دعوة لبنات سكن الكلية وليس سكن الجامعة في السليمانية

[طالبة حظها منسدح]

أول شئ لازم الكل يفرق بين (سكن الكلية) و(سكن الجامعه)
-سكن الكلية هو خاص بالسلامة والشرفية والفيصلية .
-اما سكن الجامعة الرئيسي الموجود في السليمانية .
----------------------------------------------
واللي أبي أتكلم عنة هو سكن الكلية الفرع الموجود بحي الربوهأنا ابغى كل بنت تكتب كل شئ عن هذا السكن وبدون خوف أنا عن نفسي مني خايفه إلا من ربي
لان الظلم شئ ماينسكت عنة والذنب مو ذنب الحكومه بل ذنب الادارة والفساد.
رح اقولكم كل شئ وانا أقسم بالله رح أكتب كل شئ حقيقي وبدون تأليف .

رح أقولكم الادارة الجشعة اللي تمتص مكافأتنا ... رح تقولولي كيف؟؟!!!
أول شئ الاكل ممنوع نطلب من برا ... الا عن طريقهم ..كيف! يتعاقدوا مع مطاعم محدوده مثل هرفي والبيك ومطعم المشويات فقط لاغير.. شركات المطاعم تعطيهم نسبة عالية على الطلبات, تسويق ناجح (اعطيني نسبة وانا أجيبلك في اليوم 300 طلب أقل شئ)
يعني وحدة تهف نفسها على فول أو أي أكل ولا تحلم يالبيك ياهرفي وكلي تبن
طيب رح تقولولي معقول ماعندنا جوا السكن مطعم إلا فيه بس شكل بدون طعم زي الاكل اللي في السجون بزلاء ورز أشك أنه رز والمعكرونة تاكلها ونت ساد خشمك وخبيرة التغذية بس تلف على الاكل تقلبة بالملاس (الملعقة الكبيرة) وتقلب يعنني خبيرة تغذية كلنا نعرف نقلب ماجبتي شئ جديد.
وكاتبين جدول عن المأكولات السبت دجاج على الطريقة المكسيكية الاحد دجاج على طريقة أهل الريف
الاثنين دجاج بصلصة ألفريدو (وقسم بالله الدجاجه فيسها هو هو ... يعني صدقني يعني)

... تخيلوا الطبخ كمان ممنوع واي وحدة تدخل دافور كهربائي اللي على الكهرب حق الشاي والقهوة ممنوع ولما سألناهم ليش ممنوع قالوا : يسبب حرايق .. اوكي ليش بنات الجامعة حق السليمانية عندهم فرن و بتغاز؟؟!! ولا ناس عن ناس تفرق ... تعرفوا ليش علشان نشتري من الاكل حقهم ونطلب من المطعم علشان مايخسروا ..
تخيلوا من يومين فتحوا كوفي عندنا بالسكن ... وألغوا الطلبات من المطاعم الخارجية زي أول ..لما سألنا ليش كيذا؟ الاخت اللي سوت الكوفي اللي تتكسب في ظهرنا تقول تبغا ترد الخساير اللي خسرتها في الكوفي وتقول تبغوني أسمح بالطلبات من برا وانا خاسرة 100000ألف ريال في الكوفي ...الله لايوفقها حتى الوجبة رز وبامية وسلطه مافي أي عنصر لحم ...أكيد لو حطت لحم رح تزيد التكلفة عليها الوجبة هاذي ب 15 ريال يعني 15X30=450 حقت وجبة غداء فقط أسألكم بالله مش ظلم ؟ وش بقى من المكافئة .. واللي أصلا ماعنده مكافأة كيف يعيش ولا وين يروح
كلة كوم والسجن اللي عايشين فية كوم ثاني ... تخيلوا لما تجي الساعه 12 باليل ممنوع أي طالبة تتمشى في الحوش .. في الحوش حتى الهوا اللي نشمة يتحكمون فية متى تشمينة ... ولما تجي الساعه 12 بالليل العمارة تتقفل بسلاسل حديد وقفل ... لاحظوا معاى أيش سوينا في حياتنا علشان نتعامل زي المساجين ذنبنا الوحيد إنا طالبات علم معقول الملك عبدالله مايعرف اللي يصير في بناتة اللي هما أحنا "أتمنى صوتي يوصلة "

الواجهه


الحمام الله يكرمك والله منحرجه أحطلكم هذا الصورة بس أبي الناس اللي ماعندها دم تحس




شوفوا الثلاجة كل السكن قاط فيها والمايكرويف شئ تاااااااااني







نرجع للحمام




واللي عنده صور يضيفها

وهذي صورة عمارتنا لما يقفلوها علينا بالسلاسل تخيلي أهلك يقفلوا عليك البيت بسلاسل كيف رح تكون نفسيتك فما بالك لما يكونوا أشخاص غريبين ماتعرفينهم

[عمر الجفا مآكسرني]

حسبي الله عليهم ونعم الوكيل

[Kapitano]

والله ( فضيحة ) !!!
لا تعليق .

