عَنآقيدْ مٌقتطفَه من السَنَه التَحَضِريِهِ ]l---~masoory

[мαѕooяy]

// السلام عليكم ورحمة الله ... اول نقطه ياحلوين ... واهم نقطه ... ,, انتوا ازيكم و عاملين إأيه ؟؟ باقي اسبوع بس وتخلص إأإجازتنآ الهنيئة .. وترجعوآ للكبسه والضغط وكل شيء , وصحيح مبروكـ على معدلاتكم الحلوهـ ابغاااكم تصحصحووا معاييا وتشربووا كوفي خخخ كلامي كلوا كرف خخخ , , من سنة تقريبا ً. . بدأت معايا السنه التحضيرية .! والحمدلله الحين آنتهت على خير , قبل لاتبدأ كنت زيي متل آي طالب وطالبه هنآ , خوف ورعب وقلق ومآني عارفه رح آنجح والا لا ... ومن هالكلام ,, طبعا سمعت اشاعات كثيرررهـ زي ماتسمعون كل يوم احيانا ً الاشاعه رغم انها كذبه الا انها تحمس واحيانا ً العكس , المهم مرت الأيآم , صارت التحضيرية صقيقتي العزيزة صرت احبها ... وصارت ايامي معها لاتنسى .. بدايتها كنت ابكي لكن صرت امزح معها والعب معها واضحك معها ,, لاتستغربون عيشوا ايامكم بالتحضيري واعتبروها تجربه كلها فتره ورح تنتهي ,,!,, صدقوني الحين اشتاق لايامي معها < اتوقع بتحقدون عليآ ... تعلمت كثير تجارب اثبتت اني قد التحدي ... واثبتت اني اقدراعمل اييي شيء ابغى اوصله .. خاصه قدام نفسي ,, خذوهآ مني كلمة ... اللي مو عاجبه التحضيري يسوييهآ تحدي ولازم تفوز يا انت يا التحضيري اول شيء خلوني آوريكم الدواعم اللي ساعدتني بالتحضيرري وكانت تسلينييي بنفس الوقت الآدوآت اللي الكل لآزم يسخدمهاا للتعلييم الصحيح < ايه هين آولآ .../ لابي العزززيز !! ... من اهم الادوات اللييي تساعدني بالدراسه ... احس براحة نفسيه لمن يكون مفتوح حتى لو اني اتفرج عليه من بعيد < وقت الاختبارات تتبهدل المهم المقصد اللاب او الكمبيوتر مهممم من نآحية لازم نتابع كل شيء جديد بالمنتدى او بموقع الجامعه او بالاودس ,, نحمل ملفاتنا ونحافظ عليها من هنا لممممن نخلص ,,طبعا اكيد لازم نتسلي شويتين < بس مو عشره ثانيااً / موبايلي بعد , عاااش معايا معانااه التحضيرري مسكين .. ثالثا ً/ m y b o o k s ~ كتبي آولا ً وآخيرا ً وآهمممم شيء بدرآستي الكتآب ,, يآآآآهـ على كتبي مسسسكينه بالصورة باينه انها مؤدبه ..., لكن بالحقيقه انا مآرتاح نفسيا ً ,, لييين مآيقولي الكتاب ارحمييني الله يسعدك رابعا ً / دفتررري وقلمي ,, طبعا ً رح نحتاج القلم والدفتررر نحل مسائل نلخصصص نكتب شرح الاستاذه <نرسم ونلعب خامسا ً / ملخصااات خلق الله ,, كل من هب ودب نبي نشترييله مانرتاح الا لمن نشتري سادسا ً / والموووهيييم نماااذج الاختبااارررات شووفوآ بسس كل هآدي نمآذج آختباراات < بسوي عليها مزااد بعد شويه وربي هالملخصات والكتب والنماذج مسويين آزمه موب طبييعيييه بالبيت رجاااااء ً عدم الرد نهآآآئيا َ لييين مآخلصصص الكلام بلييييييز آنآ حقول ردوآ بعد كدآ باقي كثيرر مابي اي ردود بييينهم رجاء ً ,,

[мαѕooяy]

