صهيب اتمنى الدخول .. و باقي الاعضاء اللي يعترضون على درجتهم .. الحل هنا

[Omar.89]

اخواني الاعضاء


تحيه طيبه وبعد ..



قريت الكثير من الردود في بعض المواضيع ..


ردود تدل على الاعتماديه و على التواكل !!


اولاً

بخصوص اختبار ادارة العمليات و الجوده

اغلب الدرجات كانت غير متوقعه ( انا معكم )..


لكن هل يعني ان الدرجه اللي كنت متوقعها هي اللي تستحقها ؟

والفيصل في هذا الموضوع

انك تراجع ورقتك مقابل رسوم معينه
واذا كان فيه خطأ

يعطونك درجتك اللي تستحقها

و اذا كانت الدرجه الموضوعه لك صحيحه
تبقى زي ماهي و يروح عليك المبلغ اللي دفعته



فلا أحد يقعد يبع بع علينا من ورا الشاشه

وهو متأكد ان درجته زفت


لكن مع الخيل يا شقرى

هالاسلوب ما ينفع !


حنا طلاب علم


لازم نرتقي بمستوانا

فــَـ بدال ما تقعد تضيع وقتك ورا الشاشه .. روح و تأكد من درجتك !



ثانياً



بخصوص بعض الطلاب اللي يرمو اخطائهم على الاخ صهيب والاخ جمال

ويتهمونهم بالتستر على اخطاء الكليه


بالله عليك انت وهو


ما تستحي على وجهك انت وهو ؟


يعني انت مهمل

ولا تروح الدوره و اذا رحت ما تكتب و تقول الكلام بينزل بالمنتدى

وتعتمد على صهيب و جمال وحسان وغيرهم ..


والحين

يوم شفت الدرجه نازله تلومهم وكأنهم هم المسؤولين عنك انت و وجهكـ !

صدق وجيهكم مغسوله بمرق ..


صدق انكم ما تنعطون وجه !!!




أنا أطالب !!!!



الاخ صهيب

و الاخ حسان

والاخ جمال



و انا اول المتضررين من هذا الطلب


لكن فعلاً


تفعلون خير و تلقون شر !



اطالبهم بالعزوف عن هذا المنتدى

وعدم اضافة اي معلومه تفيد الطلاب

لمدة فصل واحد


وراح نشوف نسبة الرسوب وراح نشوف الدرجات اللي بنجيبها

اتمنى ان يستجيب لي الاخ صهيب والباقين


و اتمنى ان لا يحذف هذا الموضوع



و أعتذر اني نزلت بمستوى لا يليق بي ولا بكم اخواني الراقين
لكن حزني الشديد على ما تعرض له الاخ صهيب و جمال من اسائه و كلام
و ا عتذر لكل شخص أسأت اليه في هذا المنتدى




الى الاخ صهيب ( عزيزي صهيب .. انت تعلم كما ان اعلم كما ان الكثير يجهل .. اني لا اعرفك لا من قريب ولا من بعيد .. لكني اعرف صدمتك في ردود الاعضاء اتجاهك .. و احببت ان اطمأنك .. بأنك ونعم القائد لنا .. و أنه لا زال يوجد ضمير حي .. يشكر من يستحق .. و يعاتب من يستحق .. أنت على حق .. وخالقي وخالقك يعلم ذلك .. لا تهتم لردة فعل المخلوق .. فصدقني كل هذه الردود السلبيه تؤجر بها عند الله .. اللهم وفق اخي صهيب لكل خير .. و ارزقه الرضى و الصبر والقناعه .. اللهم آمين )


الى أخي جمال ( اخي جمال .. فعلاً انت من اندر الشخصيات اللي تعرفت عليها .. لم ارى مثلك .. ولا اعتقد اني سأرى مثلكـ .. لما لك من وقفات شخصية معي .. أسأل الله أن يبعد عنك كل شر .. و أن يغفر لك .. و أن يرزقك من حيث لا تحتسب .. أنت رجل .. والرجال قليل )


الى اخي حسآن ( بكل فخر .. و بملىء فمي .. يتشرف الانسان ان يتعرف على امثالك .. اشكرك .. اشكرك .. اشكرك .. ومن لايَشكر لا يُشكر .. أدمنتكـ .. ولا اطيق الصباح من دون نكتك =Pp في الفيس بوك )


والى كل من لم يحالفه الحظ في ادارة العمليات

اتمنى ان تطلب اعادة تصحيح درجاتكـ

وترى بنفسك ما تستحق

و ان كان لك حق ستأخذه

و ان لم حالفك الحظ ..

فأتمنى ان تتوفق في باقي الاختبارات


وليست هذه نهاية الدنيا ..



