احكيلكم عن طريقتي بالمذاكره +_+

[احمد ربيعة]

اكره شي عندي الحفظ

[1995 Bayan]

طريقتي في المذاكرة من ايام الثانوي
اعمل جدول /نادرا ما امشي عليه
كل بعد شوي بريك قصير / ادور البيت ورجع اكمل
وبس
اهم نقطة قبل ابدا اذكر.
افكر بايش اكافئ نفسي لو جبت درجات كويسه في الاختبار /اسلوب اطفال ههههه

يعطيكم العافيه على الموضوع

[بكرى أحلى]

اهم شئ قبل المذاكرة تدعي الله انه يفتح عليك ويوفقك وتقرأ صفحه على الأقل من القران
وبالتوفيق يا رب

[haneen k]

السلام عليكم و رحمة الله و بركاته

اول شئ اشكرك على الموضوع الحلو

انا مداكرتي عادية زي اي مداكرة اول شئ اسويه اجهز الكتب كلها جنبي و اهم شئ المرسام و القلم و اللاب توب و السماعات و الاضاءة , و اي عصير او قهوة و ممكن اتغدى و انا احضر المحاضرة

بعد كدا افتح السنترا افتح الكتاب و استنى المحاضرة تبدا بعد كدا تبدا المحاضرة نتفح الكتاب احدد الاشياء المهمة الي تقولها الدكتورة و ادا في سؤال اسالها و بعد ماتخلص كل المحاضرات

افتح كتاب كتاب ادا في شئ ما استوعبتوا اشغل المحاضرة و اسمعوا الين ما استوعبوا اداكر مزبوط و بعد ما اخلص انام نومة جميلة اصحى الصباح اراجع الي ذاكرتو و اعمل تدريبات لنفسي

و على دا الحال بس مشكلتي لمن اوقف عند شئ وم افهموا اجلس اغرز فيه الين ما افهموا طبعا اقلبها مناحة وبكاء و في الاخير يطلع شئ تافه


ونفس الطريقة برضو وقت الاختبار اليوم الي قبل الاختبارت ما عندي معلومات الا الي في الكتاب غير كدا مااعرف شئ

[استغفرالله كثيرا]

انا ادرس بطريقه الكتابه لاني مااعرف زحفظ بالقراءه اشوف السهل وبعدين ابدء بالصعب وشخبط شخابيط وانعزل اي مصدر مزعج

والله يجيبلنا معدل عالي ونتخرج ونتشغل برزق الحلال يارب العالمين

[عاشق الامل]

انا لي طريقة والحمدلله الوضع تماااااام جدااا
صرت امشي ع الجدول تمااااااام الحمدلله بعد عناء وفشل اكثر من مرة وهذه الطريقة وان شاء الله تستفيدوا ^_^

- اول شيء في تصميمك للجدول لازم يكون من بداية الترم او منتصف الترم مو ع الايام الاخيرة قبل الاختبارات ...

-ثاني شي خلي جدولك بالساعات ، مو بالصفحات ولا بالفصول ولا غييره ( يعني لا تخصص عدد فصول باليوم او عدد صفحات باليوم وانما خصص عدد ساعات ) .. ليييييش ؟
اقلك ليش ، لانه من تجربتي اكثر من مرة الواحد احيانا يخطئ في التقدير او ربما تكون عشر صفحات مثلا لكن صعبة جدا
فيعدي اليوم وانت ما خلصتها ويجيك احباط فتعمل جدول جديد او تيأس وما تكمل جدولك ، لانك كنت متوقع انك تخلص فصل اليوم او عدد معين من الصفحات وما تقدر
لكن الحل الجديد هو انك تلزم نفسك فقط بعدد معين من الساعات ولنفرض مثلا 5 ساعات او 4 وهكذا والمهم انك تخلص الساعات هذه بتركيز وسرعة معقولة ومو مهم قد ايش تخلص في هذه الساعات
وبما انك بادئ جدولك من اول الترم او من نصه فصدقني اكيد هتخلص كل المواد وانت مرتاح على نهاية الترم لا ومو بس كذا بل بهذه الطريقة باذن الله معدلك ما هيقل عن 4.9 وعن تجررررررررربة

- ثالث شي خلي الساعات متفرقة مو ورا بعض ، اقصى شي ساعتين ورا بعض وساعتين اخرى ورا بعض وهكذا ، وززعهم على اليوم ولا تضغط وقتك .