STEP 1 plan A~ آو ( خطه أ ::- الخطه كلهآ 4 مواد < الانقلش محذوف من القائمة [رياضيات - فيزياء - حاسب - مهارات اتصال ]... , نبدأ من السهل ,,, المآدهـ الاولى :: مهآرآت الاتصاإأإل (communication skills) مادة الاتصال ماده حلوه وسهله وخفيفه واحيانا تجيب الملل من كثر الدش محتوى الكتاب :: الكتاب مكون من 6 وحدات يتكلم كمجمل عن مهارات التعامل في الحياه بشتى اشكالها الوحدة الاولى: تتكلم عن الاتصال عموماً .. ايش هو الاتصال تعريفه ,, ايش عناصره ..اممم انواعه واهدافه في الحياه ووو الخ الوحدة الثانية : تتكلم عن مهارات الاستقبال ... يعني مهارات اللي تكون عن طريقها الانسان مستقبل شيء مثلا مهارات الانصات وتعريفه وووالخ وبعدين مهارات القراءه اساليبها وووالخ الوحدة الثالثه : مهارات الارسال وتعني مهارات عن نقدر نوصل للناس اشياء مثل مهارات التحدث ومهارات الالقاء (القاء عرض معين مثلا) ومثلا مهارات الكتاب والكتابه الالكترونيه الوحدة الرابعه :وحده حلوه كثير تتكلم عن الاتصال الغير لفظي يعني كيف نقدر نتواصل مع الناس بدون كلام.. وكيف ممكن نفسر الحركات اللي ممكن يسويها اي شخص قدامنا رح يتكلم عن الاتصال الغير لفظي عموما ً تعريفه - عناصره - اهميته ووووالخ الوحدة الخامسه : وحدة طووووويله يعني ياصبر اييوب بس تتكلم عن الحوار عموما ً .. يعني الحوارات اللي تصير يوميا ً بين الناس انواعها - اهميتها - انواع المتحاورين - مفهومها - بعد كدا يجيي لشيء مهم يتبع الحوار اللي هوا الاقناع (ياتقنعني ياا اقنعك ) يتكلم عن كييفية الاقناع -مهاراته - معوقاته وووالخ الوحدة السادسه - نصيحتي لكم حاولوا تصحصحوا فيها لاني احسها جدا ً مفيدة تتكلم عن كتابة السيرة الذاتيهc.v كتابة خطاب تقديم عمل cover letter طريقة المقابلة الشخصية وو اشياء تانيه ماتذكرها بس ذآ الشيء اللي رح تاآخذوه بالكتاب , طريقة مذاكرة مهارات الاتصال :: الكتاب كلامه كثير ... في اشياء تنحفظ لازم وفي اشياء مررا ماتنحفظ يعني نحاول نفهمها فهم , وآسهل طريقة لفهم الكتاب هو التطبيق بالواقع يعني كل شيء تآخذوه حاولو تطبقوا في واقعكم .. خلي آخوانكم الصغار يتسلوا معاكم سووا انترفيوا مثلا سووا لقااء اممم اي شيء لو مثلا تكلم الدرس عن الاتصال الغير لفظي وجاب حركات من الواقع ومعانيها انتوا حاولو تشوفوا اللي حولكم لاحظ عليهم وحاول تطبق الكلام عليهم يعني (التطبيق الواقعي) ثاني شيء .. من طريق مذاكرة الاتصال التلخيص بأي طريقة كانت ممكن متل ماكننا نسوي ايام المدارس خرائط ذهنيه اللي شكل شجره واللي مدري ايش خخخ المهمم نلخص الكتاب بطريقة حلوه نتذكرها وقت الاختبار وباذن الله رح نجيب full mark~ طريقة توزيع الدرجات في مادة الاتصال :: تقسيم الدرجات في الترم اللي فات كان : 30 درجة الدوري الاول رح يكون في 3 اقسام من الكتاب 30 درجة مقسمة على انشطه مختلفه لكل باب في الكتاب 40 درجة في النهائي رح يكون من اول الى اخر الكتاب افضل اساتذة لمادة الاتصال :: مهارات الاتصال كل اساتذتها تمام التمام ومايفررق لكن انا اعتز باستاذتي قمة في الاخلاق ومررآ ذوق في تعاملها معانا وكمآن تساعد بالدرجات ^_* أ/هنيدة شحبر وكمان سمعت عن أ/اميرة النمر أ/ لينا شلهون كذا خلصنآ من مهآرآت الاتصال ...^^ مآدهـ حلوهـ حرام اذا ماخذتوآ فيهآ a+ لاتلعبوآ فيهآ قيمتهآ بالمعدل زيهآ زي الرياضيات مآيغركم مرآآ آنهآ آتصصال بالعكس ترفع المعدل كثير.. وترى اسئلتهم سهله وحلووووه يعني لآتخآفوآ <مسوري قالت لاتخافو يعني لاتخافو<آوووت خخخ بليزززز عدم الرد نهائيا ً الحين

[мαѕooяy]

