موآقف مضحكه حصلت لكم

[بدايتي]

ياكثر المواقف

1. في اختبار الانجليزي فيه واحد من دخلنا من الباب وهو لازق لي ويسولف ويسولف انا عورني راسي منه ما اعرفة بس شفته لما كنا في دورة الحاسب الالي في المعهد
المهم كل شوي يقولي والله صعب ما ذاكرت ما اعرف شكلي بارسب انت كيف مذاكر
فهمت منه انه يبي يغش
قلت ايه اجل جاي الاختبار اوريهم وجهي اكيد مذاكر
دخنا القاعة وكان الجو حاااار موووت اول مادخلت ادور مويه باشرب قالوا شوي وبنجيب اجلس
انا جلست ورفيقي اللزقة جلس جنبي قلت له اسمع كلمة وحدة ماني متكلم تبي تغش طالع ورقتي وانقل على كيفك انا مالي دخل
يوم جابوا الموية وجيت اقوم اجيب الا وخوينا يقول انا باجيب لك اجلس
وراح قسم بالله جاب الكرتون كله وحطه عندي والناس تطالعني والله استحيت
المهم طلعت النماذج مختلفة بالمره وقام رمى ورقة الاسئلة تحت الكرسي وقام يعبي الاجابات من 1 الى 50 على البركة شختك بختك وطلع من القاعة,والله رحمته مسكين من جد

2. في اختبار العربي كل شوي يجي الدكتور ويضرب الطاوله حقتي ويقول حل في ورقة الاجابة حل حل الموهم شتت ام الافكار وتبخرت كل بنات افكاري وانا ماكنت اعرف انه الدكتور احسبه من المراقبين
جاني خامس مرة لمى خلصت ويقلب ورقتي ويقول حليت
قلت انت وراك ازعجتنا يا اخي حرام عليك والله طيرت كل الي براسي من بدينا وانت كل شوي جايني وش تبي
قال مافيه احد بيرسب في العربي حل بس
قلت ياشيخ روح بس وانت وش دخلك
قالي شكراً على سؤالك اللطيف انا دكتور المادة
وعطاني ظهره ومشى
والله تلفظت علية بس والله ماكنت اعرف انه الدكتور احسبة مراقبين العالمية العالمية