شاب يوهم معلمه بالزواج منها ويختلس 90 الفاً ويهرب

[تلميذ منتسب]

7

7

(شرق) جده : تلاحق الأجهزة الأمنية في جدة شابا عشرينيا متهما بالنصب والاحتيال، إثر خداعه معلمة ثلاثينية أظهر رغبته في الزواج بها وتقدم لخطبتها، غير أنه وبعد أن حصل منها على مبلغ مالي قدره 90 ألف ريال اختفى عن الأنظار. وتلقى مركز شرطة السلامة في جدة بلاغا من امرأة تعمل معلمة وتبلغ من العمر 37 عاما، طرق باب منزل أسرتها شاب يبلغ من العمر 22 عاما، أظهر رغبة ملحة في الزواج بها، وتقدم إلى ذويها بصورة رسمية، لينصرف بعد الاستماع إلى شروطها حتى يحدد الطرفان موقفهما.
وبعد أيام، تلقت المعلمة اتصالا هاتفيا من الشاب أخبرها خلاله أنه يريد إتمام الزواج، غير أنه ادعى عوائق مالية تقف في طريقه وتحول دون ذلك، مشيرا إلى أنه في حال تجاوزها فإنه لن يتردد في تحديد موعد لعقد قرانهما والزواج، الأمر الذي دفع خطيبته إلى التأكيد أن العوائق المالية لا تشكل حاجزا دون إتمام مرادهما في بناء أسرة، مبدية استعدادها لسداد ديونه ودعمه في تجاوز تلك العقبات، وطلبت منه الحضور لتسلم مبلغ مالي قدره 90 ألف ريال. وفوجئت المعلمة بعد مغادرة خطيبها وتسلمه المبلغ المالي، بإقفاله هاتفه الجوال وانقطاع كافة وسائل الاتصال به، حيث توقعت في بادئ الأمر ـ حسب قولها ـ أن خطبا ألم بالشاب المختفي، غير أنها وبعد مرور عدة أيام تأكدت أنها وقعت ضحية احتيال، وأن الشاب نجح في خداعها وسرقة أموالها، لتتقدم ببلاغ إلى الجهات الأمنية تطالب بإحضار الشاب وإعادة أموالها.

المصدر

،،،

[عَـبْدالعَزِيز الهَاشِمي ™]

وتقدم لخطبتها،

يعني واحد تقدم يخطب يد بنتهم . . .

ما يعرفو وين يشتغل ؟

وين ساكن ؟

وين أهله ؟


لا والأدهى والأمر إن البنت تعطيه فلوس ومافي أي شي يضمن إنه بيتزوجها ! !


للأسف " سذاجه "


كان الله في عونها وذويها , والشاب ذا عسآه ما يتزوج لين يصك الخمسين عشان يعرف إن بنات الناس مو لعبه ! , وقافطينه قافطينه الله لا يعوق بشر :)





خبر مضحك مبكي

[мαѕooяy]

" ! "

من عقلهـآ هآذي .. تع ـطيه فلوس علشآن تسد ديونه ويجي يتزوجهآ
اذا الحين تدفعله كيف بكره بيفتحلها بيت ..؟؟!!!

وين عقلهـآ كآن بالزبط ؟

حتى لو آنهآ تقول بنفسهـآ آوكـ عآنس وآرضى بالوآقع ؟ لآ طبع ـآ ً

مهمـآ كآن البنت لهـآ كرـآمه ومكـآآنه ...؟؟؟!! " آنــــآ آدفعله وبدون ضمان ×_× " نو وي

وهو حسبي الله عليه يستغلهـآ ....!! وين بروح من ربنـآ ؟


آشكرك على الخبر

[تلميذ منتسب]