,,, المآدهـ الثانية :: مهآرآآت الحآسب الآلي (computer skills) اممم الحاسب الالي ممادة سهله عادة ً لان تعتمد على البرامج اللي اصلا احنا متعوديين عليها لكن مشكلتهاا في الاختبارات النظريه الكتاب في اجزاء دش ×دش مآستفيد منها بحرف لكن ربكم يعيين على الحفظ محتوى الكتاب :: الكتاب عبارة عن 8 وحدات ... اممم يتكلم عن اساس الكمبيوتر بعد كدآ يتدرج لبراامج مآيكروسوفت وبعدها الانترنت والايميل وواخر شيء عن التعليم عن بعد , الوحده الاولى :: تتكلم عن تقنية المعلومات كتوتال ووتاريخ الحاسب ومين اخترعه وايش اشكاله كيف كان وكيف صار وبعدين يجيي يقلك اجزاء الكمبيوتر الهارد ويير و السوفت ووير ويتكلم عن وحدات الادخال من كيبورد وسكاان وماوسسه ووووالخ ويجي يعرف كل جزء لحال ووحدات الاخراج نفس الشيء يععدد ويعرف كل جزء لوحده وو يتكلم عن البرامج وانواعها ومدري ايش ويتكلم عن الانترنت بشكل عام والبريد الالكتروني الوحدة الثانية :: وحدة مررا سهههله يتكلم عن السيستممم وهو شارح سيستم الوندوز كيف نعلي الصوت.. كيف نغير خلفية سطح المكتب كيف نعدل بخيارات لوحة التحكم ...كيف نسوي اختصار لبرنامج كيف نسوي بحث من ابدأ ووووالخ الخ يعنيي التطبيق فيي هالوحده هو الاساس بسس علشان تتذكرر الاماكن فقط والا جدااا سهله الوحدة الثالثة :: يبدأ يعرض برامج المايكروسوفت اولهم برنامج وورد (معالج النصوص) يشرح كيف نحط صورة كيف نكتب كيف وكيف كلام فاضي !! الوحدة الرابعه:: برنامج اكسسل اتفه من اللي فوقه ^^ برنامج كلوا على بعضه جداول وكل هالوحده تتكلم عن عمل جدول فيهااا كيف نحط البيانات فيه وننسق فيه وكيف ممكن نطبق بعض العمليات الحسابيه عليه تقريبا هادا اللي اذكره الوحدة الخامسه :: برنامج اكسس برنامج خطنطرر ومرررآ سسهاله هو برنامج لعمل داتا بيز .. يعني قاعدة بيانات حيجي يشرح ايش هيا الداتا بيز وكيف نسويها وكييف ننسقها وكيف نزبط كل نوع بيانات الرقم يختلف عن الاسم وهكذا ونتعلم فيه بعض الخصائص وبس الوحدة السادسه: الباور بوينت غني عن التعرريف اللي تسوووهـ دآيما ً لمن تيجوا تسووآ عروض هووا نفسه اللي حتآخذوه بهالوحده سهل الوحدة السابعه :: يتكلم عن الانترنت بالتفصيل والبريد الالكتروني كيف اتعامل مع صفحة الانترنت باختصار وكيف اسوي بريد الكتروني وكيف ازبط الاوبشنز تبعه ووبسسس الوحدة الثامنة:: اغبى وحدة شفتها بحياتي ^_* التعليم عن بعد هالوحده يبيييلهاااا من جججد واحد حفييظ لانها كلها دش وغباء موطبيعي بسس ربكم ييعيين طريقة مذاكرة مهارات الحاسب الالي:: اول فصصل حفظ مع بعض الاشياء اللي تنفهم دايركت الوحده الثانييه الييين السابعه التطبيق العملي مرآآآآآ مهم فيها امسكووآ اللابات وطبقووا والباقي حفظ مع تركييز تااام لانوا الاسئلة فيها لعب ^^ الوحدة التامنه ربكم يعييين ماينفع معها لاتلخيص ولاشيء ينفع الحفظظ اوووف تممممللل < تتذكر معاناتهاا طريقة توزيع الاختباارات: الدوري الاول رح يكون مقسم الى قسمين اختبار نظري + اختبار عملي رح يكون في التلاته الوحدات الاولى فقط الدوري الثاني رح يكون نفس الشيء اختبار نظري + اختبار عملي رح يكون في الوحدتين اللي بعد كذا الرابعه والخامسه الاختبار النهائي رح يكون في اخر 3 شابترز فقط...!! وبدون اختبار عملي افضل اساتذة مهارات الحاسب الالي انا جربت استاذه درستني المادة ا/رحاب قاروت هيآ عصبيه حبتيين لكن عسوله والدرجات تعطيك حقك ماتظلم احد , وحتى اختباراتها سسسهله وبكييذا خلصنا من مادة مهارات الحاسب الالي , الحاسب من المواد اللي ترفع المعددل لاتضيعوهاا من يدكم بالمرآآآ , عدم الرد رجاء ً

[мαѕooяy]

