انقبلت في الهندسة وحاب استفسر عن ie200

[na07]

ارجو ان تفيدوني عن ما ساقابله في الايام القدامة بعد ان تخصصت في الهندسة إلى اول يوم دراسي


وكذلك احب ان استفسر عن مواد اللغة الانجليزية ومادة ie200


مع خالص الشكر يا مهندسين

[N3M]

اي والله شايل همها هالماده ..
الله يسستر منها ..

[xxfoxx]

مبروووووك عليك وحياك الله في الكلية بالنسبة لمادة ie200 ان كانت لغة الانجليزية قوية المادة حتكون سهلة
ان شاء الله ولكن لو كانت اللغة مش ولا بد فعليك انك تسوي المطلوب منك اول باول وتراجعو معى واحد اخذ المادة قبل كذا وان شاء الله تعديها وبدرجة حلوة
المادة هي عبارة عن مشكلة انت تنقيها وتتكلم عنها وتطلعلها حلول وتسوي استبيان عنها وان شاء الله سهالة
اتهنا باجازتك والله ييسر امرك (:
معى خالص الود

[N3M]

^ ^
عز الله كدينا خير ..
دبروا لنا هالماده تكفون ..
يعني عطونا اشياء ممكن نحفظها في هالاجازه او اشياء ممكن نذاكرها وحبذا لو تجيبون لنا المنهج ..
الله يعين ..

[Mr-Ammar]

ههههههههههـ اجل بتزاكرها في الصيف!!!..؟؟

وليه دا التعب كلو يا عزيزي .. والله ما يحتاج ترا...

مزاكره في الصيف وتراجع وتحضر المناهج شي كويس بس اتوقع انو انتهى على ايام الثانويه ،،

المهم ما علينا ،، انا بقلك :

انتا الخطه حقتك فيها المواد العامه حقت الهندسه كلها::

ماث 202 : سهله وان شاء الله لو ركزت مع الدكتور وكتبت معاه واوراق اشرف بركات والاختبارات القديمه تمشي بالراحه.
فيزيا 202: ماده مافيها اي فهم تقريبا ( اشرف بركات برضو وتحفظ قوانيييييييييييييييييييين) وما عندك اي مشكلة . فيها معمل بس برضو سهاااااااااله.
معمل فيزيا 281: تافه.
معمل كيميا 281: تافه.
ie201: يطول الشرح في دي الماده وفي عندك دا الموضوع ان شاء الله تستفيد منو

http://www.skaau.com/vb/showthread.php?t=2577

اظن الموضوع قديم بس يشرح الماده بصفه عامه.

EE201: واللهي دي الماده ما اقدر احكملك عليها . بس هيا عباره عن برمجه زي الي في الثانوي بس ببرنامج اسمو matlap بس بتعمق اكتر من الثانوي .وع العموم هيا ما ادري الماده دي ايش تبغى .

عربي وثقافه اكيد انتا ادرى فيهم .. زي مهارات الاتصال .. كتاب فيه دش كتير تقراه مرتين قبل الاختبار وخلاص

طبعا العربي مستويين .. الماده بـ 3 ساعات
الثقافه 4 مستويا .. الماده بـ ساعتين

ما اقدر اتكلم عن math 203 و meng 102

لاني لسى ما اخدتهم .

اما بالنسبه ل IE 200
شوف انا من يوم اخدت الماده لين اليوم ما شوفت اي ماده

مافي شي تدرسو ،،

هيا شي مالو داعي ومسوين منو ماده وقضيه ..
هيا اصلا كانت انجليزي عادي زي حق التحضيري مستويين IE203 و IE204 لانو ما كان في تحضيري زمان ،، فيعتبر دا الانجليزي حق طلاب الهندسه،، بس بعد ما سار التحضيري (التيفوتي) منسق الماده الا يبغى يخلي دي الماده.
فدمجهم في ماده سماها IE200
بعد ما تسجل الماده يعطوك اختبار تحديد مستوى
يا تدخل ليفل 1 او 2 ودي ترجع تدرس انجليزي عادي وكلاسات كل يوم وكتاب وكدا ،، وفي نص الترم يعملو اختبار تاني عشان يا انك عديت ليفل 1 او 2 او تجلس زي ما انتا.
اما ازا عديت في البدايه ليفل 1 او 2 الماده دي حتكون عباره عن بحث عن اي موضوع انتا تختارو بعد ما يوافق عليه الدكتور حقك ويجلس يعلمك طول الترم كيف تعمل بحث،، تحضر تلاته ايام في الاسبوع كل يوم ساعتين وتبدأ تشتغل على البحث حقك .
وازا دخلت من البدايه ليفل 1 او 2 وفي نص الترم عديت الاختبار حتدخل البحث دا ويبقالك نص الترم بس تشتغل فيه

فانتا يبالك تشد حيلك من البدايه وتدخل من البدايه الريسيرش عشان يكون عندك ترم كامل تشتغل فيه بدال ما يضغطوك في نص الترم،،

اخر شي انا سمعتو انو النظام راح يتغير السنه الجايه لكن دا الي انا اخدتو وعرفتو.. وان شاء الله تكون وصلتك الفكره

IE255 : سهله وخفيفة بس يبالك تفتح مخك كدا لانو اسئلة الاختبارات حقتهم شوية فيها افكار جديده..


بالتوفيق

[na07]

انا عيوني انحولت من رموز المواد هذي الله يخارجنا ياشيخ

[M7mmd]

الله يجزاك الجنة اخويا عمار

والله ما قصرت =)

الله يسعدك يارب

[Eng.3zoz]

التيفوتي يقولو حيسافر السنه الجايه فانا بقلك ازا سافر خدها الماده حتى لو انجليزيتك ضعيفه بالانتظام فيها تمشي بالراحه لكن لو ما سافر ترا انسان ظالم ومهو رأي شخصي وبالتوفيق

[ماجد سعود الفهد]

يارب يسافر

لانو بسبب (التيفوتي) ما اخذت المادة و مو قادر اتخصص هههههههه

[na07]

من هو هذا التيفوتي ؟؟؟؟