البنات الي اختبرو فيزياء تفضلوا هنا ..

[!..RahoOofa..!]

المشاركة الأصلية كتبت بواسطة yaman قلبو هاد السؤال انا حليتو السرعه متغيره والتسارع ثابت<< لانو التسارع يساوي التغير في السرعه على التغير في الزمن فصحيح البسط ثابت لكن الوقت يتغير لكن اذا السرعه متغيره (البسط) التسارع مستحيل يكون ثابت

لا هوا في قانون لمن السرعه تكون ثابتة للازم التسارع = صفر عشان كدا مستحيل يكون في سرعه ثابتة تسارعو متغير .

[الحلم..!]

المشاركة الأصلية كتبت بواسطة yaman قلبو هاد السؤال انا حليتو السرعه متغيره والتسارع ثابت<< لانو التسارع يساوي التغير في السرعه على التغير في الزمن فصحيح البسط ثابت لكن الوقت يتغير لكن اذا السرعه متغيره (البسط) التسارع مستحيل يكون ثابت

لا صح لأنه إذا السرعة ثابته يعني الفرق = 0 يعني 0 على أي شيء 0

فيكون التسارع ثاابت ,,

[عاشقة الأهلي]

[align=justify][/alignرهوفة ع فكرة سوال: التسارع في الصعود والهبوط ؟ اجابته مو زي الي قلتيه
عشان في الصعود يكون موجب
وفي الهبوط يكون سالب يعني مو كلهم سالبين
للأفادة

[الحلم..!]

المشاركة الأصلية كتبت بواسطة !..rahooofa..! 1- if you throw a ball in the air at the highest point الجواب acceleration nonzero , velocity = 0 2- اي من الحالات التالية مستحيلة الحدوث .. خيارات كثيرة منها السرعه في الشرق والتسارع في الغرب ..زي كدا الجواب السرعة ثابتة والتسارع متغير < لانو لو السرعة ثابتة التسارع = صفر 3- جسم تحرك من نقطة a الى الشرق بمقدار 4 متر ثم الى الشمال بمقدار 3 .. الازاحة = انا حطيت 7 كان من الخيارات 5 و 10 4- if the body starts from the rest then the intnial velocity = الجواب صفر . 5- السرعة زادت من 100 الى 200 خلال دقيقة كم متوسط التسارع جوابي : طرحت 200 من 100 بعدين قسمتها على 60 6- بداية من t=0 الجسم تحرك بخط مستقيم في سرعة معطاه في المعادلة التالية v(t)=98-2t^2 عندما توقف الجسم ( لحظيا ) كم سيكون التسارع . الطريقة انو نجيب الوقت اللي توقف فيه الجسم يعني نساوي معادلة السرعة 0 بعدين نعوض في t=0 في معادلة السرعة حيطلعلنا وقت التوقف . نشتق المعادلة عشان نطلع معادلة التسارع وبعدين نعوض ال تي الجديدة فيه . الجواب يطلع - 28 7- a ball in a free fall the acceleration is : (صعود ascent )( هبوط descent ) * downward in during both ascent and descent * downward during ascent , upward during descent *upward during ascent , downward during descent * upward during both ascent and descent انا حطيت اول شي لانو التسارع بالسالب في الحالتين . 8- an object thrown virtecally upward at 35 m/s what is the velocity 5 seconds later الخيارات 14 up 14 down 84 up 84 down الجواب يطلع - 14 يعني 14 داون لانو يتجه لمحور ال واي السالبة 9- شخص اتجه من جدة الى مكة بمسافة 50 متر .. وبعدين رجع لجدة والزمن الكلي كان ساعتين وطلب السبيد الجواب 50 + 50 على 2 = 50 كلم في الساعة 10 - a ball roles up slope . At the end 3 seconds the velocity = 20cm/s and at the end of 8 second v = 0 الترجمة كرة صعدت منحدر . وفي نهاية الثانية الثالثة كانت سرعتو 20 سم / ثانية ونهاية الثانية 8 سرعتو = 0 ويبى متوسط التسارع من الثانية الثالثة الى الثانية عادي دي معدل دا على دا الجواب كان -4 سم / ثانية . 10 - تعريف average velocity 11- مستطيل طوله 3.25 متر وعرضو 150 سم .. كم المساحة الجواب نحول ال 150 لمتر بعدين نضربها في بعض 12- رجل جرا 42 كلم في ساعتين و 57 دقيقة يبا سرعتو بال siu = 3.95 m/s 13 negative vector has the same magnitude vector but ? Opposite direction . الجواب 14 - a constant velocity = 9.8 m/s has an acceleration = 0 15 جابو معادلات سرعة وقالو ايش اللي تسارعها ثابت الجواب انك تشتق كل وحدة ولازم تكون معادلة التسارع مافيها مجاهيل 16 - the prefix one thousand refers to kilo