المآدة الثالثه :: مآدة الفيزيـــآء ,, (physics) مآده عسسسسل تجنن وسهلللله لاتخافووا منهاااا ابدا ً ابداً الله يرحم ايام القرف في الثانويي اشياء غبيه لا هنااا الدروسسس جدا جدا سسسهله لكن تعتمد كليا ً على المدرس الصح ^^ محتوى الكتاب .. انتوا وحظكم كم تاخذوا من الكتاب لكن يتراوح بين 8-9 شابترز .. آهم نقطه في الموضوع من بدآية الترم لآزم تحآولو تدورون على شيء نسمييه سيلبولز ^^ تعرفووهـ؟ خخخ علشان كثيييير آكتشف انهم مو عارفين ايش اخذنا اصلا ً ويجووا اخر المطاف يقولو الاسئلة صعبه ,,×_× رح اختصرلكم مواضيع الفيزياء الشابتر الاول : انا ماعتبره شابتر اصلا ^^ مكرر بين الكيمياء والفيزياء ^^ واللي هو اليونتس الوحدات مجرد وحدات تعرفوا كيف طريقة التحويل من وحده للثانيه انتهى الموضوع ^^ الشابتر الثاني : يتكلم عن الحركه على خط مستقيم تتذكرروا الاشياء الحلوه اللي كننا ناخدها بالابتدائي سرعه-تسارع-مسافه -زمن ^^ هيآ هآآآدي رح نرجع نآخذهآ لكن بشكل آحلى < آقصد آكبر خخخ السرعه المتوسطه -السرعه عند لحظه معينه -التسارع المتوسط -التسارع عند لحظه معينه -لممممن يكون التسارع مايتغيرر في اشياء بتصيرر ^^معادلات احفظوها واعرفووا كيف ممكن تطبقونها على المسائل لاا اكثر ونفس الشيء ونفس المعادلات لكن لمن يكون free fall يعني قلك سقط من مكان راح من مكان بسس لا اكثر انتيهنآ ^^ الشابتر الثالث :: عزيزي فيكتووووورررزز ^_* الشابتر الحليوه هآدآ لازززم تفهمووه تمام التمام رح يتربط عليه كثير من المسائل وهو المتجهااات الاشياء اللي لها اتجاااه اعتماادها على اتجااههاا بذا الشابتر رح نلعب فيها نجمع اتجاهيين نضربهم تييب لو ضربناهم بعدد ثابت وبس وبعدين نيجي انوا لكل اتجاه في اشياء مهمه مركباتهاا اعتبروها اخوان المتجه مرآآآ لازم تفهموون هالشابتر كثييرررر لانواا اذا فهمته اضمنلك الباقي ^ الشابتر الرابع :: نفس كلام وهرج شابتر 2 اللي هو حق الابتدائي لكن بطريقة على متجهات وليكن عندنا متجهين اووكـ xوy انا شخصيا ً اتعامل مع كل متججه كآنووا مسأله لوحدها اطبق عليها القوانين وكل شيء ليش؟ علشان ماتصير اللخبطه اللي دارجة عند الكل طبعا هالكلام رح تفهموا لمننن تاخذوا نفس الدرس حاولوا ترجعوا لكلامي , الشابتر الخامس & السادس:: احلى منهمم مافي كانوا يعجبوني كثير ^^ عن نيوووتن ومادراك مانيوتن > والله انو عسول خخخ تتذكروا زمان كننا ناخذ القانون الاول والثاني والثالث لجدو نيوتن هماااا نفس الشششيء لكن الثاني والثالث رح نطبق عليهاااا امثله وهيآ هآدي اللي يتفننوا فيها الاساتذة التاني يقول اذا اثرت قوه على جسم تعطيه تسارع معين وبناء على هالكلام يعطوننا مجموعه من انوا القوه وبسسس شابتر 5&6 افهمواا الاساس ويبدأ اللعب في الاسئئلة كل ماتدربتوا على تمارين كل ماضمنتوااا الفهمم اكثر واكثر الشابتر 7:: هآدآ عزيزي مثلا ً خخخ امممم الشابتر يتكلم عن الطاقة الحركيه قانونها ونطبق يتكلم عن الشغل الناتج عن الطاقة الحركيه قوانينه ونطبق يتكلم اخر شيء عن القدره نفس الشيء قوانين ونفهم كيف نطبق شابتر 9 :: شابتر شوية مادري ايش يبي هو سسهل جدا ً يعنيي باختصار في جزئية منوا تتكلم عن مركز الثقل يعني بالعرربي ويين الكتله حتكون مركززه مررآآآ سسهل في تشك بوينت كان يوضح كل هالجزئيه حتشوفوهـ بالكتاب تشك بوينت 1 صفحة 204 وجزئية تتكلم عن حفظ الكمية الحركيه وعن حفظ الكتله اشياء سهله وواضحه لاترتعبوا منه خلصنا ^^ , طريقة مذاكرة الفيزيـــآآآء:: في كثير يخآفوآ منهآ وفي كثير يآخدوآ آف فيهآ للأسف رغم آنهآ آحسس مآدة من جد سسسهله ولله الحمد تعتمد الفيزياء اعتماااد كلي على التماررررررين يعني شوفوآ تمآرين الكتاب المقرره عليكم + اسئلة الاختبارات الماضيه مهمه مهمه مهمه في الفيزياء +نشوف ملخصات حاطه تمارين حلوه نحاول نحلها والا تست بانك الفيزياء خدوها مني لو ماكنتواا عند آساتذه كويسسه آنسوآ آمرهآ آهم شيء تفهموآ بالكلاس ولا الف ملخص رح يفهمكـ متل الاستاذ لانوا في بعض التريكات شووويه لازم نعرفها ونستنتجها , اممم نقول بسم الله ونمسك الكتاب نقرأ شابتر شابتر او الملخص او شرح الاستاذه يعني الشيء اللي ترتاحون له نشوف عن ايش يتكلم عن ايش يدوور بعدها نشوف تمارين الشابتر بعدها نمسك ورقه نكتب شابتر كدا ايشش فيه اشياء وقفتك ايش فييه اشياء صعبه نكتب الاشياء المهمممة اللي لازم نتذكرها وبس بعد مانخلصص من كلوا كلوا نبدأ بالاسئلة حقت السنوات الماضيه مهمممممممممممممممممه قسم الفيزياء يعششق اسئلة السنوات الماضيه يحب يجيب زييهآ ^^ وقبل مانروح الاكزام نحاول نراجع على الاشياء اللي كتبناها في ورقه المهممه يعني ونتوكل على الله طريقة توزيع الاختبارات والدرجات:: 30 درجة دوري اول رح يكون في آول 3 شآبترز 30 درجة دوري ثاني رح يكون في تاني 3 شابترز 40 درجة اختبار نهائي في كل الكتاااااب من الاول للاخير لكن للاهميه :: في الاختبار الدوري الثاني راجعوا على اول 3 شابترزز لانووا يعتمدووا على بعض وفي اسئلة تيجيي من اول 3 شابترز اختباراتنا احنا البنات كانت فيهاا فقرات تعتمد على فهم الطالببه لنفس الموضوع يعني زي مايقولولها تميز الفاهم من اللي مو فاهم وكانت تييجي اسئئئئلة زي التماررين الي رح تحلوها من السنوات الماضيه يعني مساائل طوويله شويه وكانت تيجي اسئلة بالنظر تنحل مرآآآ سهله ,, امممم بس افضل اساتذهـ :: الاستاذه التمآآم مهممممممممممممه في مادة الفيزياء نصيحة لا تستهينوا في مصلحتكممم والله مهممم انكم تروحوا لاستاذه كويسه أ/ سنـآآآء آبآآظه آستاذهـ مافي بعدها لاتروحوا لغيرها مرا شرح في قمةةة الروووعه, احسس شعارها ( حتفهمواا يعني حتفهموا خخخخ) اذا مررا مرررا ماقدرتوا تروحوولهاا أ/ وجود ديري كويسه كمان افضل ملخصات :: حتكلم عني آنآ كبــنت ,, الدوري الاول مسكت الكتاب ومسكت ملخصات الحمدلله الدرجات فل لكن الدوري الثاني والفاينل مالقيت فايدة من الكتاب مامسكت الا الملخصات ولله الحمد درجاتي كامله ملخصين كنت آستخدمهم لا اكثرر ولا تكثرووا نصيييحة أ/طلعت سالم --- فيزيــآء رآآآآآئع جدا ً تفهموا يعني تفهمووا بالعربي هع لانوا يشرح كل شيء بالمنهج حبه حبه وخآصه التست بانك كانت قريبه بالمرآ من الاختبارات انا صدمني انوا اأ/سناء اباظه وحده سألتها عنه قالتلها جآي منه بالاختبار النهائي كثير وربي فعلا ً جآ كثير الحمدلله عدى أ/ آشررف بركآت آفكآر آسئلته حلووه واحب اعمل ملخصه كمرااجعه بعد ماخلص يعني امسك احاول احل التمارين اللي فيه ونصيحة ملخص اشرف بركات في اسئلة كدا معقده ومدري ايش تبي لاتحلووون المعقد ابدا ً رح تتلخبطوا وتضيعوا وقت حلوا الاشياء اللي ممكن تلقون زيها باختبارات السنوات الماضيه فقط وخلصنا مادة الفيزيياء بسلآآآم<< يالييل مطولك نصيحة الاستاذه مهمممه في الفيزياء , بررررب لاتردوووو

