بداية التغيير..لأوضاع طلاب وطالبات الإنتساب(أرجوالتثبيت)

[اداره عامه]

المشاركة الأصلية كتبت بواسطة عمر عبدالله حياكم الله جميع... في الحقيقة أتمنى من الإدارة السماح بطرح إيميل خاص للموضوع متى ماتم السماح سيتم الطرح لإستقبال الأرقام وكل الشكاوي ودي للجميع

الله يجزاااك خير على ما تقدمه لنصرت اخوانك

لازم تعقد الموضوع وتسوي ايميل على كذا سنه ما نخلص

( كل طالب له حق تقديم معامله الالكترونيه ) هنا مربط الدجاجه
بعطيكم طريقه وإن شاء الله تتطبق وراح تجني ثمارها بأقل من اسبوع
وهي :
تتفقون على خطاب به مطالب وشكاوي موحده تصاغ بأسلوب ممتاز
وينزل بموضوع يكون مغلق ويوضح الفكره من الخطاب
وهي نسخ هذا الخطاب وارساله على الجامعه عن طريق الاودس ( تقديم معامله الالكترونية)
طبعا طلابنا وطالباتنا الاشاوس ينقضون على الاودس ويرسلون الخطاب
نبي الف طالب والف طالبة اعتقد بيسوون شي
وفكنا يا عمر من الايميلات اللي ما لها سنع
ويكون عندهم ارقام الطلاب اللي مقدمين الشكوى
وعندهم نوع الشكوى اقصد (جامعتي الحبيبه)
واقل شي قطعنا شوط كبير في حل المشكله
وهي طرح المشكله خارج
المنتدى الغالي
متابع الموضوع
وانتظركم

[زوم]

ومضه ففكره فحوار

اليش نعارض اي فكره حلوه حتى لو انها تساعد شريحه بسيطه من الطلاب
مع ان الشريحه الكبيره من الطلاب محتاجين للتغيير لان المصاريف ثقيله شوي
والرسوم كذالك يعني لازم نسافر ولازم نسوي جمعيه على شان نسدد الرسوم

الى الامام نحو اي حوار يفيد الطلاب ونحو اي وسيله تسسب ضغط
على المسئولين في الجامعه حتى يتعاملون مع الطلاب بكليتهم وليس كشحاتين
مطالبهم دائما في سله المهملات او التطنيش ودائما نطلب معرفه نظام الجامعه من برا الجامعه
ومن اصحاب التجارب السابقه
انا اؤيد ادخال الصحافه المقروئه في الموضوع لا والمرئيه بعد
الله يوفقك على الموضع الي اثلج صدري يابو عبدالله
تقبل مروري اخوك زوم العنزي

[ابوباسـل]

لا زم تكون كلمتنا وحدة ومبتغانا واحد لازم يكون هناك تغيير ...........up

[أغدا ألقاكــ]

فكرة الاخ اداره عامه ممتازه


لو نسويها ممكن تنجح

[عمر عبدالله]

ياجماعة الخير..

أنا لما تكلمت مع احد الصحف.. قالوا لي التالي:

1- اي تحقيق لابد ان يكون مبني على حقائق..(شكاوي سابقة-أسماء-أرقام-جوالات)
2- بعد إستقبال كل شئ من الحقائق يتم التحرك ومواجهة الجهة المسؤولة..

بعد كل هذا يتم إدراج التحقيق وفيه أحاديث الطلبة وطلباتهم وأجوبة الجهة المسؤولة..

//

يعني كل شئ راح يصل للإيميل راح يكون سري بما يحفظ حقوق الطلبة وأن مايأتيهم اي ضرر بحول الله
//



أتمنى إني بينت الهدف من الإيميل

شاكر تواصلكم وحوراكم الراقي

//

مسألة المعاملات الإلكترونية هي اللي راح تجيب العيد بالطلبة لان كل معاملة فيها الرقم الجامعي للطالب..

