سيناريو التقديم للمعيديه ( مهارات أتصال )

[مس طفشانه]

السلام عليكم ورحمة الله وبركاته

مساؤكم سكر بإذن الله



اكتب لكم هذا الموضوع وأنا ارتشف كوبا من ( الكركديه ) وفي رواية أخرى ( كوجراتي )

وهو مشروب يأتي ذكره كثيرا في الأفلام يدعى (شربات ) !..

لذا أدرجته حتى يواكب السيناريو القادم بين السطور

ومن خصائصه ...أنه خافض جيد للضغط!...

لذا انصح كل الطالبات والطلاب والامه العربيه والأسلاميه ومنكوبي جده!....

بتناوله بإستمرار

وإن لم يفيد في هكذا اوضاع !...

فلن يضر! ....

.
.
.
القصه ومافيها

اختكم في الله قررت هي واحدى الصديقات ورفيقات التخصص

التقديم لأخر اعلان توظيف اكاديمي ظهر هنا مؤخرا

)معيدات لقسم مهارات اتصال (

وبعد الروتين الدائم من الاستعداد ( تصوير وختم شهادات وووو )

والضحك على النفس



(كرد فعل للخبرات المكتسبه مسبقا من جامعتي الحبيبه (


شددنا الرحال الى الكليه القابعه بحي السلامه

ثم توجهنا لمبنى الإداره المخصص للتقديم



وحدث التالي :


نحن : السلام عليكم

هم: (مجموعة موظفات ): ماعندكم احد ...! محد رد

نحن: لوسمحتي هنا التقديم للمعيديه ؟

هي : ايوا

ثم بدون اي مقدمات

معاكم استيب

نحن: لا

هي: ماراح أخذ اي ملف إلا لو معاكم استيب

أنا: طيب حتى لو دورات E ؟

هي: لا ستيب

أنا : طيب ومعدلاتنا ماتشفع لنا !

هي: انا حستلم ملفات اللي معاهم ستيب أو توفل أو واحد ثالث مدري ايش اسمه !

-وتأشر لزميلتها الموظفه الأخرى ( حتى تعطيها ورقة الشروط) !


وتترك كل الشروط وتفرمل على ...

ستيب او توفل أو ستل !!!

الايلتس سار ستيل مدري ستيلا مدري ويلا !!!!

.
.
.

نحن من غير اي تعابير تذكر ومن عند الباب نخرج مسرعات ثم فجأه يظهر اميتاب بتشان ويغني لنا حزنا





.
.
.

يعني حتى ماكلفت نفسها تشوف ايش تخصصنا

هو ادارة أعمال أو حتى إدارة أحمال ! أو يمكن معانا شهادة سباكه !!!

أو ايش الدورات الي معانا !

أو حتى أيش معدلاتنا !!!

كله كوم ومعدلاتنا ياناااااس
.
.
.

اتوقع بعد كل المسلمات اللتي امامي والتي أسمع بها وأتلمسها

وبعد معدلي العالي وتعبي و دوراتي الي راحت في الغسيل



حتى لو عرضت شهادتي ( للبيع ) بسعر ريال ونص محد راح يشتريها.!

راح يشتروا ببسي ... لانه أكثر فائدة



وتوصلت لقناعه انه ماراح اسعى ل اكون الافضل

لانه في جامعتنا الحبيبه

كل الكفاءات تعامل بمستوى واحد !

قال من أوائل الدفعه

حخلي معيديتهم لهم ولشجرة العائلة الكريمه !

عشان تكمل وتصير مزارع وتزدهر جامعتنا

ويصير لكل قسم مزرعه خاصه به

يووووه ...!

هذه لوحدها قصه يبغالها برااااااد كركديه



إلى الأمام ياجامعتي

وهمشي معااااااك للأخرررررررررررر

[جرح الغلا]

اختي الله يعوض عليك بخير

عموما مكتوب بالاعلان من ضمن الشروط

الظاهر ما قراتي الاعلان قبل ما تروحين

[جرح الغلا]

اعتقد لازم يكون ستيب 52 على الاقل

[بروفيسوره متنحه]

.. مساءك شييرررة ..
إلى متى تتكرر هذه السمفونية الدرامية المشينة !!
ألم تعتادي عليها بعد ؟؟
تقبليها بصدر رحب عزيزتي
وأرفعي يديك للسمااء وقومي برمي شهاداتك عاااالياً واستمتعي بمنظرها وهي تطيييرإلى أعلى ..
وفجأه تسقط على وجهك و على الأرض متناثرة ! <> كـَ حالنا تماماً !!
هذا مايفعلونه بنا ,, وكأننا (لعبة فيدينهم )
( لو ندري كان دخلنا تخصص طبخ ونفيخ وتخرجنا بمعدل مشي حالك ودخلنا اختبار الـ step )
وصلى الله وبارك
وبعدين أنصحك بوضع شهاداتك في برواز مزخرف وتعليقها على الحائط ثم التصور بجانبها بوجه منشكح للحياة << صدقيني راح يعطيك جرعة تفائل ولاكركديه بعد اليوم !

وأتوقع أن شجرتهم سَ تُضاهي (شجرة الكريسماس) في الإمارات ..

