غدا تبدا محاضرات كيمياء 110

[دوده يناسو]

خسارة مررة كان نفسي اكون معاكي انا حكون مع استاذه الهام اعظم
يارب تكون كويسه

[Dr.lola]

الله يسعدك يا دكتورة ليلي ياليت كل الدكتورات زيك في طيبتك
كنت اتمنى اني اكون معاكي وكنت ادعلي اني اكون معاكي بس للاسف
انا عند ثناء ابراهيم والله مرة حبيتك من اسلوبك
لو اقدر احضر عندك حتى لو ما تغيرت الشعبة اكوووووون ممتنة لكي
والله نفسيتي مرة تعبانة لانو انا كانت مدرستي في الثانوي ما تعرف تشرح مدري كيف نجحت في الكيمو
الله يستر بس

[سحر البيان]

المشاركة الأصلية كتبت بواسطة عـآزفـ الكيـبورد ـة نصيـــحة للبنوتات الحلوات هنا ,, من واقع تجربتي وخبرتي انا ودفعتي ,,<< ينقال عنها متخرجه هي ونصايحها هههههه الحكم المسبق على الاستاذة او الدكتورة يؤثر نفسيآآآ بصورة سلبية عالطالبة سواء الدكتورة شرحها ممتاز او لا ,, لانو يعود التواكل او اليأس ,, حبيباتي جربنا دكاترة كثير ,, وسمعنا احكام مسبقة كثير بس بالنهاية يبقى انتي كيف تفهمي عالدكتورة ,, يعني الاحكام تعتمد من السمعة على الفروق الفردية للطالبات ,, يعني يمكن الدكتورة السيئة على قولة البنات تشوفيها كويسة او العكس ,, لانه انتي بتفهمي عليها مزبوط وتتوافق مع طريقتك بالفهم او لا ,,, باختصار لو في دكتورة سيئة ما كانت وصلت للي وصلته ,, انا معاكم انو الدكاترة يختلفو بالاسلوب ,, وفي دكاترة عمرهم ما يتغيرو ,, وفي دكاترة مو ذاك الشي يوصلو المعلومة ,, بس احنا لازم نتكيف مع كل الاوضاع اللي بننحط فيها ,, ولا اوصيكم كثرو من الاسئلة للدكتورة اللي تحسوها شوية ما توصل المعلومة ,, عشان هي تعرف انو المعلومة ما وصلتكم ,, وابدآآ لا نيأس ولا نزعل لانو هذا الشي مارح يفيدنا ,, بيظل املنا بالله كبير ,, واكيد لو نقدر نغير الكلاسات او نحضر مع اللي نبغى بالاضافي نحضر ’’ من باب المنطق نتخذ كل الاجراءات الاحتياطية اللازمة ,, لكن لو ما بيدنا شي ,, خلص مو نهاية العالم ,, موفقات خياتو ,, والله يوفقكم ويسهللك كل اللي نفسكم فيه ,, اللهم آآآمين ,,

أولاشكرا كتبتي كلام كان نفسي أقوله ...

ثانيا كل الدكاتره طيبين ونفسهم يوصلوا المعلومه بأي طريقة ....

و الدكاتره السيئين معدوددين أو قلة .....

و كمان لازم تحطوا في بالكم أن دكتور الجامعه مو مدرس هو عنده أبحاث و أعمال ثانيه لازم يعملها ..

و اشيئ الاهم لازم تعرفوا أنه كل دكتور أو دكتوره لها أسلوبها اللي ممكن يناسبك و مايناسب غيرك ...
أتذكر لما كنت قدكم كان عندنا دكتورة كيمياء تحليلة كنت أحبها و أحسها ممتاز و مره و أنا مع صحباتي فاجأوني أنه شرحها ما يعجبهم ...

و مره كان عندنا دكتور ممتاز و هو ممكن يكون مثلي الاعلى في التدرس لكن بالرغم من كذا كن في نقطة ما كنت أحبها فيه أنه شرحه عائم يعني ما كنت أعرف في أي نقطه احنا .... لكنه بصفه عامه من القلائل اللي كانوا يشرحوه بهذه الطريقة ...

لكن لا تنسوا أنه أنتوا كمان لكم دور ... و شبهته بالبلوتوث زي ما في الجوال لو فتحتي البلوتوث تقدري تستقبلي رسئل نفس الشئ المعلومات .....

في بنات بعيني أشوفهم .... جايين يضحكوا و يلعبوا ..... أو تحس كل عضلة في وجهم تقول لك أني ما أبغى أفهم

و للاسف حتى هنا أنا لاحظت عدة أشياء ....