[x( ...~]

حسبي الله ونعم الوكيل فيهم

حتى مفاتيح للغرف ماأعطونا وسمحولنا بس نحط زرفونه من برا اللي ممكن اي شخص يفكها بسهوله لاواللي يقهر اكثر المشرفات لما يجوا يدقوا الباب علشان يتأكدوا من الطالبات بس يدقوا مره وعلى طول يفتحوا لدرجة مره فتحوا على وحده الباب وهي تغير المسكينه قامت تخبت ورا الستاره والله عيب ( ناس مريضين من جد )
وكله كوم واكل الكافتيريا الجديده كوم تاني دخلت اشوفه ياناس سئ جداً تخيلوا رز ابيض ناصع (هع تايد) وإيدام باميه وسلطه بـ15 ريال حتى عصير مافي ولا حلا بس دول التلاته لالالا وعلى ذلك ناويين يقطعوا عننا مطعم الخليج بحجة انه خلاص الكافتيريا اكلها يكفيوالقهر في كتير بنات أهلهم يجيبولهم العشاء بس مايدخلوه بحجة انه بعد الساعه 10 ممنوع يدخل اي شئ
طيب ليـــــــــــــــــــــــــه ماأدري!؟

تخيلوا لدرجة يخلوا الاكل برا في غرفة الحارس يعفن بس لايدخل للبنت (وجع في شكلهم)

بس كل هدا يهون الشئ اللي من جد يقهر لما البنت تتعب بآخر الليل يخلوها ولا يفكروا يودوها المستشفى وإدا اتصلوا البنات على الإسعاف قاموا خاصموهم وهزؤوهم طيب نشوف صاحبتنا تتألم قدامنا ومانسوي شئ وفي أوقات نادره يجيبوا الإسعاف بس للاسف مايخلوه يطلع البنت من السكن يعالجها جوا السكن بس مايطلعها ولازم يتخاصم معاهم حق الاسعاف علشان يرضوا طيب ليه كل هدا بيخسروا شئ لو ودوها المستشفى ؟؟

ليه يعاندوا ؟! وليه دايماً يفكروا فينا بطريقه غلط ؟ ليه مايحطوا في بالهم أنه نحن تغربنا وسبنا أهلنا وجينا لمكان زي السجن علشان نتعلم ؟

مايدروا انهم بتصرفهم السخيف هذا يخلونا نغلط اكتر وأكتر ....!؟

حسبي الله عليهم

[طالبة حظها منسدح]

والله جد أتذكر أختي جابتلي جاتو ومعجنات مارضيو يدخلوها ... خلوها تذوب وتعفن عند الحارس كيذا لعانه بس تخرب النعمه وتعفن عند الحارس ولا تدخل للبنت
حتى والله أتذكر قبل أسبوعين زميلتي أختها جابت لها عشاء وصل العشاء عند الباب الساعه 10 بالليل مارضيو يدخلوه قال ممنوع من الساعه عشره مايدخل اي شئ والله كنا جوعانين بجد تعذيب

[بلاسس]

الله ينصركم على كل ظالم

[احــلام]

حسبي الله عليهم
صدمتوووني
ولا حافكر اروح سكن جامعة واعتقد الكل كذا:(

[nsetk]

ياويلي على الظلم
حسبي الله عليهم
لاتسكتو ياليت بجد احد يوصل صوتكم
وربي حرقني قلبي عليكم

[ana 3'eyer]

وعليكم السلام ورحمه الله
والله فعلاً شي مؤسف .!!
والعجيب كمان انهم ساكتين كل هالفترة .. ليش ما اتكلمتوا من البداية ؟
" انا كنت افكر كله سكن واحد اللي هو في السليمانية .. طلع حتى ف السكن في فرق بين كلية وجامعة و ظلم كمان !! "
حسبكم الله ونعم الوكيل .. والله يكون في عونكم .

[موتيـ ولا دمعة اميـ]

يؤيؤ فضيحه
حسبي الله ونعم الوكيل عليهم

مشكوره حبيبتي