انا في اختبار الموارد البشريه

فقدت حوالي 18 درجه لأني لم انتبه الى 10 اسئله كانت موضوع في الخلف

و اعتقد الكثير منكم لم يحلها


كنت اتوقع ان أأخذ 90


ولكن قدر الله و ماشاء فعل اخذت 68



نحن لا نعلم كيف الله يدبر الامور

صدقوني لو كنا نعلم

لذابت قلوبنا من رحمته بنا


أسأل الله لكم التوفيق والخير والنجاح


لا تحطمو انفسكم بأنفسكم


شكراً

[واقعية]

والله كلامك مية مية ياخوي وبصراحة حتى انا انحرق دمي من الكلام اللي قريته امس بالردود

يعني هاذي جزاتهم ؟!

ان كان الاخ صهيب او الاخ جمال والاخ حسان الله يجعل كل اللي بيعملوه في ميزان حسناتهم ويلقوه بتوفيقهم دنيا واخرة

جزاتهم انهم يسخرولنا وقتهم وجهدهم وبالاخر تكون جزاتهم قلة ذوق زي اللي شفناها امس


والله كلامك صح لو يقطعو خدماتهم للمنتدى ترم واحد بس بتشوف كيف الفرق بيبان بالدرجات والرسوب حتى

والله اسمى كلمات الشكر والعرفان ماتوفيهم حقهم


غيرك كثير شافو الكلام البايخ اللي امس ومشيو من غير مايقولو كلمة حق قالو اش لنا بوجع الراس

يعطيك الف عافية عكل كلمة كتبتها هنا لانك قلت الحق والساكت عن الحق شيطان اخرس

من لا يشكر الناس لا يشكر الله

الف شكر لك ياخوي ~

[بو ريان]

موضوع راقي من شخص راقي وواعي بنفس الوقت

لكن اخي الكريم هل سألت نفسك ولو لمره واحده فقط

لماذا هذا الكم الهائل من العصبية و التنرفز من رصد الدرجات

الخطاء يقع مره مرتين لكن دفعه كاملة او اختبار كامل فلا يعقل

الا اذا كان متعمد وحط تحتها مليون خط او انه انسان مريض ومتصوف

حتى من عدى الأختبار ايضا غير راضي على نتيجته ؟؟؟ مالسبب

هناك سبب مخفي وراء هذا الكم اتحدث عن نفسي هي اكثر ماده تمسكت بها

لأكثر من شهرين واسهل اختبار مر علي طول مدتي الأكاديمية بالجامعة

بما معنى يوجد هناك تعسف وايضا هضم واضح لحقوق الطلبة

بما فيها درجات ومجهود وتعب وخسارة سواء نفسية او معنوية

للأمانه لم استخير وقت للأنتظار راسلت عميد الجامعه + عميد الكلية

+ المعاملات الالكترونية ,,,,, وبانتظار الرد

اما بخصوص اخواني في المنتدى فشهادتي فيهم مجروحه

واللي اقوله ومحاسب به هو ( جزاهم الله عنا كل خير )

اما بخصوص الانتقادات فهذه ثورة بركان غاضب تأكل الأخضر واليابس

واخواننا في المنتدى هم جبال لهذه الامور ولعلها دورس لهم في المستقبل

مودتي احترامي

[توري بورش]

من جد الشباب ماقصروا

وانا رايي اللي عنده كلمه حلوه يقولها أما أنكم بترمون كسلكم واستهتاركم على الناس فعيب عليكم بالعكس الشباب ماقصروا ولا تحطون حزازيات بين الناس وبعدين بالعكس دفعة 2010 معروف عنها حب التعاون والألفة أما الناس اللي جالسه تقول كلام ماله داع فانا نيابة عن أعضاء المنتدى المحترمين أقولهم المنتدى يتعذركم
شوفوا لكم منتدى ثاني .................................................

[am-sorry]

بالفعل اخي الكريم ..
البعض يضع الإخوان (جمال وصهيب وحسان وابو نهاد وطارق .. وجميع المتعاونين من الإخوه) شمااااعة لأخطائهم وإهمالهم ..

لكن بإعتقادي واتمنى ان يكون اعتقادي وظني في محله بأن تكون غضب من مفاجئة درجات اليوم ...والبارحة ...


اعود واشكرك على طرحك الجريء اخي عمر ..

[مغيرة]

فعلا من لا يَشكر لا يُشكر
ولا تخلي الناس اللي قدموا خدمات لا يمكن أن ترد إلا بالدعاء شماعة لأخطاءك
لا حول ولا قوة إلا بالله

[abushoog2011]

شكرا لحماسك ولدفاعك عن أحبتنا الي ضحوا من وقتهم لأجلنا .. نشكرهم جزيل الشكر مع أنهم لا ينتظرون الشكر منا بل ينتظرون الثواب والأجر من الله أكرم الأكرمين..

لكن لي تحفظ على أسلوبك شوي .. إذا كنت زعلت على الشباب الي تكلموا على حسان وصهيب وجمال فأنت وقعت في نفس الخطأ ونزلت أسلوبك (حسب اعترافك) إلى أسلوب لا يليق بشخص متعلم.