لو قريتي المواضيع راح تلاقي موضوعين بنفس المضمون بس العنوان غير

100 موضوع نفس الاستفسار

قبل الاختبار بيوم كنت ألاقي ناس دوبها تسأل ايش المنهج ...... الخ

في الوقت هذا المفروض تكون هي بتراجع و قاعده تتدرب على حل الاسئلة ,,,,

بعدين على فكره الدعايه اطيبه تضايق زي الدعايه السيئة ....

بالنسبة لي صرت أخاف بعد هذه الدعايه الاقكيم فاتحين مواضيع شتم فيا هههههههههه

المهم يمكن قريب أفتح موضوع شرح باب بباب ..... ان شاء الله يكون مفيد

بالنسبه للبنات اللي يبغوا يحولوا عندي ترا الموضوع صعب و محرج ....

العدد كبير و راح يتضرروا بنت الشعبه لانه أكيد العدد الكبير يأثر في الفهم....

نصيحة كل واحده تحضر في شعبتها ....

و اذا لقيت موضوع مره صعب و مافهمت من شرحي هنا و لا من استاذتها تحضر كلاس مع اي دكتوره تفهم ...

أصلا لازم تتعودوا على كذه لانه بعد كذا راح يصير عنكم مواد بشعبه واحده و مايعطيها الا دكتور معين يعني لازم تعتمدوا على نفسكم ...

بالتوفيق

[بنووتة كيوت]

حبيت اشكرك يادكتورة على الشرح اللي اول شرحتية ..


اول محاضرة دخلت وانا مرررة فاهمة ..


مررة مشكورة الفضل يرجع للة ثم لك يَ دكتورة ..


الله يعطيك العافية ~

[سحر البيان]

المشاركة الأصلية كتبت بواسطة جآمعيـهَ د.ليلي اليوم حضرنا عشان الكيمياء نحنا مع استاذه الهام باعيسى .. وجاتنا استاذه وبلغتنا انو التحضيري مافي دراسه هذا الاسبوع .. هل هادا الكلام صحيح . حرام نروح الجامعه وماناخد شي ..

اللي أعرفه أنهم قالوا أننا راح نبدأ من هذا الاسبوع ...

و أنا الصراحه أعطيت محاضره ...

الافضل أنك تراسلي دكتورتم يمكن تفيدك

بالتوفيق

[سحر البيان]

المشاركة الأصلية كتبت بواسطة بنووتة كيوت حبيت اشكرك يادكتورة على الشرح اللي اول شرحتية .. اول محاضرة دخلت وانا مرررة فاهمة .. مررة مشكورة الفضل يرجع للة ثم لك يَ دكتورة .. الله يعطيك العافية ~

الحمدلله ..... ان شاء الله لما أكتب الموضوع الجديد راح تحسي فعلا أن المواضيع سهلة

بالتوفيق

[bayan sait]

منجد الحكم السابق يأثر كتير في الفهم و كمان كل وحده تحتاج طريقه غير في الشرح عشان تفهم , صحباتي اللي كانو خطة ب كانو يقولولي حاولي الترم الجاي تكوني عند د. اكرام و انها مررره تفهم و من دا الكلام و بعدين لمن نزلت الشعب و لقيت اني عند الدكتورة ليلى وكنت عارفة انها مررره كويسة بس كلام صحباتي اثر فيا عشان كدة نزلت موضوع في المنتدى د. ليلى و لا د. اكرام , حضرت محاضرتي الأولى مع الدكتورة ليلى ومرره حسيت نفسي اكترررر من اني فهمت ماشالله عليها و بعدين كان في محاضرة مع د. اكرام فحضرت مع صحبتي , كانت الدكتوره كويسه و تفهم برضو بس طريقتها ما ناسبتني يعني كانت تتكلم بشكل ابطأ من الدكتوره ليلى و صوتها اوطى و ما حسيت انو مكاني هنا ابداً فالحمدلله أنا عند الدكتورة ليلى

[مـــلآك]

لو نزلتي كل باب يكون مراااا شي مفيد الله يديك العافيه
ننتظـــــــــر =)

[دوده يناسو]

دكتورة ليلى حبيت استفسرمنك
لبنات الادارة والاقتصاد الي منهجهم مخفف وياخدو كيما 110
بس في شعبه وحده الي هيا ia
ولا في شعب ثانيه انتي تدرسيها عشان اذافي ابا احول

[بسمة تشرين]

بنات بصراحة اقولكم هي الكيميا احلى مادة في ب نفسي ارجع ب وادرسها تاني خخخخخخ لو كنت ادري انه هذا شعوري كنت رسبت نفسي
عموما ركزوا مافي شيء جديد كله حق الثانوي وببساطة كيف يعني الثانوي مبسط ممتع ذاكروا اول باول
ركزوا في المحاضرات وتابعوا موضوع الدكتورة وشاركوا معها مره ترى شيء يفتح العقل للكيميا
الله يوفقكم ويكتب لكم الــ a +