질문محتار ...بين التعليم العام والماستر وبين المعيدية 질문

[سلطان الدعدي]

انا معلم في التعليم العام وادرس ماستر احصاء رياضي في جامعة الملك عبدالعزيز ,وحاليا انا غير مفرغ للدراسة لكن ان شاء الله افرغ السنه الجاية من التعليم العام لتكميل دراسة الماجستير ...

والان جاني قبول في ام القرى قسم علم نفس تخصص احصاء تربوي ..

.قال لي الدكتور محمد "عميد قسم علم النفس بجامعه ام القرى" اني لابد ابطل من دراسة الماستر في جدة ..لانهم بيبتعثوني برى ..

طبعا انا تخصصي في البكالوريوس رياضيات وحاب جدااا تخصص الاحصاء ..لانه من فروعه ..لكن الاحصاء التربوي اشبه بكتب التربية وليس احصاء بحت كما افضل ..

1- انا محتار جداااا اكمال الماستر هنا او قبول المعيدية .. اعطيني رايك ...

2 - مارايك بكلية التربية قسم احصاء تربوي ؟؟بالدكاترة ..بطموحاته ..مامستقبله ..هو او احصاء رياضي ...

3- .كم راتبي اذا حولة معيد ..وماهي البدلات بالتفصيل ..وهل تختلف بدلات معيد جامعة ام القرى عن باقي المعيديات

شكراااا لكم مقدما ...

سادعوا لكل من يرد علي ...فلا تبخلوا علي بالمشاركة ..

[oOoالزمن الجميلoOo]

ماعندي اي خلفية بس حابه اقولك تستخيرررر اكثررر من مره وربي يكتبلك اللي فيه الخير

[أحمد احارثي]

والله يا أخي لو مثلك ما افرط في الفرصة دي الكبيره اللي جاتك انا لو مكانك ابطل الماستر وابطل التعليم العام وانظم للتعليم العالي كمعيد فهي فرصة تثبيتك في الجامعة بعدين ليش تسأل عن الراتب كلها سنة معيد في الجامعة ثم تبتعث للخارج للحصول على الماستر ثم الدكتوراه ثم تعود دكتور في الجامعة اللي ابتعثتك ..
بالنسبة لراتب معيد :
الدرجة الأولى ( يعني أول سنة ) : 6727 ريال
هذا الراتب يستلمه المعيد اللي تخرج من الجامعة وأعاد في السنة الأولى من تخرجه ..
لكن إذا كنت موظف وانظميت للجامعة كمعيد فتزيد سنوات الخدمة على الدرجة الأولى وهكذا يعني لو خدمت سنتين ورحت الجامعة يحطوك على الدرجة الثانية وهكذا ..
بعدين فيه برامج لسلم الرواتب ابحث عنها بالقوقل وحملها وتشوف كل الرواتب

[ليان الحارثي]

في بدايه ونهايه الامر استخير المسأله لاهي صعبه ولاسهله
لها تبعات تترتب على كل خطوه يعني ماشاء الله عندك فرص ممتازه
واهم شي على الاقل تكون فرصه وحده بيدك مضمونه
والله يوفقك ياخوي .
*
ورايي الشخصي :
لو انا بمكانك استغني عن التعليم العام ..صحيح ماجربته بس مجرد تطبيق وقت الدراسه وغثى من جد.
بالنسبه للماستر اشوفه حلو وفرصه ماتضيع ..
والمعيديه شي حلو صحيح مسؤوليه بس اذا ضامن الفرصه لاتضيعها .
وبالنسبه للابتعاث مو كل شخص يبتعث اذا كان ذا كفاءه عاليه ومستواه مميز راح يبتعث >>على ذمه الناقلين للخبر.
وانت هذا كلامك ..

لكن الاحصاء التربوي اشبه بكتب التربية وليس احصاء بحت كما افضل

يعني هل بتعطي في مجال مو مفضل عندك .
وارجع اقول استخير.
وان شاء الله يجي غيري ويفيدك.
موفق

[منال فوفو]

الاستخارة اولاّ واخيراّ وهي فرصة انك تثبت نفسك وبإمكانك تكمل هي اعتقد تكون سنتين الاعادة او اكثر وبعدين تكمل دراسة التخصص اللي درس فيه والله يوفق الجميع

[الاحصاء حلمي]

انا معك ان الاحصاء التربوي ممل نوعا ما،، لكن انت بقبولك كمعيد تاكد ان الدكتوراة مسألة وقت،،

راح تكمل الماستر والدكتوراة خارج المملكة من جامعات عالمية كبيرة..

أنا انصحك وبشدة انك تتوكل على الله وتكون معيد..

ولابد من الاستخارة ايضا..

[د/طموح]

طبعاااااااااااا تختار وظيفة معيد بعد الاستخارة طبعا

[-amal-]

أخوي من كلامك باين انك شخص طموح جدا وحاب تكمل تعليمك والا ماكان كملت ماستر وقدمت للاعاده في ام القرى وانت اساسا معلم...وذا الشي يخليني اقولك انك مفروض تكون معيد وتكمل دراستك وتعود باماجستير ثم الدكتوراة .. وبالتالي وضعك اجتماعيا افضل وماديا افضل بكثير .. اما معلم فحتضل معلم لين التقاعد ..

اوصيك اولا بالاستخارة ..وثانيا تجلس مع نفسك وتحدد امكانياتك وقدراتك هل رح تتحمل سنوات الدراسة القادمه؟
هل رح تتحمل الغربه والسفر ؟
هل لديك الكثير كي تعطية وتبدع فيه؟...وهكذا..


اما بالنسبة للتخصص فماعندي خبرة بالاحصاء التربوي ..
الله يوفقك

[MesSsk]

من وجهة نظري ... شوف ايش التخصص اللي انت ترغب فيه وكمل فيه بعد الاستخاره

ولو اني بمكانك ..بما اني درست سنة احصاء ..وأنا حابه هالمجال << أكيد حبدع فيه بإذن الله ..بغض النظر عن كونه هنا او خارج المملكة ،،، ((أنت بدأت المشوار هنا ماشاء الله .. لكن في الخارج لسى حتدرس اللغة اول وبعدين حتبدأ الماستر و حتتغرب عن أهلك ووطنك .. ضع هذي الأمور أمامك وأستخير وبعدهاااا قرر ))
والدكتوراه وقتها يكون لكل حادث حديث .. إذا انت راغب الدراسة بالخارج يمكن لما تتخرج من الماستر تتيسر لك تدرس هناك ،،،

وربنا ييسر لك الخير ويرضيك فيه ،،،

[احاسيس خجوله]

كيف جاك قبول ؟؟
انت سجلت بالاسبوع اللي فات لما فتح التسجيل ولا من قبل ؟!