العباءة المخصــــرهـ !!

[مجبور اوادعها]

اول شي بس يتزوج اخويا ما راح يكون عمر زوجته 17 سنة ولساتها تكتشف العالم تاني شي طبعا ما راح ازوجو وحدة "مطوعه" ولابسه عباية عالراس مو معناتو حزوجو رقاصة ولا وحدة تخرج بالبكيني بس في شي وسط بين دا ودا

يعني الي عمرها (17) تسوي الي تبغاهـ عشان تكتشف العالم !!

تزوجيه وحدهـ مخصرهـ ولا لا ؟

عارف يعني ايش من كتر ما العباية واسعه واصل خط الكتف لكوعها؟؟؟ زي واحد مقاسه s يلبس مقاس xxxL اقسم بالله لو مو شايفتها شايلة اكياس وتشتري ملابس لكنت قلت عنها شحاتة تبغي عباية واسعه في عباية الفراشة في عباية الخفاش في الف موديل وموديل لعبايات موديلها واسع وساتر بدل مو طالع شكلها كانها وحدة ما عندها فلوس حتى تشتري عباية طبعا انا حاطة فبالي انو ممكن تكون عبايتها صار لها شي اتقطعت او اتبقعت واخدت عباية وحدة تانية

ههههههههه

الحين الي عبايتها وسخهـ تعتبر (العبايه غير ساتره) !!

والي مطلعه عورتها (تعتبر العبايه ساترهـ) !!

بعدين ليه متكيه عند الحرمة ذي ؟

أغلب الشعب يلبسو عباية على الراس وآخر حلاوة.

هو يا عباية وسخه، ولا عبايهـ تخلي الي ما يشتري يتفرج

مين قال لك اني زعلانة؟؟؟؟ طيب الدين امر بالحجاب مو بالعباية الين يوم القيامة

نفسي اعرف ايش الحجاب الي تقصديهـ

نوريني الله ينور عليكـ

يعني استغرب كيف في ناس لابسين العبايات السودا في بلدان زي جزر المالديف وبريطانيا وامريكا ايش السمعه اللي تجي لما يشوفوها ملفوفة بالسواد في بلد البنات فيها تخرج بدون ملابس؟؟؟؟

هههههههههههاي

يا حبيبي يا حبيبي، غطوني وصوتوا

يعني لو رحت مع المدام شهر العسل للمالديف << اقول حدكـ الطائف ولاالكورنش الجنوبي هع

اخليها تاخذ حمام شمس بالبكيني والمايوهـ

لأن الجميع هناكـ (زي كذا)

ايش يقولو بالله اذا شافو وحدهـ تتشمس وهي لابسهـ هدوم !!

وفي حريقة الي يقولوهـ اذا نغير ديننا وعاداتنا عشان نرضي الغرب الكفرة الفجرهـ

ومن التناقفضات العجيبهـ

انكـ ما تهتم بكلام الناس هنا، ومعطيته اشكل مغطى <<< للناطقين بالبلوت

وتهتمي بكلام الناس في المالديف !!

طيب هنا نظرتهم لكـ كيف تكون لما تلبسيالمخصر، اش راح يقولو عنك وعن اهل بيتكـ ؟!

وشوفي الردود وتعرفي النظرهـ

وهذهـ الردود الي في الموضوع غيض من فيض، وتعتبر ردود محترمهـ

محد يقول انزعي حجابك بس البسي شي ملون وطويل وساتر البسي بنطلون واسع ومعاه بلوزة طويلة وطرحة ملونة البسي فستان طويل وطرحة البسي جلابية مغربية وطرحة يا ستي البسي بالطو ملون وطرحة مو تروحي تشوهي سمعتنا وترجعي يقولوا دول يلفوا بناتهم بالسواد ودول ظالمين النساء ودول متخلفين ودول ودول ودول

استغفر الله واتوب اليهـ

انت تهتمي بكلام الكفرهـ، ومت تهتم بكلام الشرع

طيب يشوفونا متخلفين في كثير من امور الدين

نغيرها عشان نرضيهم !!