المشاركة الأصلية كتبت بواسطة عَـبْدالعَزِيز الهَاشِمي ™ يعني واحد تقدم يخطب يد بنتهم . . . ما يعرفو وين يشتغل ؟ وين ساكن ؟ وين أهله ؟ لا والأدهى والأمر إن البنت تعطيه فلوس ومافي أي شي يضمن إنه بيتزوجها ! ! للأسف " سذاجه " كان الله في عونها وذويها , والشاب ذا عسآه ما يتزوج لين يصك الخمسين عشان يعرف إن بنات الناس مو لعبه ! , وقافطينه قافطينه الله لا يعوق بشر :) خبر مضحك مبكي

8

نعم كان الله في عونها وعون اهلها

وان ضحك عليها فهذا يعيبه ولا يعيبها

وكما قيل

ليس عيبا ان خدعني بمكره كل هيس ،،، لأن مايفهم بطبع الهيوس الاّ الهيوس


منور اخ عبدالعزيز وتحياتي لك

[تلميذ منتسب]

المشاركة الأصلية كتبت بواسطة мαѕooяy " ! " من عقلهـآ هآذي .. تع ـطيه فلوس علشآن تسد ديونه ويجي يتزوجهآ اذا الحين تدفعله كيف بكره بيفتحلها بيت ..؟؟!!! وين عقلهـآ كآن بالزبط ؟ حتى لو آنهآ تقول بنفسهـآ آوكـ عآنس وآرضى بالوآقع ؟ لآ طبع ـآ ً مهمـآ كآن البنت لهـآ كرـآمه ومكـآآنه ...؟؟؟!! " آنــــآ آدفعله وبدون ضمان ×_× " نو وي وهو حسبي الله عليه يستغلهـآ ....!! وين بروح من ربنـآ ؟ آشكرك على الخبر

8

يمكن حبت توقف معاه من اول الطريق وتساعده

لكن للاسف ماقدّر وقفتها معاه ، وللاسف طعنها في ظهرها

وان شاء الله ترجع لها فلوسها

اشكر تواجدك وتحياتي لك

[سمية السلمي]

لاحول ولاقوة الا بالله الله يعينها ويعوضها

انعدم الضمير عند الناس وصار يلعبون

حسبنا الله ونعم الوكيل على ناس ماتخاف الله

تلميذ شكرا على الخبر

[خالد9921]

خخخخخخخخخخخخ

مافي وحده تسوي زي كذا الا ان مخها ملحوس
للاسف بعض البنات او الحريم بسبب جهلهم بالآخريين تتعلق الوحده اذا لقت شي محرومه منه
وما تعرف تختبر اذا كان الشخص نظيف ورجل بمعنى الكلمه او لا ,, !
وهذا شكله لعب عليها بشوية كلمتين من هالنصب اللي خابرينه !
ثمن عقبها سوا البطل وإنه جاي يعرس ودي اصدّق انها تنساق على وحده مالها بالطبخه !

الله يكون بعونها ولا يبلانا ,,

[tariq_101]

إلى متى ؟؟

[دارس1431]

ياخوان ترى عواطف الناس تختلف من شخص واخر
بالعكس انا اشوف هالمعلمه انسانه عاطفتها صادقه ومشاعرها صادقه وقلبها صادق
واذا كان هالانسان غادر وكاذب وقليل اصل فهذي مشكلته وهي تتحمل خطاء لانها لم تتحكم بعواطفها فقط
والحمد لله ان الخساره في الفلوس ومثل هالشخص طريقه مظلم في الدنيا والاخره والله هو التواب الغفور
واللي مثل هالمعلمه تدعي الله ليل ونهار انه انكشف على حقيقته قبل لا يطيح الفاس على الراس
ومعوضه خير بأذن الله

تحيتي

[تلميذ منتسب]

المشاركة الأصلية كتبت بواسطة مسهر اجفاني لاحول ولاقوة الا بالله الله يعينها ويعوضها انعدم الضمير عند الناس وصار يلعبون حسبنا الله ونعم الوكيل على ناس ماتخاف الله تلميذ شكرا على الخبر

8

اللهم آمين

يعوضها بأحسن منه

واشكر مشاركتك وتحياتي لك