ياوجودي كل ماهب نسناس ....

[عبدالله بن عبدالرحمن]

من كثر حبى لها ابيكم تشركونى قرائتها ...
وأهديها لكل من عشق الحرف او بالاحرى الضاد...
...
!

يا وجودي كل ما هبّ نسناس الشمال
وجد من حدّه زمانه على اللي ما يبيه
و يا وجودي كلما اضحيت ثم مال الظلال
لا غفت عيني و لا ذقت شي ٍ مشتهيه
وجد من قفّى و هْو في رجا كلمة تعال
و إلتفت من عقب ماْ اقفى ولا أحد ٍ لدّ فيه
و يا عذابي لا دنا الليل من روس الجبال
وانتهى يوم ٍ من العمر ما عاد أرتجيه
و انتي أبعد من سما الحلم و وصالك محال
يا بعد من هلّ دمعي ضحى الفرقا عليه
يا غناتي لا تحسبين دمعي يوم سال
ضعف و لاّ خوف و لاّ كذا و لاّ كذيه
و الله إني من رجال ٍ يضدّون الرجال
لكن الحظ ّالردي ساق دمعي كل أبيه
و الله إني كلما دار حوليك الجدال
قمت كنّ الموت يشّر على قبرى بديه
و الله ان قد لي و انا اصّد لاجالك مجال
صدّة اللي لا تضايق تذكّر قبر أخيه
و من سألني قلت مدري و إذا عاد السؤال
قلت له تكفى سؤالك ترى ما هو وجيه
وش تبيني اقول عن من ترى ذبحي حلال ؟
و الخطا منها عليّ صرت أحبه و أهتويه
عذرها لو ماْ تْعذّر مثل و اضرب مثال
واحد ٍ ما يعرف الحرّ الاشقر يشتويه
وان رجعنا للتواصيف لله الكمال
لاْ انتهى ليل المزايين جاتك تبتديه
كنّها غفل ٍ مع البدو طاويها الحيال
ما يميّز وصفها إلا نبيه ٍ من نبيه
وآ هني اللي وصلها و ذاق من الزلال
شربة مع غفلة الناس من فيها لفيه
ياْ اول أحلام الطفوله على حد ّالخيال
الرجى باللي حمى البيت من حملة بريه
حال دونك سيف عنتر و تاسع حول حال
باْثر حول ٍ حال دونك و انا ادعى هيه هيه
هيه ياللي غرّك الحسن و اطغاك الجمال
و الله أني اموت ما شفت لأوصافك شبيه
لو يسام الحسن و التيه بجنيه و ريال
ما بقى في سوق غيرك ريال و لا جنيه
كيف أهدّك للمقادير و انتي راس مال؟
راس مال و مال و المال ماْ يعطى السفيه
حافظك حفظي لعيني و رمشي لك جلال
و انتي تْشحّين بالما و انا شفّي مويه
شايف ٍ ظلمك و ساكت و طال الليل طال
لا نويتي طعن قلبي و انا ما قلت ليه
لو بقى للهيل صبر ٍ على فوح الدلال
ما بقى للهيل صبرٍ علىشي ٍ يجيه
و انتي تْسوقين عقلي على حدّ الهبال
تحسبين ان من بغى شي يقدر يشتريه
و لاّ انا يا وجد حالي وجود ٍ ما يقال
وجد من ضحّى بغاليه لْرضا و الديه
و يا وجودي بأول العمر قبل ألبس عقال
وجد من باع آخر العمر في رغبة ذويه
و يا وجودي كل ما هبّ صوتك من شمال
وجد من حدّه زمانه على اللي ما يبيه


الفقير الى رحمة ربة
عبدالله بن عبدالرحمن

[حلم راقي]

أخي عبدالله

رآآآئــع مآ كتبت هنآ

شكرآ لروعـــة حروفك

في انتظــآر جديدك دومآ لا عدمنـــآك

ودمت على هذا الأبدآع..

[حنين الحب]

اول شي اهلين وسلهين
تاني شي وينك ما اشوفك في المنتدى كتير زي اول
تالت شي يسلموو على الطرح

[سنفورة موت]

يسلمووو ياخوي ربي يسعدك

تسم يدبنك

بس بقول شي بس لاتزعل علي





انا قريت مو الفقير الفقيد الى رحمه الله قلت ياحرام الله يرحمه ماات وشويا اركز الفقير سامحني والله العيب من النظر تدري اختبارات .......

