انطباعكم عن اختبار بحوث العمليات

[الفارس22]

بالنسبة للانحراف المعياري في السؤال الاخير في نموذج أ
هو 2.4

[حـسـن]

المشاركة الأصلية كتبت بواسطة الفارس22 بالنسبة للانحراف المعياري في السؤال الاخير في نموذج أ هو 2.4

ياليت اذا تتذكر باقي الإختيارات حقة الفقرة الأخيرة من السؤال الأخير تكتبها يا عسل

في رقم 3 ضمن الخيارات؟ اذا مافيه فأنا اخترت 2,4 اما اذا فيه 3 فــ الله يعوّض :(

[خالدالسيف]

مساء الخير
فالكم جميعآ الفل مارك
بصراحه الاسئله اكثر من رائعه وانصدمنا جدآ بسهولتها بهذا الشكل
بالنسبه للاخوان اللي جالسين يتكلمون عن توضيح الخطوات
للمعلوميه فقط السؤال الاول +الثاني +الرابع مطلوب الحل مع توضيح الخطوات
اما السؤال الثالث السمبلكس فقط وضع دائره على الرقم الخطأ وهي خمس ارقام داخل الجدول الثاني
ولكن اثناء مرور الدكتور فهد الحركان داخل القاعه سألته عن توضيح الخطوات قالي مو بلازم توضحها لاكن افضل لك لانو لو طلع الاختيار خطأ نديك درجه على الخطوات ولو ما كتبت الخطوات وطلع الناتج صحيح تأخذ الدرجه كامله,,

[faisal aljrees]

بسم الله الرحمن الرحيم
السلام عليكم
ياخوان على اني داخل قبل الاختبار و انا كلي ثقة بمذاكرتي وبمعلوماتي

والله يا اخوان ما ادري وش جاني اول ما شفت ورقة الامتحان , نسيت كل شي :(

قعدت اكثر من ربع ساعه ما ادري وين ابدا احل و اشخبط ,, و اول مره احس اني راح ارسب في اختبار من اول خمس دقايق , ولكن حاولت قد ما اقدر استرجع معلوماتي الي ضاعت .

اتمنى من الدكتور انه يراعينا جميعا ويجزاه الف خير

تحياتي لكم وبالتوفيق

[Tamim]

المشاركة الأصلية كتبت بواسطة faisal aljrees بسم الله الرحمن الرحيم السلام عليكم ياخوان على اني داخل قبل الاختبار و انا كلي ثقة بمذاكرتي وبمعلوماتي والله يا اخوان ما ادري وش جاني اول ما شفت ورقة الامتحان , نسيت كل شي :( قعدت اكثر من ربع ساعه ما ادري وين ابدا احل و اشخبط ,, و اول مره احس اني راح ارسب في اختبار من اول خمس دقايق , ولكن حاولت قد ما اقدر استرجع معلوماتي الي ضاعت . اتمنى من الدكتور انه يراعينا جميعا ويجزاه الف خير تحياتي لكم وبالتوفيق

والله جاتني نقس الحاله مع ان الاسئله سهله وطريقة بيرت اسهل من الاسراع والتخصيص والسمبلكس بكثير وتدربت عليها 5 مرات قبل الاختبار ، لكن وقت الاختبار ضيعت وخبصت ونسيت القوانين لكن الحمد لله اخذت نص ساعه وبعدين رجعت المعلومات زنفس الشيء بالنسبة لطريقة الحل بتوزيع المعدل في سؤال النقل ....


الله يكتب النجاح للجميع ...

[الواثق]

سؤال بطريقة بيرت بالنص انا كتبته على يدي عشان اطبقه بعد الأختبار وهو كالتالي :
نشاط تشاؤم تفاؤل الأكثر احتمالا
1-2 12 10 8
1-3 11 9 10
2-3 21 7 11
2-4 9 5 7
3-4 10 6 5
والمطلوب كان رسم الشجرة ؟
والتكلفة المتوقعة للمشروع ؟
الجواب 27
الإنحراف المعياري ؟
الجواب 2.4
وبالتوفيق

[saoooooooode]

اسئلة سهلة بس السؤال السمبلكس ضيعت فيه وحطيت 8 دوائر اهم شي درجة النجاح بمشيئة الله في الجيب

[الثقفي]

الإختبار كان من النوع السهل الممتنع
قبل الاختبار دار نقاش بيني وبين طالب جالس جنبي عن طريقة الاسئلة وبحكم إني دارس المادة للمرة الثانية توقعت الاختبار يكون عملي
والحمد لله يعني 75 درجة

[خالد العنااا]

انا جتني حالة هستيريا يوم قامو يوزعون الأسئلة
ويوم شفت الورقة بين يديني...حسيت انها آداة جريمة..ودي اوديها لأي مكان غير طاولتي
لكن استسلمت للأمر الواقع...ونسيت كل القوانين والمعادلات والعلوم اللي انا حافظ
وبعد ماجلست نص ساعه إستغفار ( جاة الدين ) بدت ترجع لي الذاكرة شوي
وحليت حل ( ن ) يجيب العلة...خخخخ الله يعين اللي يصحح
لكن من خلال نظرتي للأسئلة..والله ماهي ذيك الصعبه..بس انا نسيت كوول شي
الله يوفقنا ويااااااكم يارب

[الـمـقـاول]

الاسئله سهله جدا لكن انا خربطت في سؤال بيرت مع اني فاهمه جدا سويت رسم الشبكه وحليت القيمه المتوقعه صح بس شكل الانحراف المعياري خطأ مع اني حافظ القانون وكتبته وطبقت عليه واتمنى من الدكتور يشوف جوابي بالتوضيح الي طلبه ويعطيني درجه بالقوانين والكلام الي كتبته كله


طبعا النقل حليت اول فقره اما الثانيه ماكتبت شي .. السمبلكس علمت على كم خطأ بدون شرح

السؤال الاول كله صح باذن الله

الاسئله سهله .. والحركان الله يوفقه دنيا واخره رجل ينجب من اول نظره لله في لله سبحان الله

يادكتور ان كانك تقرا كلامنا ارجوك مانبي الا درجة النجاح للي تلخبط مثلي .. والله العظيم اني طلعت من الاختبار ودي اسطر نفسي بس اسال نفسي كذا : ليه ليه لخبطت في بيرت ليه ليه ؟

يارب يارب ننجح .. تكفى ياحركان نجحنااااااااااا