[мαѕooяy]

, نيجيي لآخر مآدة واللي يعتبروهآآآ وحشش خخخخ المادة الرآبعه :: مآدة الرياضيات (CALCULUS) والله المادة حلوووه ومافييهآ شيء لكن يبيييلها كررف يعني تحب تددلل ولازم ننعطييها من وقتنااا كثيررر اعااادة لثالث ثانووي بالتماام لكن اسسهل منها انا حلخصها بشيء بسيط مآحتعمق فيهآ كثير حتتكلم الرياضيات عن الاعداد الحقيقية وعن الجآ والجتآ وآخوآنهممم الاعزااء وحتتكلم عن الميل وعن معادلة المستقيم بعد كداا تتكلم عن الدوووال عالم لحاله تعرف كل داله ومجالها و المدى وطريقة ايجادهم في كل نوع بعد كدا تتكلم عن النهايات وعن الاتصال ,, لها شروط وانواع جدا ً سهله وبعد كدا تييجي للتفااضل قوانين التفاضل وانواعه وبعد كداا اخر محطه هي تطبيقات على التفاضل التقعر والانقلاب والتناقص والتزايد وواخر شيء لوبيتال روول طريقة مذاكرة الرياضيات :: <اهم شيء الرياضيات خاصة ً كل واحد له اسلوبه معاه واسلوبي اناا يمكن مايعجب الاغلبيه لكن الحمدلله ماشي معايا, حتقولو كرف اقلكم نوو انا افهم كداآ بدآية الترم استاذتين سمعت منهم كلمة .. , بقيت براسي وماطبقتها الا بالدوري الثاني للاسف قالوا اللي يبي الميه يحل الاودد والايفيين يعني التمارين الزوجيه الفردية ومن هنا اقلكم اهم نقطططه في الرياضيات التمآآآآآآآآآآآررررررررين لاتقولولي ملخصات ولا هبل التمآرين اذا حليتهآآآ تجيب الدرجة اللي ترضيك طريقتي انا ,, امسك الكتآب آشوف ايشش فيه عالسريع يعني قوانين كلام بين الاسطر ويكون مهمم يعني بالعربي الخص الاشياء المهممه في كل جزئية وامسك شرح استاذتي اشوف عن ايش تكلمت اطلع المفيد منه بعد كداا امسسك السكشنزز آحلها فقره فقره لازم احاول احل بيدي واعرف كيف الطريقة على فكره انا ماكان عندي التمارين المحدده في الكتاب انا كنت اختار تمارينييي بنفسي كان في ملخص يحل السكاشن كنت استفيد منوا بعدين نتكلم عن الملخصات ابدأ احل اذا ماعرفت شيء عاتي ممكن اسأل استاذتي والاسااتذه مارح يقولوا لا كل تمرين في فكره مختلفه عن التاني وذآ الشيء هوو اللي يحبووآ آهل المااث ويجيبووهـ بالاختبارات واخر محطه امممسك الاختبارات الماضيه اشوف افكار يمين شمال بس هو الماث عباره عنننن افكار من يومه والافكار حقت الاختبارات بين ايدينا في السكاشن امممم حتى الاختبار الفاينل ماكانت افكاره غريبه عليآ آبدا ً لكن للأسف اللي صدمني فيه انهم ماحطوا وقت زيادة يعني حلوآ تمآرين على قد مآتقدروآ نصيحتي لكم ,وآرجعوا للكتآب لاتسيبوآ وا والله مهم طريقة توزيع الاختبارات والدرجات : زيهآ زي آي مآدهـ 30 درجة دوري اول 30 درجة دوري ثاني 40 درجة نهائي في وآجبآت يسمونهآ هووموورك آونلآين في الكتاب رح يكون معآه آكوآد لازم تشتروهآ-وتسجلوا بالموقع المرفق مع الكود ورح ينزل وآجب بعد كل سكشن ولازم تحلوونه علشان يجييبكم بونص عليه <بالنسبه للبنات بالنسبة للبنات فعلا ً اعطونا بونص 10 درجات كامله للي حل كل الاون لاين كامل , افضل اساتذه :: نصيحة يابنات من اخت لكم ا/ غاده مطرررر مافي بعدهآآآآآ آبدآ ً شرحها رائع بالمراا مآرح تحتآجوآ آي شيء بعدها لاملخص ولاغيره ولو مآقدرتوآ ممكن آ/هتون شعيب برضه كويسه شرحها حلو وبسسس ^^ افضضل ملخصات :: امممم عن نفسي الدوري الاول آستخدمت ملخصين بس أ/جمال السعدي قرأته قرآءه اسلوبه حلو وشرحه حلو أ/طلعت سالم آستفدت كثيررر من حلول السكآشن حقته الدوري الثاني ,, الحمدلله بعد ماغيرت آستاذتي وصرت عن آ/غادة مطر آستغنيت عن كل الملخصات صرت بس آمسك طلعت سالم استفيد من السكآشن بس لانها مرآ مهمممه زي ماقلت فوق ,, ولقيت الافكار كلها بالسكشنز أ/جمال السعدي اللي استاذوآ مآيشررح يشتري ملخصه لانوا امله الوحيد ويرجع لطلعت سالم يمسك السكشنزز والافكار اللي هنااك , / وكذا خلصنا المآث وخلصنآ خطه أ كلهآ آي آستفسآآآر آنآ بالخدمه ^^ لعيونكم آنآ < آوت انااا ماخلصصصت بليييز لاتردون

[мαѕooяy]