او نرضي ربنا وفي حريقة احفاد القردهـ والخنازير

يعني انت بتطلب من وحدة رايحة تدرس في كندا او بريطانيا تلبس عباية عالراس وتغطي وجهها؟؟؟

ايوا تغطي وجهها

واذا كشفت الوجه، مو تلبس طرحهـ

وتكشف الباقي !!

طيب ليش الطرحهـ اذا كله مكشوف !!

يعني الشعر هو الي يسحب الرجال !!

ومحاضرة كانت مختلطة و راقية يا ليت دايما تعامل الشباب والبنات مع بعض زي ما كان في داك الوقت اتحدى احد يكون خرج منها ومو حاسس انو نفسيتو لما دخل نفسها لما خرج المحاضرة كانت في الغرفة التجارية وكانت زححححمة لدرجة انو الحاضرين جلسوا عالارض والدرج والمسرح منجد انسان رائع وعارف كيف يكون عايش في عام 2008

تصدقي بالله، لو اعرف ان فيه محاظرهـ زي كذا

كان جيت اول واحد،

وومكن اجي مع الحبيبه او الصديقة، وبعد المحاظرهـ نروح (لوست ستي) نشرب الشاي << نفسه يدخل هناكـ ابو المجابير !!

ومن جد اللقاءات ذي (متى مواعيدها وفين تصير وكيف الدخول)

سؤال يا سومــــــــه:

كم محاظرهـ رحتي لأهل العلم (المشايخ) ؟ << جاوبي نفسكـ بس ؟

كانت لفتة رائعة منو انو كلنا جواتنا خير بس محتاجين مين يستثمره مو مين يحطمنا ويتهمنا بالفساد والانحلال الاخلاقي وينظر الينا باحتقار وازدراء على قولتكم ويستهين فينا وممكن تسوي بحث في غوغل وتشوف اراء الحاضرين في دي المحاضرة

يستاهل البرد من ضيع عباتهـ .

مثـــــــــــلاً:

اروح اطلع مع وحده في شقة، واقول لا تتهموني بالفساد والانحلال الأخلاقي !!

والله ان فيه خير داخلي !!

وفيه مقوله لأحد الصحابه - اعتقد عمر ابن الخطاب - رضي الله عنه

من عرض نفسه للتهمه فلا يلومن من أساء الظن.

حابب تتكلم عن امور الدين اتكلم عن الصلاة اللي اغلب الشباب دحين يصلوها بعد وقتها حابب تتكلم اتكلم عن الصلاة جماعه حابب تتكلم عن الدين ناقش مسأله العصبية القبلية اللي موجودة واحنا في عام 2008 ناقش موضوع الاباء اللي يزوجوا بناتهم وهم اطفال في عمر 13 و14 و15 سنة ناقش موضوع الرجال اللي يتزوجوا من كل بلد وحدة وشوهين سمعتنا اننا رايحين نشتري البنات من برا مو نتزوجهم ناقش موضوع البطالة ناقش موضوع الفراغ عند الشباب

مواضيع مهمة الي قلتيها

ولكن حتى الحجاب من امور الدين ولا ؟؟!!

في مشاريع رائعة بتصير في جدة وبرا بتبين الخير اللي جوا الشباب والبنات في مشروع تنظيف المساجد في مشروع بيتي بيتك شفتوا كيف البنات والشباب في مشاريع زي دي؟؟ شفتوا كيف مظهرهم الخارجي؟؟ شفتوا ايش سووا وكيف كانت بصمتهم في المجتمع؟؟ بطلوا حكم عالناس من منظرهم الخارجي وشوفوا ايش في جواتهم

والله يا سوما لا يعلم الغيب الا الله

احنا نحكم على الظاهر، والباطن على رب العباد

وعلى سيرة المشاريع الي زي كذا

تلقيه - الا من رحم الله - ينظف المسجد ولا يركعها

الله يصلحنا ويهدينا كلنا يارب اما بالنسبة لعباية الراس فلا تعليق

آآآآآآآآآآآآمين

طيب على الكتف بس فضفاضة !!

انا من جدة

والنعم بأهل جدة،

::::::::::::


سومــــــــــــــا

هل تشوفي ، ان العباية ظلم للمرأة ؟

ومن الشيخ الي معتبر في كلامه عندكـ،

ولي رجعهـ

اصلحك الله وهداكـ يا سومااااااااااااا

[مجبور اوادعها]

ســــؤال الي يجاوبه فطين وذهيـن:

فيه حجهـ دائم يقولوها البنات اذا تناتقشنا معاهم، لا توجد هنا، ما هي هذهـ الحجهـ ؟

<<< بضم الجيم وليس الفتح (يعني مو الحرمه الي نشتري منها دُقه)

ملاحظة:

الي عندهـ كلمه طيبة للأخوات - وبالأخص سوما - يضيفها

يمكن ما تتقبل مني عشان اسلوبي مش ولابد، وتختلف الناس عن بعض .

[soma al7elwa]

كم محاظرهـ رحتي لأهل العلم (المشايخ) ؟

عايض القرني وسلمان العودة عمرو خالد ومصطفى حسني واحمد الشقيري

ومن الجنس الناعم د\ سناء عابد و حبيبة قلبي افنان باصرة وغيرهم كتير

وبالنسبة لاستهزائك بمحاضرة احمد الشقيري فالاستاذ احمد ومحاضاراته اكبر مني ومنك

فلا تعليق وما يحتاج ادافع عن انسان بمقام احمد الشقيري

يستاهل البرد من ضيع عباتهـ . مثـــــــــــلاً: اروح اطلع مع وحده في شقة، واقول لا تتهموني بالفساد والانحلال الأخلاقي !! والله ان فيه خير داخلي !! وفيه مقوله لأحد الصحابه - اعتقد عمر ابن الخطاب - رضي الله عنه من عرض نفسه للتهمه فلا يلومن من أساء الظن.

اهااااا

يعني انت شايف كل دول البنات خارجين مع شباب؟؟

وشايفهم كلهم حوامل بالحرام؟؟؟

وشايفهم كلهم تاركات للصلاة؟؟؟

لا تحكم على الناس من مظهرها الخارجي وبس

لانو دا الشي منجد مرض الله يشفيك منو

والله يا سوما لا يعلم الغيب الا الله احنا نحكم على الظاهر، والباطن على رب العباد وعلى سيرة المشاريع الي زي كذا تلقيه - الا من رحم الله - ينظف المسجد ولا يركعها

الله يشفيك من مرض الحكم عالظاهر

دا اولا

تانيا كيف عرفت انو ما يركعها؟

لاحظ انك تتهم الشباب دول بتركهم للصلاة ودا يعني تتهمهم بالكفر

والله ما نفر الناس من الدين اللي افكاركم دي وحكمكم عالظاهر وبس

على الاقل فكروا يسووا شي نافع لمجتمعهم

مو جالسين في بيوتهم وفلان فيه وعلانة فيها وهم الطاهرين الذنوب اللي ربنا خلقهم ملائكة نزلهم علينا من سابع سما يحكموا على الناس

هل تشوفي ، ان العباية ظلم للمرأة ؟

لا ما اشوفها ظلم للمرأة بالعكس اشوفها تعبر عن الهوية الخليجية

ومرة مبسوطة في حياتي في جدة ومبسوطة بنظرة المجتمع الحجازي للمرأة السعودية

وانو صرنا نشوف نساء يخرجوا من مجتمعنا امثال د.حياة سندي ود. سامية العمودي ومنى سليمان

منجد دول السعويات اللي نرفع راسنا قدام دول العالم كلها بانهم مسلمات وسعوديات ومبينين كيف انو احنا قادرين نطلع نساء متميزات للعالم

