ادارة العلاقات العامه نزلت

[ضيدان]

بسجل مادتين ابو نجلاء

اذا تعثرت بوحده بسبب دكتور
على الاقل نضمن الثانية

والله يابو نجلاء ما قاهرني الا اني مذاكرها قبل لا اروح بجدة باكثر من شهر وحليت زين وبالاخير راسب؟ واللي قهرني اكثر يقول اعطيتك 40 درجة زيادة ولا نجحت؟؟؟؟؟؟؟؟؟

الى هذي الدرجة ؟ يعطيني زيادة 40 درجة ولا انجح؟
اذا كان كلامه صحيح والله ما استحق الجامعة ولا دراسة الجامعة

لكن مو مشكلة .. ما يضيع شئ عند ربك

راسلت العميد ومدير مكتبه وعملت معاملة .. اللي علي سويته والباقي على الله

الف شكر ابو نجلاء

[أبو نجلاء]

المشاركة الأصلية كتبت بواسطة ضيدان بسجل مادتين ابو نجلاء اذا تعثرت بوحده بسبب دكتور على الاقل نضمن الثانية والله يابو نجلاء ما قاهرني الا اني مذاكرها قبل لا اروح بجدة باكثر من شهر وحليت زين وبالاخير راسب؟ واللي قهرني اكثر يقول اعطيتك 40 درجة زيادة ولا نجحت؟؟؟؟؟؟؟؟؟ الى هذي الدرجة ؟ يعطيني زيادة 40 درجة ولا انجح؟ اذا كان كلامه صحيح والله ما استحق الجامعة ولا دراسة الجامعة لكن مو مشكلة .. ما يضيع شئ عند ربك راسلت العميد ومدير مكتبه وعملت معاملة .. اللي علي سويته والباقي على الله الف شكر ابو نجلاء

كلامك ميه ميه ... بس كيف تسجل مادتين ... اذا باقي لك مادة راح يعفونك من الرسوم طبعاً علشان مادة ...
ولا اذا نزل لك الجدول تضفيها قصدك كذا ....
لكن اقول ان شاء الله انك تعديها وتفتك منهم يارب ياكريم ....

[عبادي المدينه]

65 اللهم لك الحمد لاني كنت ماني متوقع انجح منهاااااااااااا

[هــيــف]

نزلت درجة العلاقات العامة في الأودس

وكانت الحمد لله كويسه بس ماكان العشم انا ماخذها على اساس ارفع المعدل

لكن قدر الله وماشاء فعل

[أغدا ألقاكــ]

اقولك انا مرررره مقهور من هالماده

انا سجلتها لرفع المعدل واخرتها 60

[الطموح 2008]

الحمد لله اني عديتها

61

[ابن النفيس]

نداء للأخ فهد العنزان

أشكرك لك تعاونك الدائم مع الجميع

عزيزي أنا أضفت مادة إدارة العلاقات العامه كماده إختياريه

وللأسف النتيجه f

مع إني متوقع فيها غير كذا

هل فيه طريقه معينه لطلب مراجعة التصحيح
وهل فيه أمل إني بعد الطلب أعديها


شاكر لك مقدما

[فهد العنزان]

المشاركة الأصلية كتبت بواسطة ابن النفيس نداء للأخ فهد العنزان أشكرك لك تعاونك الدائم مع الجميع عزيزي أنا أضفت مادة إدارة العلاقات العامه كماده إختياريه وللأسف النتيجه f مع إني متوقع فيها غير كذا هل فيه طريقه معينه لطلب مراجعة التصحيح وهل فيه أمل إني بعد الطلب أعديها شاكر لك مقدما

تواصل مع الأخ ضيدان يشرح لك الحل والخطوات

موفق

[HULK_14]

معوض يالغلا

وربي حزنت يوم شتف رسالتك بالجوال

لكن قدر الله وماشاء فعل

المشكله الروابده كملته عن التخطيط قبل لا اختبر

انسان طيب عفوي واخلاقه عاليه مستغرب منه هالشئ

المشكله انك شارح له الموضوع

والله انها تغبن لكن ربك كريم

اجل لزوم تخاوينا في رمضان باخذ كم ماده الله يعين

المشكله ماده حره ومع ذلك الطلبه ساقطين او درجات ترفع الضغط

فيه شي غلط ياأن التصحيح او الاجابات في ورقة اجابة الدكتور فيها شي او حلها بالترتيب غير صحيح يان الطلبه مارعفوا يحلون بس معقوله كل الطلاب درجاتهم زفت ياخي والله طلاب الانتساب في المراحل الاخيره دائما مجتهدين ويذاكرون الله يعينكم اجل بنحش عن هالماده

[اسم العضو]

ياخوي ضيدان انت وغيرك هارد لك ومعوضينها خير ان شاء الله .. ان ماتعدلت لكم فان شاء الله انها خيرها .. والاصل حاجة تقهرر في جامعتنا صارت عندنا تبلد احساس ... اهم شي ان الفصل الصيفي قريب مش مغطه لو كنت صيفي واخر مادة ورسبت ,,, عموما بالتوفيق لكم جميعا والله يهدي الروابدة وغيره ويعدلون لكم الدرجات ..؟