليل احصائي

محاسبه 2

نقود و بنوك

ثقافه 2

16 ساعه

[miss honey11]

تحليل كمي وتحليل احصائي مع بعض ماينفع لانو الاتنين فيها دورات

تحليل كمي دورة maple
تحليل احصائي دورة spss

ماليه عامه مادة نظريه بحته
محاسبة 2 حلوة
نقود وبنوك على حسب الدكتورة اللي حتاخدي معاها

انا انصحك تاخدي الترم شي واحد يا تحليل كمي يا تحليل احصائي

[أبــــرار]

اممم اوكي شكرا

بس عن الدورات فين حاخدها ؟ وكيف ينفع توضحيلي اكتر

[miss honey11]

الدورات تاخديها في الجامعه لما تقلكم الدكتورة عليها تروحي تسجلي اسمك في المبنى التاني تختاري الوقت اللي يناسبك والايام اللي تناسبك كانها محاضرات تقريبا الدورة مدتها شهر وبعد ماتخلصيها تختبري فيهاا عملي على نفس البرنامج على " الحاسب" وهما يرسلو الدرجات للدكتورة

[أبــــرار]

مرررررررره شكررررررررا ياقلبي

[lollao0oworld]

مره حلو جدولك ما فيه ضغط

ماليـه عامه... مادة كلها كلام شوية طويلة بس مو صعبه

تحليل كمي ... مره بسيطة اذا تحبي الرياضيات و حتشوفيها مويه

تحليل احصائي... حلوه المادة مو صعبه بس ركزي في المحاضرات و ذاكري اول بأول

محاسبه 2... مررررره سهلة و أسهل من 1 وتجيبي فيها A+ ان شاء الله

نقود و بنوك... كلها كلام المسائل قليل مره بس تحتاج شوية تركيز و مذاكره اول باول لان المنهج شويتين ممل

ثقافه 2... سهلة مره
وإذا لسا ما اخذت عربي 2 ضيفيها لأنه مرررررررره بسيطه و تجيبي a+ بالراحه

الله يوفقك يارب و إن شاء الله اكون افدتك

[أبــــرار]

لا عربي اخدتو و بدلت التحليل الاحصائي ونزلت بدالو

تحليل اقتصادي جزئي .. ايش رأيك

[Banoth 07]

بسمالله عليك جووولك يهبل توكلي على ربك والله يوفقك .... ملاحضه عن الورات اذا تبين ملازم لها موجوه اذا تبينهاا انا حاضره .... والملخصات كمان حلوه ....

[moooony]

لو سمحتي بنوووووووووووته
انا عندي maple
اذا عندك الملخص احتاجوووووووو
؟؟؟؟؟؟