ملاحظة اخيرة: يا ليت ما تتعب نفسك بالرد لاين ما راح ارجع اشوف الموضوع دا تاني لانو جدال عقيم وما راح نستفيد منو شي

اسفة عالازعاج والله يهدينا كلنا لانو مافي احد خالي من الاخطاء

ويليت نبطل حكم من برا وبس ونبطل النظرة الدونية لمخطئين كأننا ملائكة من السما

الله يهدي الجميع ويصلحهم

[مجبور اوادعها]

الله يهدينا واياكـ يا سوماااااااا

وانا ما اقول اني ما اخطئ، بس ما ابرر الغلط واجادل واحاجج عشان انا مسويهـ !!

وبالنسبة للمنيلهـ دي - الدنيا -

يلاا كله ما شي في الدحديــــــرهـ، ورئصني يا قدع.

المهم شفتِ نظرة المجتمـــــع للناس الي كذا، وان الي يسووهـ (حرام وعيب)

بس جاوبيني وخلاص نقفل الموضــــــوع

الحين الدين فيه شي اسمه حجاب (صــح)

كيف يكون الحجاب ؟

سبحانك اللهم وبحمدكـ اشهد ان لا اله الا انت استغفرك واتوب اليكـ

[مجبور اوادعها]

^

الله يشفيه الراجل دهـ

(سوما)

عندي سؤال - اخير بجد - وياريت تجاوبي،

ما رأيكـ في الصداقة بين الشاب والفتاة ؟

[Silent Hill]

اما اكتفيت يا ابا ليلى من ثار كليب خ خ خ..

ومضه:

اذا شفت من هو ادنى من مستواك خله يسمع بالاقنور يامجبور...

[noo0oona]