على العموم أنا أشد المعارضين على السب وتعليق الأخطاْ على الآخرين لكن يمكن نلتمس العذر للشباب الي سبوا جمال وصهيب وحسان أنهم صدموا بالنتائج وبكرة أتوقع بل متأكد أنهم يعتذرون للإخوة الكرام على الجهد الجبار الي بذلوه

أتمنى للجميع التوفيق والسداد في الدنيا والآخرة ..

نسيت أقولكم إن درجاتي ولله الحمد Ok باستثناء إدارة مالية مع إن الأسئلة جاءت نصا من أسئلة صهيب الي قبل الإختبار
ومع ذلك كانت عكس المتوقع .. لكني أشكر الأخ صهيب لأنه اختصر لي كثييييير من الوقت يوم الاختبار.

خاطرة جالت في بالي أحببت المشاركة بها مع أني أستفيد من المنتدى الكثييير ولكن لا أستطيع المشاركة إلا بالقليل لضيق الوقت عندنا في القطاع الخاص..

[الريان2]

نشكر جميع الاخوه الذين لو لا الله ثم مساندتهم لنا ونقل جميع المعلومات التي تردهم وجهدهم الطيب لزملائهم لم نكن نعلم مالنا وماعلينا الا بتوجيهاتهم الطيبه نشكر الاخ/ صهيب والاخ/ جمال والاخ/ حسان وجميع من شارك زملائه بهذا المنتدى ولو بسطر واحد من اي مادة كانت ولاننسى الاخ / مهند الذي حضر من خارج المملكه قبل بداية الاختبارت باسبوعين ولم يبخل بجهده حيث قام بتلخيص بعض المواد التي استفدنا منها كثيراً جزاكم الله خير وبارك الله فيكم وليس لنا غنى عنكم فانتم النور المشرق لهذا المنتدى

[Omar.89]

شكراً لكل من اتفق معي في طرحي ..

المشاركة الأصلية كتبت بواسطة بو ريان موضوع راقي من شخص راقي وواعي بنفس الوقت لكن اخي الكريم هل سألت نفسك ولو لمره واحده فقط لماذا هذا الكم الهائل من العصبية و التنرفز من رصد الدرجات الخطاء يقع مره مرتين لكن دفعه كاملة او اختبار كامل فلا يعقل الا اذا كان متعمد وحط تحتها مليون خط او انه انسان مريض ومتصوف حتى من عدى الأختبار ايضا غير راضي على نتيجته ؟؟؟ مالسبب هناك سبب مخفي وراء هذا الكم اتحدث عن نفسي هي اكثر ماده تمسكت بها لأكثر من شهرين واسهل اختبار مر علي طول مدتي الأكاديمية بالجامعة بما معنى يوجد هناك تعسف وايضا هضم واضح لحقوق الطلبة بما فيها درجات ومجهود وتعب وخسارة سواء نفسية او معنوية للأمانه لم استخير وقت للأنتظار راسلت عميد الجامعه + عميد الكلية + المعاملات الالكترونية ,,,,, وبانتظار الرد اما بخصوص اخواني في المنتدى فشهادتي فيهم مجروحه واللي اقوله ومحاسب به هو ( جزاهم الله عنا كل خير ) اما بخصوص الانتقادات فهذه ثورة بركان غاضب تأكل الأخضر واليابس واخواننا في المنتدى هم جبال لهذه الامور ولعلها دورس لهم في المستقبل مودتي احترامي

أشكرك بو ريان على تفهمكـ


و كلامك في محله ..


لكن ثق تماماً


ان في كل الجامعات تحصل هذه الأمور ..


و اذا جامعتنا او كليتنا بالتحديد تحصل فيها اخطاء بزياده

ترانا و على حسب ما اعرف اننا اول دفعه في هذه الكليه


و هذا شي طبيعي اول دفعه تكون ضحيه في كل شيء !


ولكن هل يجب علينا السكون عن حقنا ؟

طبعاً لا

و هل يجب علينا توكيل شخص يطارد و يطامر بدالنا وحنا في بيوتنا ؟

طبعاً لا


كل شخص مسرول عن نفسه !!

درجتك مب عاجبتكـ

روح للكليه و راجع ورقتكـ

لا تحمل احد مسؤولية خطأ الكليه



و اشكرك مرا ثانيه بو ريان كلام عاقل و واعي جداً


اتمنى لك شخصياً ان تأخذ حقك بساعديك

و ان تكون قدوه لباقي الاعضاء

الإتكاليين

[طلال الشمري]

والله ثم والله لولا الله ثم مساعدة اخواننا صهيب وحسان ومهند

لاكانت الرسوب اكثر من 30 بالميه

بس الف شكر لهم


ولاتحرمونا ترى بنتظرر كذا لو عزفو عن مساعدتنا


صح كلامك صحيح مليون بالميه بس وش نسوي لكل بيئه فيها اناس يبذر فيها الخيرر

وبيئه ......... اكرمكم عنهم


تحياتي لكم