ما شاء الله تمااام ,, شكله نموذجك كااان دي صح ؟؟.. لأنه نفس أسألتي

لكن فيه تنبيه السؤال الثالث يطلع الجواب 5 مو 7 لأنه الازاحة أقصر مسافة ,, حتطلع 5 ^^

و بالتوفيق للجميع ,,

[!..RahoOofa..!]

المشاركة الأصلية كتبت بواسطة الحلم..! ما شاء الله تمااام ,, شكله نموذجك كااان دي صح ؟؟.. لأنه نفس أسألتي لكن فيه تنبيه السؤال الثالث يطلع الجواب 5 مو 7 لأنه الازاحة أقصر مسافة ,, حتطلع 5 ^^ و بالتوفيق للجميع ,,

ايووا خسارة دا السؤال الوحيد اللي كنت شاكة فيه .. مع انو واضح

[الحلم..!]

المشاركة الأصلية كتبت بواسطة !..rahooofa..! ايووا خسارة دا السؤال الوحيد اللي كنت شاكة فيه .. مع انو واضح

يالله يا شيخة قدر الله وما شاء فعل ^^

الله يعوض إن شاء الله ,,

[•°بسمہَ خ ـجل°•]

بالعكس الاسئله كانت جداً سهله واغلبها مباشر مافيها تعقيد خصوصا المسائل
بس يبغالها تركيييييييييييييييييييييز وبعد ماتحل ترجع تراجع بتركيز
بس كان فيه مسئله ماعرفت حلها اللي هيا :
جسم يتحرك على خط مستقيم له سرعه معينه و التسارع ثابت وله قيمه وازاحه معينه ويبغا الإنيشيل فلوستي
كان آخر سؤال عندي وماكفاني الوقت فماعرفت احله طبعا اكيد حله بمعادلات الحركه بس المشكله في الوقت

بالنسبه للاسئله النظريه :

في سؤال يقولك الازاحه قسمة التايم انترفل هذي تبع اي قانون
ج : اكيد الافرج فلوستي

وفي سؤال يقولك التسارع في حالة الصعود والهبوط ويحطلك اختيارات
ج : انها في الحالتين سالب

وفي سؤال يقولك ايت من الحالات التاليه مستحيلة الحدوث ويحط اختيارات
ج : اذا كانت السرعه ثابته فالتسارع له قيمه متغيره ( طبعا مستحيل )

وفي اسئله بس مااتذكر
لاتشيل هم ترا سهل انتا اهم شي تذاكر وتتطلع على نماذج الاختبارات غالبا نفس الافكار خصوصا المسائل

وبالتوفيق يارب

[•°بسمہَ خ ـجل°•]

اهيا رهوفا ماقصرت = )

[Majed7]

تشكرات يا بنوتات ^_^ .. وشكرا رهوفا عشان الرد المفصل ههههههه

الخوف بس من الاسئله الكلاميه ( أكره أي شيء كلامي ^_× )

___________________

[محمد عماد]

ما قصرتو ... جزاكم الله الف خير
الأسئلة متوسطة ... بس اخاف انو الوقت ما يكفي للحل