انا قرات الردود طبعا في البدايه انبسطت لمن شفت الموضوع قلت موضوع مفيد وظاهرة من جد منتشره
خاصه من بنات الجامعه عبايات يتفننو فيها وبصراحه كلنا بنسوي اغلاط كثيره ومافي انسان معصوم من الغلط بس المصيبه لمن نفتي من راسنا بحلال الشي اللي نسويه عشان ماحد يلومنا طيب في كثير ناس يعملو اشياء غلط بس بيعترفو ويقولو صح هي غلط ادعولنا الله يهدينا
انا طبعا باتكلم بشكل عام وانا مانتبهت لاسماء اللي كاتبين ردودهم يعني لو كان عندي انتقاد لشي معين فهذا انتقاد للكلام مو لصاحبه ابدا
في اشياء كثير قريتها صراحه وضايقتني وانا من عادتي احب ابدي رايي وطبعا يظل راي يعني ممكن البعض يتقبله والبعض الاخر يرفضه وبشده بعد
اول شي بالنسبه للي يتكلم او تتكلم عن التقدم والتطور وان الغرب وصلو للقمر واحنا مستمرين بجهلنا طيب عندي سؤال لك/ي لاني مادققت مين الكاتب بالضبط بنت او ولد: انت/ي اش سويت/ي عشان تتطور هالبلد وتتقدم ؟؟اش اخترعت/ي او اش جبت/ي فكره وبدات/ي تطبقيها ؟؟ او ان كل واحد فينا يقول والله السعوديه متخلفه واكثر بلد فيها تخلف طيب كل واحد فينا سعودي/ه هل كل شخص فينا يشوف نفسه متخلف/ه ؟؟؟ اذا كل شخص بيغير ينفسه ويطورها ويفهمها ويقدمها ويغير اللي حوله واقاربه واهله واصدقائه راح يساهم في جعل جزء من المجتمع مجتمع واعي وفاهم
طبعا انا حاتكلم بشكل عام لاني طفشت من اني احط الهاء والياء نهاية الكلمات بس كلامي موجه للكل
انا مااتكلم بعقلانيه خياليه مثلا انا اقولكم مثال طبعا ع هالشي
مثلا فالبحر او اي منتزه حتى بالشارع شوفو الاوراق والمناديل شوفو الاوساخ اللي تنرمي وهذا احنا عندنا دين يدعو للنظافه شوفو دول الغرب كيف عندهم مخالفات يعطوها لهم اذا رمى واحد منهم منديل بالشارع
واحنا هنا تلاقي واحد يمشي بالسيارة يرمي الدخان او زوجته او بنته ترمي اشياء من عندها عالشارع
والله دول الغرب ماتلاقي فيها اي شي من هذا تحسهم يحافظو من جد على بلدهم
هذا اول شي اذا سويناه راح تكون دولتنا تتقدم وتقدم حلو جدا وطبعا الدوله ماقصرت ماشالله متمشي كم خطوه الا والقمامه الله يكرمكم موجوده
يعني مو شرط التقدم بالاختراعات والصناعات ابدا
شي ثاني بالنسبه للحجاب كلنا مقصرين فيه ماحد كامل واللي تقول ان الحجاب يتطور ع حسب الجيل فانا اقولك يااختي انك غلطانه
شوفي كيف في زمن الصحابه كانت الصحابيه منهم مايعرفو لونها هي سودا والا بيضا والاسمرا شوفو قدايش يعني حجابهم شامل
رغم انه قبل زمن الرسول ماكانو يتغطو كيف يقولك اول مانزلت اية الحجاب بعض الصحابيات شققن مروطهن فاختمرن بها ؟؟ليش ماقال الرسول هذا الجيل جيل انهم مايلبسو عبايات ولايتغطو خلاص انا امشي معاهم حسب جيلهم ؟؟
صح اني ماالبس عبايه عالراس ولا ملتزمه ولاشي بس احس ان الحق حق يعني الحجاب المضبوط معروف اش هو لانه حتى عبايه الكتف كثير افتو بتحريمها لانها فيها تشبه بالرجال يعني زي المشالح حقتهم
بس انا عن نفسي اقول اني مالبسها واسال الله انه يتوب ويغفر لي
وبالنسبه لعبايات دحين شي صراحه مرة مايوصفه عقل والله انا اشوف لو الوحده تمشي ببنطلون وبلوزة يمكن ماتلفت كثير زي مو عاملين البنات هالايام
وخاصه العبايات الضيقه وطبعا انتو شوفو بس الاماكن اللي يضيقو فيها وبعدين تزعل او تقول ليش يطالعو الشباب فيني انا مااقول البسي عبايه عالراس او تشددي لا كل شي له شي معقول البسي عباتيه مثلا فيها خط رمادي خط بيج بس مو ذاك اللون اللي يصرع خليها قريبه من مقاسك مو تكون قدك بالضبط بحيث انها ماتبين حجم جسمك الحقيقي وخلاص صح في شباب عيونهم زايغه ويطالعو باي وحده بس برضو مو الكل مرة وحده من قريباتي غلطت بالعبايه وطلعت بعبايه مو لها وشكلها مرررة كان تحفه وبالعكس كان شكلها يقرف حتى مو انه شي حلو والا نشوف واحد قاعد يطالع فيها ويغمز لها خير يعني خير مو لهالدرجه ووحده كانت معاها شكلها مرتب ماطالع فيها يعني بعض الشباب ياذي اي احد مو الكل طبعا بس بصراحه اللي عبايتها ضيقه وعامله فيها حركات ومااعرف ايش هذي تستاهل انه واحد يعاكسها او يقولها كم كلمه لانها جابت الكلام لنفسها وبس وصراحه احيان يمرو علي بنات وربي اني انا اللي اطالع فيها ماعاد بالشباب يعني
واللي تقول اللي تبي تسافر بره بحجابها تلبس بنطلون ملون اواي شي غير عن عبايتنا فانا اقولك يمكن صح كثير يروحو يشيلو الحجاب بس الحلو ان الواحد يقول والله احنا غلطنا وعصينا ربنا لان ربنا بكل مكان طيب زي مالبستي عبايه ملونه برى او بنطلون البسيه فبلدك انا صراحه ماقد سافرت برى وممكن صح اشيل حجابي اذا سافرت بس ماراح اقول انه عادي وحلال لا طبعا لانه الاشياء هذي مافيها تحايل الواحد يعترف ويدعي ان ربنا يغفر له
وسالفة ان الواحد يدرس برى انا اشوف ان اللي شاطر ممكن يتميز فبلده ليش لازم برى صح برى دراستهم غير بس احس صعب اتنازل عن اشياء اساسيه فحياتي ممكن ربي مايوفقني عشانها
ولو كل وحده راحت والتزمت بحجابها الكامل ترى ماحيكون فيها تخلف بالعكس راح يترفع راس بلدنا ونكون مميزين بحجابنا والا قوليلي اش يميزنا عن الغرب غير الحجاب ؟؟
احنا بضعفنا خليناهم يتكلمو علينا وع حجابنا لاننا اقل دوله نطلعها نشيل حجابنا طيب الحجاب مو من الدين؟؟ ليش اوقات نتمسك فيه واحيان مانسال عنه
انا اشوف متناقضات كثير صراحه وعمر التقدم ماكان باللبس او الشياكه ابدا اعرف دكتورات بالجامعه لبسهم مايعلم فيه غير ربي بس بذكائهم وتفكيرهم الكل بيحترمهم
ولو انتبهنا لكل مجتمع ولكل شخص اش ممكن يقول عننا راح نتعب كثير لان رضا الناس غاية لاتدرك الاخوان ومستحيل يتفقو ع راي واحد طول العمر مالبالكم بالغرب
وعمر الاسلام ماكان يفشل او كان ضعف احنا اللي نفشل بصراحه وضعيفين نزله وحده بس لسوق من اسواق جده وشوفو حال البنات والاولاد كيف هذا جزء من المجتمع السعودي واللي هو تقريبا المجتمع كله مااقول ان في اللي فيهم الخير بس ع قولة المثل الشر يعم والخير يخص
اتمنى مااكون ضايقت احد لاني زي ماقلت هذا رايي ووجهة نظري مااطالب احد انه يتقبلها ابدا وترى انا لامن النوع اللي ملتزم ولاالبس عبايه عالراس ولاشي بس الحق حق وانا اعترف اني مقصره باشياء كثير وان شالله ربي يهديني