- ضروووووووري يكون في يوم او يومين اجازة ولا تذاكر فيهم نهائيا وريح نفسك ، ولا تأجل اي شي من ايام المذاكرة لايام او يوم الاجازة ويستحسن يكون يوم اجازة واحد فقط .

- نوع المواد وغيرها كل اسبوع ، مثلا عندك 6 مقررات ، الاسبوع هذا 3 مواد والاسبوع القادم 3 مواد غيرهم يتكرروا كل يوم (ماعدا يوم الاجازة) ، مثلا لو تذاكر 4 ساعات على طول يصير كل يوم ما عدا يوم الاجازة تذاكر ساعة مادة أ وساعة مادة ب وساعتين مادة ج (و ج اللي لها ساعتين هذه اكبر مادة) ، يمعنى لا تخلي يوم كله على مادة واحدة او مادتين .. ولا اسبوع كله على مادة واحدة وهكذا ...

- طبعا انت الان بتوزع اسابيعك ، لو حسيت ان في مادة شربتها تماما وخلاص ظبطت معاك بعد عدد من الاسابيع لانها مادة سهلة الى حد ما يصير ماله داعي تكررها في اكثر من اسبوع وحط مكانها زيادة لمادة اخرى كبيرة او مجهده بحيث تكسب وقت لانه ماله تعيد وتزيد في مادة انت تمكنت منها 100% واترك المجال للمواد الاهم وبعدين لازم ترجع للمادة الصغيرة بس خصصلها ساعات محدودة .

- مع الوقت راح تقدر الوقت وتعرف انت قد ايش تقدر تذاكر في عدد الساعات اللي انت خصصته ...وبناء عليه ممكن تنتقل لمرحلة انت تعمل جدول بالفصول او الصفحات بدلا من الساعات ..

- طريقة المذاكرة مهمة مو كل المواد تتذاكر بنفس الطريقة ، لو مادة زي الثقافة الاسلامية مثلا يكفيها قراءة طول الترم وراح تجيب فيها 100 عادي يعني اما الرياضيات مثلا لو تقرا مليون مرة ماينفع لازم تحل المسائل نفسها اكثر من مرة القراءة ما تنفع في مواد زي الرياضيات مثلا او الكمياء بالذات الجزء اللي يكون فيه مسائل ، اما الاحياء مثلا ، ومادة الفكر الفلسفي والمواد اللي يكون فيها معلومات كثير فهذه يكفيها القراءة بتركيز للمقرر اكثر من مرة وهتجيب +90 باذن الله ، ومادة مثلا زي النحو والانجلش هذه ايضا ماينفع معها القراءة فقط لازم تركيز ومراجعة وحفظ لبعض الجزئيات وتدريب على القواعد اللغوية وهكذا الخ .. والمواد كثيرة وانواعها مختلفة اتاكدت من الطريقة اللي تناسب منهجك ولا تذاكر يطريقة خاطئة هتضيع وقتك وماهتسفيد ، اذكر صديق لي ذاكر الرياضيات كثير جدا جدا جدا لكن قراءة فقط وفي النهاية للاسف رسب في المادة :( مع انه اجتهد بس اجتهاده ما كان في محله ، لكن مواد المعلومات ما تحتاج طبعا حل او شيء من هذا القبيل ... ولا تعود نفسك ع الحفظ اهم شي الفهم . والفهم العميق والتكرار راح يثبتوا المعلومة ..

