لو سمحتو ... مراجع أو كتب مفيدة لأختبار step

[kimora]

السلام عليكم و رحمة الله و بركاتة ..

المكتوب باين من عنوانة .. طبعاًَ الأختبار إلى صار اليوم الأحد فات على و ما قدرت أسجل فية ؟ عشان كذا قلت لازم أجهز نفسي للأختبار إلي في شهر 4 .. فالو سمحتو يا حلوين إذا كان عندكم كتب أو مراجع مفيدة للأستعداد لأختبار ستيب .. يا ليت أحد يفيدني ؟؟

أنا الأجليزي عندي جيد جداً .. بس حابة أعرف عن الأختبار أكثر خاصة طريقة الأسئلة و كيفية الحل .. بالذات إلى أخذو الأختبار اليوم ..

بلييييز متبخلوش عليا ...

[reham ahmad]

الامتحان الحمد لله مستواه كويس ما فيه صعوبة كبيرة

لكن اهم اهم اهم شي تيجي مرتاح ونايم كويس انا الي نكبني اني كنت مرهقة

القطع كانت سهلة اجتنا وحدة عن ابن سينا ووحدة عن محمد علي كلاي اغلب الكلام مفهوم

الاستماع ما كان صعب بس تلخبطنا شوية ما لحقنا نسمع بس الكلمات ما كانت صعبة برضو

بس كان فيه كتير اسئلة جرامر

متذكرة اجان قاعدة اف اجانا سؤالين عن الفواصل والنقط

اجان سؤال ترتيب الجمل

اجانا كمان قطعة وجملة ناقصة احنا نحطها مكانها

هادا الي فكراه الان

[reham ahmad]

خدي هادي الدورة خفيفة ومفيدة

http://www.english4arab.net/vb/showthread.php?t=24742

هتفيدك في الاستماع

[جرح الغلا]

الله يوفقك حبيبتي

لا تخافي الامتحان بسيط ومو معقد زي التوفل

بس لازم تكوني مرتاحة ومركزة بالنسبة لي شخصيا

انا ذاكرت من كتاب اسمة ( الانجليزية لجميع المستويات ) للدكتور ممدوح الصغير اخذته من جرير

كتاب شامل كل شي فيه اهم شي تذاكري بتركيز ونهايه كل باب فيه اسئله تجاوبي عليها وميزة الكتاب

انه مكتوب بطريقة واضحة وسهلة

وتشوفي مستواك وكل فترة ادخلي النت تلقي روابط كثير قيسي مستواك بعد المذاكرة


والله يووووقفك يا رب

[بنت ناس ماتخاف]

رفع للفائده ..

[MesSsk]

اتمنى من الاخوان والاخوات ان يعطونا خلاصة تجاربهم

[ازهار السوسن]

نفس آلسؤآل ودنا بخبرات الاخوة المجربين
لاني مقدمه على الاختبار بشهر 4
^ــ^

[فندام]

طبعا بالنسبة لاختبار كفايات اللغة الانجليزية على حد علمي الى الان مالو كتب محددة بعينها عشان المتقدم يذاكر منها والحل هو بمعرفة مكونات واجزاء الاختبار والاطلاع على النشرات والاصدرارات من موقع المركز الوطني للقياس والتقويم ومحاولة تغطية كل جزء من اجزاء الاختبار الأربعة الي هي :

استيعاب المقروء .......................40%
بناء الجمل ( النحو) ....................30%
استيعاب المسموع ...................20%
تحليل الكتابة ..........................10%
وأيضا الاطلاع على صقحة النشرات والاصدرات بموقع المركز

وهذا هو عنوان الصقحة الي فيها تفاصيل اختبار كفايات

http://www.qeyas.com/Qiyas/Exams/SPETExams.aspx

فالمهم انو المتقدم للاختبار يغطي كل الجوانب المتعلقة بي وترى الاختبار مو صعب بالعكس يعتبر سهل ادا قورن باختبار التوفل او حتى بالاختبارات الاخرى

[kimora]

حبايبي ....

ريهام

جرح الغلا

بنت ناس ما تخاف

MesSsk

أزهار السوسن

فندام

الله يعطيكم العافية و يوفقكم ..

من جد ردودكم أفادتني و ريحتني .. كنت اليوم جاية من العمل أخلاقي واصلة لراس خشمي ههههههههههه

الله يسعدكم .. زي ما قلت أنا مو سيئة بالأنجليزي .. خاصة أنو الأنظمة و البرامج إلى نستخدمها في العمل كلها انجليزي

بس أحتاج لتقوية في القواعد... خاصة أنو ناسيتها من زمان .. لأنو تعلمت الأنجليزي اكثر شي بالتجربة مع الناس ما كنت مره مهتمة بالقواعد ..

و إن شاء الله باقي الأعضاء يفيدونا أكثر ...

[دياري نجد]

المشاركة الأصلية كتبت بواسطة ازهار السوسن نفس آلسؤآل ودنا بخبرات الاخوة المجربين لاني مقدمه على الاختبار بشهر 4 ^ــ^

ياليت من عنده معلومه

يدونهاا هنااااا