ليندا جنائي ... أو ... سوسن اصول فقه !!!!! <<<<< ساعدوني

[سكووت]

شوفي ..ماجدة طيوبة وتحب برضو اللي يفهم ويناقش ويعلق .وتسأل بداية كل محاضرة يعني لازم لازم لازم تذاكري اول بأول سواء مع ليندا او ماجدة المادة دسمة ومحتاجة تركيز ..
ماجدة تجيب صح وخطأ تقريبا اذا ماخنتني الذاكرة 5 او 6,والباقي كلو مقالي .لازم المقالي بالتفصييل و احفظي المصطلحات الجنائي المهمة و المتكررة لانو على قولتها افردي عضلاتكـ بالورق ..يعني حفظي وافهمي واكتبي كل شي ..تصحيحها جداااا دقيق دقيق دقيق بالمقالي ..انا عادة اكتب الزبدة بالمقالي لكن يوم شفت تصحيحها بالدوري الاول جتني صدمة و عرفت اسلوبها و حضرت للدوري التاني اول بأول والحمدلله جبت درجة حلوة ..و تطلب تكليف سهل 5 جرايم تحلليها وحتقولكم كيف ..
ليندا شرحها يطفش و يعل و يغث اخدت معاها مبادئ قانون قبل 3 سمسترات مدري لو تغير الاسلوب و تطلب منك بحث و لكن انا و اغلب البنات لو تدوري بالمواضيع يعتبرون اسأله ليندا اسهل نسبيا من ماجدة ..
وبما انو ليندا من اللي يتصفحون المنتدى دايما فاتوقع حتشوف كلامي دا وتصعب الاسألة خخخخخ من جد
عموما بعد الفلسفة دي كلها خليكي عند ماجدة وشدي حيلك اول بأول بدل ماتنغثي من ليندا
بالمناسبة درجتي مع ليندا كانت 83 لانو خبصت بالدوري الاول لكن في بنات كتير جابو فل مارك بالدوريات معاها ..

[وبل السحاب’’]

صراحه انصحك تاخذي اصول مع سوسن
الدكتورة ماشاء الله عليها مايحتاج
وانت تقولي انك جربتيها يعني اكييد شفتي كيف طريقتها
ما تثقل على الطالبة بتطاليف وما تدقق كثير على الحضور والغياب
وكمان اسئلتها ماااااااااااااااااااااااااااااااااااااااره سهله صح انه عليها درجات كثير بس الاسئلة تعتبر تافهه
الواحد يقول اللي له واللي عليه حتى يوم النهائي حرام الاسئله كانت سهله عن نفسي انا حضرت الاختبار متاخره وحليتها في ربع ساعه
صراحه اشوف الدكتورة مااره ماقصرت لا في اسئلة ولا في شرح
وانصحك تاخذي معاها

[طآلبهـ جآمـع ــيـة]

شوفي ياحلوة
الأصول مرآآآآ حلو مع د. سوسن

والله المادة مرآ كلامها كثير
ومع د. سوسن حتتبسطي لأنها تختصر كثير
والأسئلة وااااضحة وما تحب تدخل ف العميق
صح الأسئلة سهلة بس قليلة .. يعني على فقرة مرة صغيرة تكون درجة كاملة أو درجتين
بس طالما انتي مذاكرة محيضرك ان شاء الله
أفضل لك أصول مع د.سوسن
موفقة


سكوت وكل اللي جربوا د.ماجدة
حيرتونا نبقى على ماجدة ولانحول ع ليندا !
سكوت .. أخذتي مع د. ماجدة جنائي ؟ كيف درجات البنات معاها ؟ تطلب بحث ؟
أسئلتها تعتبر سهلة للي يذاكر كل محاضرة؟
يعني ان شاء الله لو الواحد آخذ جنائي مع د. ماجدة يجيب a+ < أزمة

أفتونا
أحس ترددت أبقى عند د.ماجدة ولا أحول على د. ليندا ؟

[سكووت]

مو انا قلت بالاخير نصيحة خليكي مع ماجدة ,تطلب تحليل 5 جرايم ..مرة سهل التكليف ..
اذا ذاكرتي و حفظتي وفهمتي اول بأول تجيبي a بلس ..لكن افردي عضلاتك بالمقاالي ..لانو دقيقة جدا بالتصحيح ..
درجات البنات الدوري الاول كانت في الاغلب مو حلوة ..لكن الدوري التاني عشان فهموا للدكتورة طلعت الدرجات جيدة مرة ..

[طآلبهـ جآمـع ــيـة]

^
جزاكِ الله خير

ايوا لأنو أعرف وحدة الترم اللي فات أخذت مع د.ماجدة مبادئ وطلبت منهم بحث
فقلت يمكن مؤخرا صارت تطلب بحوث

الله يعين

[سكووت]

^^
دقيقة دقيقة !!انتي يبدو انك تتكلمي عن مبادئ قانون ؟ شوفي ماجدة في مبادئ قانون تطلب بحث ..
لكـن جنائي عام تطلب 5 جرايم .. لكن ترا على ماسمعت انها مو جيدة بمبادئ قانون بقدر جودتها و تمكنها من جنائي والله اعلم ..