[مجبور اوادعها]

^
^^

والله وتالله وبالله انكـ اطلق مني يا شيخة

هو ذا الكلام،

كلنا بنسوي اخطاء - الله يغفر لنا - بس الي يقهر يوم نبررها عشان احنا نسوي الغلط

يعطيكـ العافيـة (فينك منذ مبطي)

:::::::

ابن عبااااد اخرس لا اذبخنَّ جحدر خ خ خ خ

خلاص يا عم ، على رأي الشاعر:

كلن على همه سرى ،،، وانا على همي سريت

<< الله يذكركـ بالخير يا الصقر .

فتكم بالعافيــــــــة

[noo0oona]

الله يعافيك يارب وترى كلكم فيه الخير والله يديم الخير على هالمنتدى دوم يارب
اعرف كثير ناس مايتقبلو اختلاف الاراء لازم رايهم هو اللي يمشي والا تسكت
ماادري كيف لو جيت بانصحهم يمكن يذبحوني
ترى هذا التخلف الفكري اننا نحدد في بالنا افكار معينه بس ونتقيد فيها
انا برايي ان كل انسان شكله الخارجي وتكوينه غير فالاولى الشي لداخلي بعد غير
انا اشوف ان كل واحد له رايه وتصرفه بس احب ابدي رايي وتصرفي
افا عليك احنا مع بعض في الخير والحق بس غير كذا لاطبعا وان شالله تكون مواضيعنا كلها هادفه

[سمية السلمي]

والله العتب على العقول المتخلفة