تغذية اكلينيكية >>>> تعبت وانا افكر فيها

[كلي طموح..]

بسم الله الرحمن الرحيم
انا دحين طالبة سنه تحضيريه ومحتاره ايش ادخل
وقبل كم يوم جا ع بالي التغذية الاكلينيكية وفكرت ادخلها
بس ابغى اعرف طبيعة موادها وكم ماده في الترم ودرجة صعوبتها
والاشياء الحلوه فيها والعكس
والاهم من كدا ابغى اعرف ادا فيها شي ممكن يجيبلي غثيان لانو انا والغثيان اصحاب
اتمنى انكم تفيدوني بسرعه لاني ناويه احفظ الرغبات هدا الاسبوع قبل الاختبارات
والله يوفقكم يااارب

[є7ѕαѕ σηtћά]

بس ابغى اعرف طبيعة موادها وكم ماده في الترم ودرجة صعوبتها والاشياء الحلوه فيها والعكس والاهم من كدا ابغى اعرف ادا فيها شي ممكن يجيبلي غثيان لانو انا والغثيان اصحاب

هلا اختي ..
بالنسبة لكم مادة في الترم هذا الرابط يوضح الخطة الدراسية :
http://nut.kau.edu.sa/Pages-%d8%a7%d...%8a%d8%a9.aspx

طبعا المواد كلها نأخذها بالانقلش وبالنسبة للصعوبة المواد طبعا في كذا وفي كذا بس اذا انتي حابة التخصص راح تمشي فيه ان شاء الله .. ممكن اكثر مادة تجيب لكي الغثيان هيا البيوكمستري " كيمياء حيوي" ^^

اتمنى اكون افدتك واذا عندك اي سؤال انا في الخدمة ^^
بالتوفيق ..

[كلي طموح..]

مشكوره اختي ع الرد
كاني اطمنت بس هادي البيو كمستري ايش بالضبط فيها يعني كلميني عنها شوي
وجاني كلام انو دا التخصص فيه تشريح صحيح ولا لا ؟
بس ماادري ايش دخل التشريح في التغذيه

والله يعطيك العافيه تعبتك معايا

[طارق الحارثي]

^^
فيها تشريح صراصير << يبي ينحشهآ



امزح وربي امزززح
اسف

[do0ody-do]

لا البيوكيمستري مرا سهل شربة موية بس علم الامراض صعب ..

شوفي كل مين راح تقلك هي ايش الي كان صعب لها .. مو الي صعب للكل ..

[Dr.Rochi Castro]

Omg !


في ( رياضيااااات ) ؟ :"( :"( لاااااااااااااا !!


<< عندها عقده منووووووووو :"(

[sarona511]

لا ما ندرس رياضيات ^_^
بس شغلنا في حسابات كثير زي مثلا نحسب السعرات الحرارية و زي كذا

[دافئ الإحساس]

الكيميا الحيوية

تختص بدراسة التركيب الكيميائي لاجزاء الخلية

سواء كانت كائنات دقيقة (طحالب,بكتريا,فطريات)

او راقية (كالانسان والحيوان والنبات).
...........

بس هيا بصفه عامة

التفاعلات الحيوية المختلفة التي تحدث داخل هذه الخلايا الحية من حيث البناء والتخليق، أو من حيث الهدم وإنتاج الطاقة.

.....
بالتوفيق للجميع

[Dr.Rochi Castro]

سؤااااال الله لا يهينكم ^^

دحين انا انقبلت كلية علوم طبيه تطبيقية الحمدلله .. بس ماني فاهمه ليش حاطين عند التخصص حقتي ( مختبرات ) ؟

انا لسا ما اخترت !! مره مو فاهمه بليز اللي يعرف لا يبخل عليا ..

وشكرا :)

[DarkRoXaS 13]

إن شاء الله في بداية الترم يعطونا اوراق نختار التخصص الي نبغاه ويرتبونا على حسب النسب والعدد بس