- بالنسبة للنوم ، اذكر شوفت حلقة لرنامج خواطر قال وكان جايب فيها معلومة ان كل العظماء والمتميزين ينامون 6 ساعات فقط ومو اكثر من كده ، والحمدلله اتعودت على هذا الشي لانه النوم الكثير يسبب خمول وكسل وغباء تكفيك جدا 6 ساعات نوم وكده يبقالك 18 ساعة ذاكر منهم ع الاقل 4 ساعات فقط لكن وزعهم ، ومع الوقت والتعود راح تحس ان الموضوع عادي جدااا ومافيه اي مجاهدة للنفس كانك تاكل وتشرب شي عااادي جدا باذن الله ..

- العزيمة العزيمة العزيمة ... الصق جدول الاسبوع ع الجدار والزم نفسك فيه انا اسوي هذه الطريقة ، ثاني شي لازم تتذكر انك والله طبيعي جدا ان حماسك مع الوقت لكن لا تخليك عبد لنفسك وقت ما انت متحمس تذاكر ووقت ما يروح الحماس تنطش وتنام وتلهو !! ، خليك قوي والزم نفسك خلاص اليوم 4 ساعات ع الاقل وهتذاكر 3 مواد باذن الله وكل ساعة اعطيها وقتها من الساعة كذا للساعة كذا لا تقوم نهائيا ولا تكسل وذاكر وبعدها ارتاح عندك اليوم طويل وادعي ربك يبارلك في وقتك وانه يثبتك ع الارادة والعزيمة وباذن الله هتكمل وهتنجح في الانتصار على نفسك ..

---- هذه خلاصة تجربتي واتمنى تكون افادتكم وتطبقوها بالكيفية اللي تناسبكم ومافي احد ينولد ناجح لكن بعد مرات فشل عديدة الواحد وصل لهذه الطريقة نتيجة لمعلومات قرأتها ولعدة تجارب سابقة ---

[وسن الغامدي]

رفع للاستفاده

[وسن الغامدي]

رفع

























رفعوووووووووووووووووون هع

[emooo0]

وعليكم السلام ورحمه الله وبركاته
طريقتي تقريبا زيك بحدد كم لازم اخلص باليوم بس علشان اخفف على نفسي وايام الامتحانات ما انضغط يصير يبقى لي كم فصل
اول حاجه انا مابذاكر من كتب اذا شفت سلايدات مشابهه للكتاب باخذها لانه المعلومات الكثير بطير من دماغي فبحاول اضمن كم حاجه وبالفعل السلايدات بتكون مرتبه وبتنظم لك المعلومات عكس الكتاب كلو كلام في بعضو وكثير
وبعدين اذا باقي وقت برجع بس اقرا الكتاب وكمان احاول اخلي المذاكره بالصبح الوقت دا مرا جيد تخلصي بسرعه والمخ مصحصح المراجعه بخليها قبل لانام سمعت انه المعلومات بتترتب والمعلومه دي ناجحه معايا
للاسف انا من النوع اللي كنت اذاكر ليله الامتحان وشديت على نفسي الان لحد ماصرت انجز مادتين عالاقل قبل الامتحانات
وانا من النوع اللي احمس صحباتي وانسى نفسي المهم نحاول ننجز مع بعض
يالله
ايام الثانوي ذكريااات
اصلا المواد ماتتقارن ولا محتاجين الاسبوعين قبلها دي نبغاها بالجامعه
ماتنسو ادعيه المذاكره
موفقييين ي رب

[حلم قريب]

ماعندي طريقة معينة للمذاكرة
بس بشكل عام حاطة اهداف أسبوعية و شهرية و لازم أنجزها باي طريقة مايهم , المهم أنجزها
أحب انوع و اغير في طريقة مذاكرتي لأني إنسانة يقتلها الممل و الروتين