اللي اختبرت فلك نهائي مع الدكتور مجدي

[Pr!ncess]

قصدي انه اسألت النماذج كلها جات في الاختبار وطبعا ضاف عليها اسأله زيادة ومنها اللي موجودة في نهاية الشابتر ,,,صح كلامي ولا لا وانا ماأقول انه الأخت اينشتاين تعتمد على النماذج بس حتى تاخذ فكره عن الاسئله ومتاكدة انه رح يجيبها ^^

{ يب دا اللي أقصدو
أسئلة النماذج + أسئلة نهاية الفصلين كانت بصراحة سهله بالنسبه للأسئلة الجديده
يب أكيد تذاكرها الأخت مية بالميه جايه , وجاي غيرها كمان <<< تكفين :p
ميغسي ع التصحيح لي ^-* ~

[توباك فلاور]

احسب الدورة الاقترانيه للكوكب سيرز إذاعلمت أن الدورة النجميه تساوي 4.559 سنة ؟

الله يسعدكم ابغى حل المسأله؟؟؟؟؟

[Pr!ncess]

احسب الدورة الاقترانيه للكوكب سيرز إذاعلمت أن الدورة النجميه تساوي 4.559 سنة ؟ الله يسعدكم ابغى حل المسأله؟؟؟؟؟

{ انتي عندك قانونين

وراح تختاري واحد منهم على أساس إذا كان الكوكب المطلوب الحساب له من الكواكب السفليه أو العلويه

الأول للكواكب السفليه , والتاني للعلوية

اختصارات : ( p رمز الدورة الاقترانيه , s رمز الدورة النجميه , e رمز الدورة الأرضيه )

وطبعا الكوكب سيرز يعتبر من ضمن نطاق الكواكب العلويه , لأن مداره خارج مدار الأرض

ملاحظة : لو المطلوب الجواب للدورة الاقترانيه بالسنين , فـ لا تحولي الدورة النجميه وعوضي بيها زي ما هي

بس لو مطلوب الجواب بالأيام , يصير تحولي الدورة الاقترانيه لـ أيام بـ إنك تضربي الرقم بـ 365.25 , وبعدين تعوضي بالقانون

~

الحل : تعويض مباشر

>>> المطلوب هو الدورة الاقترانيه , يعني p

اقسمي الـ 1 على 4.559 , واضربي بـ -1 عشان يصير الناتج سالب <<< لأنه بالقانون الاشارة سالبه قدامو

وأضيفي على الناتج 1 , لأن 1 /1 يعطي 1

الناتج النهائي اللي يطلع خذي مقلوبو من الآلة , لأن الناتج هذا اللي طلعتيه = 1/ p , وإنتي تبي الـ p مو 1/ p

و المقلوب يكون شكلو بالآلة زي كذا

[meno-chan]

الله يوفقكم جمييييييييييييعا وتجيبون اعلى الدرجات في جميع المواد
ادعولي اليوم اختباري كمان خايفه والله
يسلمووووووووو حبيبي عالموضوع ومبروك عالدرجات

[R-Kh]

princes
ما اعرف كيف اقولك شكرا <3
كتير اسئلة جات من اللي كتبتيها
والله كانت الاسئلة دقيقه وعلى قولك جاب من نص الملزمه :S
بس الله يسعدك اللي كتبتيها جات اغلبها
شكرا قد السما والارض <3

[shoqy]

والله من جددددددددد الله يسعدكم ويوفقكم كلكم
بـprinces
وررربي وانا في الاختبار دعيتلك
من جد ربي يوفقك ويسهلك كل خير ماقصرتي وبالفعل جاب كثير من اللي قلتيه

[وتر الإحساآآس]

المشاركة الأصلية كتبت بواسطة pr!ncess { وتر الاحساس , افتكرت دا السؤال :d كان كالتالي : ( يحدث الكسوف الحلقي للشمس عندما يكون القمر في نقطة ........ , ويكون في وضع ...... بالنسبة للأرض ) الإجابة كانت ( الأوج , اقتران ) ~ فكرة السؤال هذه برضو جديده ! هو بيسألك عن الكسوف الحلقي يحدث بأي وضع بالنسبه للقمر وبالنسبه للأرض انتي عارفه إن الكسوف الحلقي يصير لما يكون القمر في أبعد نقطه عن الأرض , يعني في نقطة ( الأوج ) ما اخترنا الحضيض , لان الحضيض تكون أقرب نقطه للقمر من الأرض , يعني المسافه بين الأرض والقمر أقرب ما يكون وبالنسبه ليه اخترنا وضع الاقتران , لأن الاقتران يصير لما يكون كوكب محصور بين الشمس والأرض والكسوف ما يصير إلا لو كان القمر بين الشمس والأرض عشان يحجب ضوء الشمس عن الأرض بس وضع التقابل يصير لما الأرض تكون محصورة بين الشمس والكوكب ( مثالنا هنا الكوكب هو القمر ) وبهذه الحاله يصير خسوف مو كسوف أتمنى الشرح وآضح ^^" ~

وآهـ آخترتهآ صح

كنت مرة شآكة بين الأوج والتقآبل & الأوج والآقترآن

[Pr!ncess]

المشاركة الأصلية كتبت بواسطة r-kh princes ما اعرف كيف اقولك شكرا <3 كتير اسئلة جات من اللي كتبتيها والله كانت الاسئلة دقيقه وعلى قولك جاب من نص الملزمه :s بس الله يسعدك اللي كتبتيها جات اغلبها شكرا قد السما والارض <3

{ خلاص قلتيها
العفو , أحرجتيني ><" ~

~

المشاركة الأصلية كتبت بواسطة shoqy والله من جددددددددد الله يسعدكم ويوفقكم كلكم بـprinces وررربي وانا في الاختبار دعيتلك من جد ربي يوفقك ويسهلك كل خير ماقصرتي وبالفعل جاب كثير من اللي قلتيه

{ تسلمي الله يخليك ^^
برضو أحرجتيني << تكفين ~


~

المشاركة الأصلية كتبت بواسطة وتر الإحساآآس وآهـ آخترتهآ صح كنت مرة شآكة بين الأوج والتقآبل & الأوج والآقترآن

{ مبروك عليتس يا وخيتي ~

[اينشتاين]

بنات الدرجات اللي في الاودس بالبونس ولا بدون بونس