جدولي محتاج مساعدة

[طآلبهـ جآمـع ــيـة]

فروتا
الأحوال حلو مع د.فاطمة الجلسي .. أنا الترم اللي فات كنت معاها
أحس إني كنت مرتاحة معاها أحسن من بنات د.سوسن ع حسب ما حكوني

ونصيحة خذي الدستوري بدل الثقافة
الثقافة3 حتحتآجيها قدام مع مواد دسمة أكثر
الدستوري مرآآآ حلو مع د. اكرام .. ذاكري اللي ف العرض حتى لو مش موجود ف الكتاب

أصول1 مرآآآآآ حلوووو ومريح مع د.سوسن .. تختصر كثير وأسئلتها سهلة بس يبغالك تركزي لما تجاوبي^^

دستوري ، أحوال ، أصول ، تجاري ، مبادئ ، عربي
حلو مرآ .. الأحوال ، والعربي ، والأصول لو مع د.سوسن مرا المواد ذي تعتبر حلوة وخفيفة مقابل المواد الثانية الحلوة كمان بس يبغالها مجهود آكبر =)

بالتوفيق يا سكرة

[طآلبهـ جآمـع ــيـة]

المشاركة الأصلية كتبت بواسطة دنيا ملونة السلام عليكم ياريت تساعدوني مرة محتارة في الجدول الترم اللي فات كنت ماخدة مبادئ/اصول/ احوال/ تجاري/ ثقافة٢/ عربي هذا الترم دستوري/ اداري/ جنائي عام/ مواريث/ ثقافة٣/ مصادر هل المواد دسمة ؟ ولا ينقدر عليها ؟ مو احسن ابدل الجنائي او الدستوري باصول 2 لو لقيت مازن ؟ ياريت تفيدوني بخبرتكم .. و بآفضل الدكاترة للمواد

وعليكم السلام
مثلي ^^

بس أنا أخذت الدستوري الترم الأول بدل ثقافة 2
وهالترم حآخذ ثقافة 2 ان شاء الله
والأصول 2 لو نازلة مع مازن أفضل خذيها << بس ما أعتقد لأن مافي شعب للمادة نازلة بمنى 9 :(

بدلي المواريث بمادة حرة أعتقد أفضل ، تخففي شويا عليكِ

[بليغ حمدي]

طيب سؤال ياجماعة واسمحيلي احطه في موضوعك
الترم هذا حأخذ جنائي عام إن شاءالله
و أفكر اتهور وأخذه مع ليندا لاني عرفت عن أسلوب دكتورة ماجدة و عارفه إني حأرسب لو اخذته عندها :s
إشرايكم أكمل في جناني و اخذه مع دكتورة ليندا ولا اخذه مع دكتورة ماجدة ؟؟
هو في كل الحالات انا عارفة اني بجيب العيد في المادة ذي
بس ابغى اللي حتخليني أعيد أقل

[violllet]

بليغ حمدي .. خذيها مع اللي تشوفيه مناسب لك سواء مع د.ماجده أو ليندا
و أسلوب د.ماجده كثير من أستاذاتنا العزيزات يتبعوه من حيث الشرح و التصحيح

موفقه

[دنيا ملونة]

يا جماعة اللي اخذ موادي اللي كاتبتها.. يقولي هل هي دسمة مع بعض ولا؟

ياريت تفيدوني

[بليغ حمدي]

خخ تصدقين جدولك نفس جدولي

سؤال يابنات انا مكتوبلي مستجد و لازم اختار التخصص من الرابط اللي على اليمين على قولهم
وماني لاقيه اي رابط

مع العلم إني لمن حولت من انتساب لانتظام الترم اللي فات قالولي انهم قبلوني أنظمة و نزلت جدولي في نفس اليوم
بس الاوديس لسه مانزل غير إني مستجدة
كيف أتخصص؟؟

[سكووت]

شوفي انا جدولي كان دستوري احوال جنائي عام مصادر ثقافة4 و تجاري ..
صراحة كان جدا ضغط ومتعب بالنسبة ليا لانو الجنائي اخد مني مجهود كبير و جبت العيييد بالدوري الاول لكن بالدوري التاني لمن البنات عرفو اسلوب د-ماجدة و طريقتها ارتفعت الدرجات الحمدلله ..في الاسألة تعتبر ليندا ارحم شويا لاني جربت معاها مبادئ قانون لكن شرح ليندا ممم ملل و غثيث ..ماجدة مرررررة دقيقة و الصح و الخطأ بلف ودوران و دقيقة في المقالي بشكل كبير لدرجة انو انخسفت بقوة بالدوري الاول..لكن حبوبة و تقرا و تشرح و تاخد وتدي وتناقش وتسأل ..يعني لو عاد بي الزمن مرة اخرى لأخترت ماجدة مرة اخرى خخخ ..
الاداري و الدستوري تقريبا في تشابه ..لو حتاخدي مع اكرام ركزي عالبوربوينت و اعملي لها بحث على قد وقدود ..
نصيحة لا تاخدي مع سوسن احوال ابدا وبتاتا البتة ..
لكن اقدر اقولك ان جدولك يب دسم فلو تبدلي الجنائي العام بمادة تانية يكون افضل من وجهة نظري ..

دحين سؤالي هع : انتي قلتي من تجربتك انو سوسن كان جيدة بأصول 1 ؟؟كيف طريقة اسالتها ؟
و اللي ماسكة المادة من لاستاذات بس سوسن مافي احد غيرها ؟؟

[nova09]

أولا / أحوال _ انا أخدت مع سوسن المعلمي وصراحة مرة كانت كويسة، تحب لمن تروحيلها كم مرة المكتب تسأليها فتحطك في بالها وتساعدك .. والحمدلله علامتي معاها كويسة.

مواريث : خدي مع الهام باجنيد.. صراحة مررة تفهم المادة ومرة طيبة لا تسمعي كلام البنات
أصول2: مازن بخاري بلا نقاش
بالنسبة للجنائي :
التشابهات بين ليندا وماجدة: كلاهما يشرحوا من الكتاب وهما جالسين.
الاختلافات:
ليندا: أسئلتها أسهل من ماجدة.. وليندا تليس عباية .. وحاضرتها تقيلة شوية ومملة
ماجدة: كتير بنات متعقدين من أسئلتها... ما تلبس عباية وفرفوشة شوية
(أنا أخدت مبادئ مع ماجدة وكانت كويسة.. أما ليندا اخدت معاها جنائي وصراحة أسئلتها مرة سهلة)

وبالنسبة للاداري :صباح بلا منازع
الدستوري: أنا اخدتو مع صباح فما أدري عن اكرام ماجربتها لسى

والله يوفق الجميع