انا ايش اعمل كل الامال اتحطمت

[JOojoO:D]

ااااااااااااااه بس لا تقلبوا المواجع كلو بيقول بي طريقة زوق اكتر من الي قبلها انوا (( يا ماما انسي الطب و بيعي ترمس ))
بس انا ابا اعرف شي لو لنفترض انوا نجحت في المواد طيب دي و كانت تقريبا كلها 75 و الترم التاني لنفترض في ال 90 كل المواد ممكن ادخل طب ولا لا ؟ عشان الواحد يجهز نفسوا لصدمة عمروا و حياتوا كلها .... و شكرا كلكوم والله
مررره شكرا

[!..RahoOofa..!]

جوجو .. رحم الله امرئ عرف قدر نفسه ..
اول نصيحة مني يعني لاتتحطمي كدا ادا ماقدرتي للطب في تخصصات طبية بس انو ماتكون طب ..
تاني شي ركزي والله الدراسه سهله فلاتصعبيها على نفسك
جوجو انا والله ماكنت بدرس غير قبل الاختبار باسبوع بس ايام الاختبارات ما انام عارفة ايش يعني ساعه مانام
اول شي ركزي في كل سؤال كل سؤال
اذا انتي فهمتي الخطوات في السؤال ( دا حفظ مو فهم )
حاولي تتخيلي دا ليش صار كدا وكيف وايش طريقتو وصدقيني لو فهمتي من جد حتلاقي كل شي مرتبط ببعضو
انا مابقولك لا تزاكري بالعكس زاكري اول باول بس كل واحد وطريقتو ..
اتمرني كتير على الاسئلة
مثلا في الاحصاء ماتقولي انو اول ماشوف دي الكلمة اسوي كدا بعدين كدا بعدين كداا
زي ما المدرسات يسوو
لا حاولي تتخيليي كانو دا الشي بيصير في واقعك .. دي طريقة في الدراسة
طبعا ادا انتي كنتي بتسوي كل داا
حاولي تراجعي نفسك مع ربنا شوفي في ايش انتي غلطانة
يعني انا احيانا مايصير الشي اللي اباه واقول ياربي ليش ؟ اراجع اخطائي واوعد ربنا ماحسوي كدا تاني
واتوكل على ربنا وانا اختبر اقول يارب انا دراستي تعتبر ولا حاجاا انا داخلة بتوفيقك يارب ..
المهم الله يوفقك يارب ولاا تفقدي الامل ..

[!..RahoOofa..!]

شوفي الطب يعني جيبي مثلا 4.75 صح ؟
شوفي دا البرنامج اقعدي افرضي درجات لنفسك وشوفي كم يطلعلك وهل في امل للطب ولالا

[JOojoO:D]

[b]شكرررررررررررررررررررررررررررررررا كلكوم مره شكرا
و انا عارفة انوا مافي امل بس بحاول والله انا بحاول و لا يا حياتي رهوفا انا مررره ما بعمل كدا انا احفظ على طول و اسوي
زي ما يسوي في الاختبار و المشكلة الزفت الاجابة تكون موجودة ليش هما يسوا كدا فيناا ليش ؟؟؟؟[/b]

[JOojoO:D]

المشاركة الأصلية كتبت بواسطة !..rahooofa..! شوفي الطب يعني جيبي مثلا 4.75 صح ؟ شوفي دا البرنامج اقعدي افرضي درجات لنفسك وشوفي كم يطلعلك وهل في امل للطب ولالا

الطب 5:00 و ممكن 4 لو الدفعة ما كانت دفعت دوافييير و انا بدعي انها ما تكون دفعة دوافير لووووووووووول لا انوا عشان كلنا يكون عندنا امل

[DR-SHOSHOA]

اسال الله العظيم ان يسير امركِ وامري وجميع المسلمين
الحال من بعضه لكن املي في الله كبير
وتوكلي على الله ان شاء الله يصير كل خير
ونصيحه ارضي بما عندك لكي يرضيكي الله
اللهم يسير امورنا وفرج كروبنا
امييييييييييييييييييييييين

[الطب مستقبلي]

عزيزتي رسالتي لكي هي :
قولي ياهمي لدي رب كبير وليس يارب لدي همي كبير
احنا من يوم احنا في بطون امهاتنا مكتوبه درجاتنا اللي علينا راح نعمله والباقي على اللي خلقنا
اكثري من الاستغفار وان شاء الله بيرزقك اللي فيه خير

[اتحـــــــداكم وكلي ثقة]

انت منت حمارة ولا بقرة ولا اي فصيلة من فصيلة الحيوانات ..........انت انسانة يعني=عندك مخ =تقدري تذاكري وتعوضي ؛ واهم شي الرضا بما قسم الله لك واستمري وشوفي ايش الله ييسر لك صدقيني مافي شي في دي الدنيا يستاهل الزعل وقلبة المزاج .

[JOojoO:D]

مررررره شكرا كلكوم الله مرره اديتوني دافع اشد و ممكن بي حول الله ادخل طب يا رب
كل واحد ووحدة فينا ندخل التصوصات الي نباها يا رب
الله يوافق الجمييع ان شاء الله