STEP 2 plan B~ آو ( خطه ب ::- 3 موآد بس ,, (كيميآء - آحيآء - آحصآء) نبدآ بالاسهل , آو الأخف في المذاكره المادة الاولى :: مادهـ الأحيآء (BIOLOGY) محتوى الكتاب ,, السنه الي راحت اخذنا تقريبا ً 25 شابترز في اشياااء كثيررره آخذنآهآآ الجهاز الهضمي - التنفسي- الدوره الدمويه ووووالخ الخ طريقة مذاكره المادة :: المادة بالطبع دسسمه لكن همآ خفففوهآ انوا حنذاكر بس التست بآنكـ , في موقع ينزل التست بآنك الخاص بالاحياء + سلايدآت اللي يشرحوآ عليهآ الاساتذه تآكدوا تآكدوآ آنوآ التست بآنكـ آجدد شيء .. كل ترم ممكن يتغير اشياء بسيطه حاولوآ تنزلوا احدث شيء , , التست بانكـ عباره عن اسئلة وتحتهآ يمكن 4 او خمسه اجوبه اختياريه بعدها يحطلك ايش الجواب الصحيح زي كانوا ورقة اختبار معكـ’ التست بانك ..مقسم الى 3 تست بآنكز التست البانك الواحد مقسم الى 3 آجزآء (1) جزء الرسمآت كلوآ عبآره عن رسمآت وعليها بيانات .. بالاختبار تيجي رسمتين .. او ثلاثه تقريبا ً ,, يشييل واحد من البيانات ويقول ايش هوآ ^^ بس (2) الجزء الدسم كلوآ آسئلة كآآآمله عن الشابترز أسئلة من الشرح آسسئله من الكتاب وكلها عباره عن اختيارات ..,تقريبا 4 اختيارات ووحده منها صحيحة (3)جزء الاسئلة المقلوبه هآدي عبآره عن آسئلة مقااليه كلهآ آسئئله بسس بدون اجوبه, وتحتهآ رقم الصفحة اللي فيهآ الجوآب رح تلقون الجواب بالكتآب لكن بالمقلوب ^^ ,, في الاختبار مارح يجيي بشكل مقالي بالطبع بالعكس ,, على شكل اختياري يعني نفسس الاجوبه الكلامية يجيبوها على طريقة اختياري ,, يعني لازم تفهموها تماام طريقة المذاكره ,, حآولوآ تآخذوآ كل خميس وجمعه على الاقل ساعتين تلاته تحاولو تحفظوآ فيهآ التست بآنكـ , هوآ عبآره عن حفظ ×حفظ طبعآ لمن تحفظوآ الاسئله حآولوآ تفهموآ السؤال عن ايش يتكلم ممكن مآتفهمووآ بفهم 100% لان هالشيء مآهو مهم لكن آفهمووآ بطريقة تتذكروها وقت الاختبار طريقة توزيع الدرجات والاختبارات :: الدوري الاول 30 درجة و30 سؤال ورح يكون في التست بآنكـ 1 فقط الدوري الثاني 30درجة و30 سؤال ورح يكون في التست بآنكـ 2 فقط الاختبار النهائي 40 درجة و40 سؤال ورح يكون من اول تست بانك الى آخر تست بآنكـ الاحياء مآفيهآ بونص نهآئيا ً المادة مجرد حفظ ,, وآحيآأنا ًللي يبغى يفهم يقرأ السلايدات اللي موجوده في نفس الموقع حق التست بآنكـ افضل الاساتذه :: أ/ حنان شاذلي أ/ عواطف محمد ^ تجنن هالاستاذه تفهم + كآنهم في فيلم كوميدي معهآ آسلوبهآ بالشرح جدآ ً رآآآئعه BrB ~ ابي اكمممل بليز لاحد يررد

[мαѕooяy]

المآدهـ الثانيه :: الأحصآء ,, (statistic) مآده سهللله لآ حد يقلكم غير دآ الكلام, مآتحتآج ملخصآت .. الفائدهـ كلهآآ تعتمد على شيئين (الكتآآآآآآآب + شرح الاستاذ) الكتآب شارح كل شيء بالتفصيل وفييه تمآرررين كثيررره محتوى الكتاب :: الكتاب آخذنآ منه 7 شابترز رح آتكلم عن باختصار اول شابتر يعتبر حفظ انواع الاحصاء وانواع البيانات وانواع الدراسات اللي نستخدمها في الاحصاء تاني شابتر يتكلم عن انواع القرافات وعن طريقة توزيع البيانات في القراف ورح تاخدوا طريقة ايجاد الوسيط والمتوسط الحسابي.. كمان رح تآخدوا شابتر 4+5 الاحتمالات بششتى انواعها شابتر سته رح تدرسوا فييه توووزيع البيااانااات فييي فكرتين بذا الشابتر لو فهمتوها انتهى امره طريقة مذاكرة الاحصاء : الاحصاء مادة سهله وزيها زي غيرهآ تحتاج لمدررس ممتاز وليسس ملخصصص الملخصات مآتفيد بمآدة الاحصاء لا بالشرح في اشياء كثيررره يبيلها تركيز في طريقة حل المسائل طبعا بعد كل شابتر حتلاقوا في اسئلة تمارين حلوهااا حلوهااا حلووهاا والله رح تفييييد كثيرررر بالاختبارات وغير الاختبارات السنوات الماضيه رح تفيييد كثيرررر طريقة توزيع الدرجات والاختبارات: الدوري الاول 30 درجة - 45 سؤال والطريقة انوا كل سؤال رح يكون عليه .66 مو درجه كآمله يعني كل 3 اسئلة بـ (درجتين الدوري الثاني 30درجة-30 سؤال الاختبار النهائي - 40درجة -40 سؤال افضل اساتذة :: أ/ سماح السندي<ممتآآآآآزه أ/ ريم الحربي<يارب تطلع على حظكم أ/شفياء < اتوقع كدآ , عااوزه آكمممل لوسمحتووا ماحدش يررد < تسمع باللهجة المصريه

[мαѕooяy]