ودي

[اداره عامه]

المشاركة الأصلية كتبت بواسطة عمر عبدالله ياجماعة الخير.. أنا لما تكلمت مع احد الصحف.. قالوا لي التالي: 1- اي تحقيق لابد ان يكون مبني على حقائق..(شكاوي سابقة-أسماء-أرقام-جوالات) // يعني كل شئ راح يصل للإيميل راح يكون سري بما يحفظ حقوق الطلبة وأن مايأتيهم اي ضرر بحول الله // مسألة المعاملات الإلكترونية هي اللي راح تجيب العيد بالطلبة لان كل معاملة فيها الرقم الجامعي للطالب.. ودي

يعني ابي افهم
تطلب اسماء الطلاب .. وارقامهم الجامعيه .. وارقام تلفوناتهم
وعااااادي ما راح تكون عندهم مشاكل لو شافت الجامعه الاسماء والارقام
مو على انه تحقيق صحفي ومن حق الجامعه الاطلاع على كل الارقام والاسماء

اماااااااااااا اذا ارسلت رسالة اكاديمية واتبعت قوانيين الجامعه راااح تجيب العيد

وش ذا التناقض

خلك واضح
عندك شي اطرحه في الموضوع
عطيناك فكره حاول تشتغل عليها وتطورها
لعل وعسى يكتب فيها خير للطلاب
متااااابع

[عمر عبدالله]

المشاركة الأصلية كتبت بواسطة اداره عامه يعني ابي افهم تطلب اسماء الطلاب .. وارقامهم الجامعيه .. وارقام تلفوناتهم وعااااادي ما راح تكون عندهم مشاكل لو شافت الجامعه الاسماء والارقام مو على انه تحقيق صحفي ومن حق الجامعه الاطلاع على كل الارقام والاسماء اماااااااااااا اذا ارسلت رسالة اكاديمية واتبعت قوانيين الجامعه راااح تجيب العيد وش ذا التناقض خلك واضح عندك شي اطرحه في الموضوع عطيناك فكره حاول تشتغل عليها وتطورها لعل وعسى يكتب فيها خير للطلاب متااااابع

حياك الله اداره عامهـ..

واشكرك على تفاعلك ومداخلاتكـ ..

ثق وتأكد إني حلقة وصل لإيصال الموضوع للصحافة ومايطلب حبيت أطرحه لكم..

::

ثق أنت والإخوان بأن الصحافة لاتنشر أي شئ إلا بإستنادها على حقائق..


على العموم براحتكم

أنا كان ودي والله العظيم مساعدة الأخوة الطلاب والطالبات لإيصال الموضوع لأحد الصحف..

[اداره عامه]

المشاركة الأصلية كتبت بواسطة عمر عبدالله :: على العموم براحتكم أنا كان ودي والله العظيم مساعدة الأخوة الطلاب والطالبات لإيصال الموضوع لأحد الصحف..

اشكرك على اجتهادك واخلاصك
اخي العزيز عمر
ابسط شي ما سويناه
رفع شكوى للمسؤلين في الجامعه
لان من حقهم علينا مخاطبتهم
ونشوف ردهم
اذا والله تغير الحال هذا اللي نبي
والا نستعين بالصحف ,بالراديو بأي شي
ولا تنسى راااح يكون عندك من الاساس
مطالب وشكااوي الطلاب اللى تم ارسالها
بأختصاااار رااح تكون جاهز لعمل تحقيق
خل الصحف بعد المداولات مع الجامعه

[مخلص بحول الله]

الاسم ابو فيصل

الحاله الاجتماعيه متزوج

الافراد 4

الدين = بنك الراجحي لزرفكم بطرق الاسلاميه

المستوى التعليمي: جامعي ينطبخ على نار كبريت

الاختبارات : واقفه عليه الجامعه في الترم الواحد اكثر من 6000 ريال

الامنيه يحطون لي اختبارات مناطق علشان تراني بالش بلاجازات ومصاريف الجامعه

[مالدينا]

طيب الحين وش المطلوب ؟؟

نعطيكم مثلا ارقامنا ولا ايش