*


"ما أقول غير الله يعوضك خير "
وخليك مع جبرنا يمكن يجبر خاطرك شويتين

موفقه يارب

[د/طموح]

طيب مافيه اختبار ستيب حاليا المفروض اعطونا فرصة نجيب نتيجة الستيب بشهر 4


اقولكم سر خخخخخخخخ

اختي مقدمة وظيفة محاضر تخصص ادارة تربوية واليوم السبت 1/26 كانت مقابلتها الشخصية
ولااحد سألها عن التوفل ولاالستيب

جامعة مخبببببطة صرررررراحة

[د/طموح]

ينات عندي سؤال ذكي

هم الحين يمارسون علينا الظلم

ولالاششنع من ذلك لمن يكون تخصصك دراسات اسلامية ويطالبوك بالتوفل

سؤالي هو:

ايش دراهم اني اختبرت ستيب

يعني بس مجرد اني اكتب الدرجة في السي في تبعي

لانه انا اختبرت قدرات الجامعيين وماكان معي اي اثبات اني اختبرت او اني حصلت على الدرجة الفلانية

؟؟؟؟؟؟

[مس طفشانه]

المشاركة الأصلية كتبت بواسطة جرح الغلا اختي الله يعوض عليك بخير عموما مكتوب بالاعلان من ضمن الشروط الظاهر ما قراتي الاعلان قبل ما تروحين

اهلين اختي جرح الغلا

اعلم اختي ولكن معروف ان هذا الشرط للمفاضله!!!

ومن المفترض ان يطلعوا على اوراق المتقدمات على الأقل !

[مس طفشانه]

المشاركة الأصلية كتبت بواسطة بروفيسوره متنحه .. مساءك شييرررة .. إلى متى تتكرر هذه السمفونية الدرامية المشينة !! ألم تعتادي عليها بعد ؟؟ تقبليها بصدر رحب عزيزتي وأرفعي يديك للسمااء وقومي برمي شهاداتك عاااالياً واستمتعي بمنظرها وهي تطيييرإلى أعلى .. وفجأه تسقط على وجهك و على الأرض متناثرة ! <> كـَ حالنا تماماً !! هذا مايفعلونه بنا ,, وكأننا (لعبة فيدينهم ) ( لو ندري كان دخلنا تخصص طبخ ونفيخ وتخرجنا بمعدل مشي حالك ودخلنا اختبار الـ step ) وصلى الله وبارك وبعدين أنصحك بوضع شهاداتك في برواز مزخرف وتعليقها على الحائط ثم التصور بجانبها بوجه منشكح للحياة << صدقيني راح يعطيك جرعة تفائل ولاكركديه بعد اليوم ! وأتوقع أن شجرتهم سَ تُضاهي (شجرة الكريسماس) في الإمارات .. * "ما أقول غير الله يعوضك خير " وخليك مع جبرنا يمكن يجبر خاطرك شويتين موفقه يارب

اهلين برفسوره متنحه هههههههههههه الله يسعدك بس

والله فكره ليش لا

وأعرض صورتي وصورة شهادتي للبيع

وأكتب موناليزا الجامعه

جبران خليل جبران لو علم بما يحصل هنا كان قلب خلف الحربي هههههه

لانه ماينفع معاهم السلام ....

اجمعين وياك يارب

[مس طفشانه]

المشاركة الأصلية كتبت بواسطة د/طموح طيب مافيه اختبار ستيب حاليا المفروض اعطونا فرصة نجيب نتيجة الستيب بشهر 4 اقولكم سر خخخخخخخخ اختي مقدمة وظيفة محاضر تخصص ادارة تربوية واليوم السبت 1/26 كانت مقابلتها الشخصية ولااحد سألها عن التوفل ولاالستيب جامعة مخبببببطة صرررررراحة

من جد انا راح احاول اخذه في اقرب فرصه و حكمل مغامرات مررره ماعندي مانع

ماشاء الله تبارك الرحمن الله يوفقها ويسهل طريقها

هم ماعندهم اصلا استراتيجيه واضحه يمشوا عليها

اذا كان مسؤولة استقبال طلبات توظيف ماتعرف ايش هوا الأيلتس؟! ولا تعرف تنطقه !

ربك كريم ...

[مس طفشانه]

المشاركة الأصلية كتبت بواسطة د/طموح ينات عندي سؤال ذكي هم الحين يمارسون علينا الظلم ولالاششنع من ذلك لمن يكون تخصصك دراسات اسلامية ويطالبوك بالتوفل سؤالي هو: ايش دراهم اني اختبرت ستيب يعني بس مجرد اني اكتب الدرجة في السي في تبعي لانه انا اختبرت قدرات الجامعيين وماكان معي اي اثبات اني اختبرت او اني حصلت على الدرجة الفلانية ؟؟؟؟؟؟

طيب ورقة التقديم وورقة الدرجة النهائية ؟!

انا ما اختبرت ولاسجلت ان شاء الله تلاقي من يفيدك بالأكيد

شوفي هما مسوين خطه طويلة المدى

مفادها انه جامعتنا راح تستقبل وفود غير عربيه لدراسة الشريعه الاسلاميه بأقسامها

لذا وجب عليهم استقبال وتوظيف كوادر مؤهلة من طلبة قسم الدراسات الاسلاميه تحمل شهادات اللغه الانجليزيه

حتى تقدم للمبتعثين الغرب لدينا ديننا وعلمنا بما يواكب لغتهم الام

وهذا كما ذكر مصدر مسؤول ( من أهداف الجامعه لعام 2030 )
.
.
.

مافي سبب اكيد الا انه شرط تعجيزي وتصفيه ليس إلا !

موفقه يارب ...