المادة الثالثه :: مآدة الكيميـآء,, (chemstry) المادة دسسسمه جدا ً لكنها سهله ويبيلها وقت في المذآآكره محتوى الكتاب :: اممم لمن اخذتوا كان معنا 15 شابترز < يااليييل بس يتكلم عن اشياء كتييييره جزء عن تحويل الوحدات زيها زي اول شابتر الفيزياء تقريبا بعد كدا يجيي العناصر والمركبات والمخاليط وبعض رموز العناصر والمركبات والعدد الذري ومدري ايش وتيجيي طريقة تسمية المركبات < يبيلها مهاره ^^ المولارييه (تركيز وتخفيف المحاليل) .., قوانين سهله رح يجيي قوانييين الغازات بعد سهله بويل ودالتون وووالخ بعد كدا شابتر 7و8و9 يبيييله تركيز تماااام التمااام رح يتكلموا عن كل شيء في الالكترونات, بعد كدا تاخدوا الاتزان الكيميائي , والعوامل المؤثره فيه , واخر شيء رح تآخذوه العضويه سهله جدا وتحتاج لحفظ شويه طريقة مذاكرة الكيمياء:: الكيميياء متله متل الماث والفيزياء اذا ماتدربتوا على تمارين كآنكم مآسويتوآ شيء رح يكون محدد بعض الاسئلة اللي تكون معكم في الشآبترز حلوهآ بيدكم خذوآ آفكآر الاختبارات رح تكون مقالية و مسآآئل ,, لازم تفهموآ + تحفظوآ + تحلوآ بيدكم كل فتره بعد كل شابتر شابترين الاساتذة تنزل تست بآنكـز في مكتبة خوارزم بنفس الجامعه خدوها كلهآآآ من كل الاساتذه اللي تعرفوهآ واللي لآ وبنفس الوقت اسئلة السنوات الماضيه ,, حلوها بيدكم , وفي كمآن آ/فاطمه محجوب اذا للحين تدرس تعرفوآ على بنات من عندها لانها تعطي بناتها فقط اسئلة زي التست بآنك جداااااااااااااا مهمه وكمآن في موقع أ/ أكرام دآنش http://eydanish.kau.edu.sa/Default.a...0002173&lng=AR في اشياء رح تفيدكم كثيررر متل مافادتني وكمان ,, موقع استاذ اسلام<على ماذكر كدا اسمه بنفس الموقع فيي اسئئئلة كثيررررره همآ يجيبوآ اسئلة الاختبارات منه وبسس على قد مآـتحلوآ تمآرين على قد مآآآتآخدوآ درجآت ,, طبعا اهم شيء يكون بفهممم , طريقة توزيع الاختبارات والدرجات :: زيهآ زي آي مآده 30-30-40 , افضل آسآتذه ::: الكيميآء متل الفيزو متل الماث متل الاحصاء تبي اساتذه تمام التمام أ/ الهام بآإآإآإعيسى<توب بالنسبة ليآ, أ/اكرام دآنش كوويسه كمآآن, أ/سحر البيان .. ماشاء الله عليهآ تشرح بالمنتدى ولا احلى , وبكذآ خلصنآ الخطتين ,, تآبعوني بالملفآت ..bRb لاااحد يرررد نااو^^

[мαѕooяy]

BACK ~ STEP 3 ~ FILES بالملفات نمآآآذج آختبارات فقط ,+ تست بآنكآت (آول 3 ملفات لخطه أ) فيزياء + رياضيات + حاسب + اتصال والملف الرابع لخطه ب (كيمياء+ احصاء) , حطيت بسسس نماذج لانواا الملخصااات مادري يمكن تنفعكم ويمكن لا ,, cOlLection~masoory~1.rar http://www.mediafire.com/?m856pk5b5580m09 cOlLection~masoory~2.rar http://www.mediafire.com/?wa8bzyzyf2rqszy cOlLection~masoory~3.rar http://www.mediafire.com/?eii8r3ec7c6eh22 collection plan b.rar http://www.mediafire.com/?s7bnlh89eurv2av لاااحد يرد ماااكممملت :P

[мαѕooяy]

وبكذاااا خلصصصصت اخيرا ً ججنننتكم خخخخ طولت عليكم ,, بالكلام آتمنى تستفيدوآ من كل كلمة قلتهآ , حبيت آطلع الموضوع بشكل آحلى , لكن للأسف مآعندي وقت, آتمنى تتقبلوهـ متل مآهوآ , , آخيرا ً ,, آختصرت هنآ مشوآري طول السنه الكاملة , تعرفت على مجموعه حلوه السنه اللي راحت والسنه هآدي مجموعه احلى واحلى تمنيت اكمل معكم باقي الترم لكن خلاص كلها اسبوع اسبوعين حروح لتخصصي , حاولت اكون متل اخت للجميع , حبيت اني اساعد اي احد يحتاج مساعدة , في ناس حبوني ,, وفي نآس للأسف كرهوني وطلعواآ كلام عليآ آني شايفه حالي ومدري ايش ,, ونفسهم يحذفوني من المنتدى خخخخخ لكن الحمدلله انا متل ما انا من زمان مسوري يعني مسوري < غصب خخخخ ,,... والله رح توحشوني كتيرر{... المنتدى غالي على قلبي وهالقسسم آكتر شيء , .... بسسس ابي منكمممم تدعووولي بالتوفييق لا اكثرررر ,, وتتذكروني بالخير فقط !! كلمة لكم من القلب ::: مسورري ,,mesoo~~] وآي آي آستفسار عن آي مآآآده آسدحووه هنآآ , خخخخ حرد علييه باسرع وووقت << عمو قوقل على غفله خخخ ^ اشتقت للفوتووشوب من يوم التحضيري مالمسته < ياعيني عالادب THE END ~MASOORY