[عبدالله بن عبدالرحمن]

المشاركة الأصلية كتبت بواسطة حلم راقي أخي عبدالله رآآآئــع مآ كتبت هنآ شكرآ لروعـــة حروفك في انتظــآر جديدك دومآ لا عدمنـــآك ودمت على هذا الأبدآع..

حلم راقى
اشكرك على كلماتك الجميلة..

[عبدالله بن عبدالرحمن]

المشاركة الأصلية كتبت بواسطة حنين الحب اول شي اهلين وسلهين تاني شي وينك ما اشوفك في المنتدى كتير زي اول تالت شي يسلموو على الطرح

اول شي يسلمو
ثاني شي لى فترة ما دخلت عشان اشياء داخلية تمنعنى من الدخول بس برضة ادخل فى الاوقات الحرجة جدا وما اطول اطلع على طول واشكرك على اهتمامك وملاحظة عدم وجودى -لسا الدنيا بخير...
ثالثا ذوقك الاجمل ..
:)

[عبدالله بن عبدالرحمن]

المشاركة الأصلية كتبت بواسطة سنفورة موت يسلمووو ياخوي ربي يسعدك تسم يدبنك بس بقول شي بس لاتزعل علي انا قريت مو الفقير الفقيد الى رحمه الله قلت ياحرام الله يرحمه ماات وشويا اركز الفقير سامحني والله العيب من النظر تدري اختبارات .......

ههههههههههههههههههههههههههههههههههههههه
سنفورة كنت اذاكر مادة انجليزي اسمها طرق البحث تخيلي بس361 صفحة وعيونى طالعة ومصمت جوالاتى عشان انقطع عن العالم واحس اعصابي مشدودة واول ما قريت ردك جلست اضحك ضحك مو طبيعي ...
يعنى انا مت بعدين كتبتها بعدين رجعت مت "فقيد" ههههههههههههههههههههههههههههههههههههههههههههههههه
ربي مايحرمك اجر انك خليتنى اضحك شوي ..
لانى زمان عنه
:)
يسلمو سنفورة ربي يسعدك
ونسأل الله لنا جميعا حسن الختام لانة سيأتى يوم واكون اسمي الفقيد وما ارجوة حينها هو رحمة ربي لى ومغفرتة ودعاء أمي حبيبتى ..

[joudy Abbout]

قصيدة رائعة جدا

لك كل الشكر

طرح موفق

[رغد محمد]

،’

قصيدة جميلة جدًا للشاعر ضيدان بن قضعان ( أبو منصور) ..~

أحاسيسه متميزة جدًا ..~

وجد من حدّه زمانه على اللي ما يبيه و يا وجودي كلما اضحيت ثم مال الظلال لا غفت عيني و لا ذقت شي ٍ مشتهيه وجد من قفّى و هْو في رجا كلمة تعال

أليمة وربي ..~

شُكرًا لك أستاذ عبدالله ..~

أنت كما أنت كَـ عادتك يا ...

}}~ مُتألق ..~

،’

رغد محمد ...~

/

[سنفورة موت]

المشاركة الأصلية كتبت بواسطة عبدالله بن عبدالرحمن ههههههههههههههههههههههههههههههههههههههه سنفورة كنت اذاكر مادة انجليزي اسمها طرق البحث تخيلي بس361 صفحة وعيونى طالعة ومصمت جوالاتى عشان انقطع عن العالم واحس اعصابي مشدودة واول ما قريت ردك جلست اضحك ضحك مو طبيعي ... يعنى انا مت بعدين كتبتها بعدين رجعت مت "فقيد" ههههههههههههههههههههههههههههههههههههههههههههههههه ربي مايحرمك اجر انك خليتنى اضحك شوي .. لانى زمان عنه :) يسلمو سنفورة ربي يسعدك ونسأل الله لنا جميعا حسن الختام لانة سيأتى يوم واكون اسمي الفقيد وما ارجوة حينها هو رحمة ربي لى ومغفرتة ودعاء أمي حبيبتى ..

والله انااسفه ومعليش وش دراني انو تفكيري غبي ومافهم بسررعه .....
عساك مبسووط داايم وليش تنكد على عمرك ترى الدنيا حلووة بس هيا تلعب لعبتها معانا<<احس قلت كلام اكبر مني


ربي يسعدك .... والله يخليك امك ...

واسفه واحلى شي انك ضحكت يالبى روحي خليتك تضحك