سعودي حاصل على شهادة الماجستير يعمل بائعا للخضار !

[عموريAHLI]

كويس بس ماحرقوه الحكومة ، زي اللي حصل بتونس

للأسف اصبحت الوظائف المرموقة محتكرة ( للي عنده واسطة ) ولو كان يحمل الكفائة

وهذا امتداد للفساد الحاصل فلن ولم نتغير

قرف ياوطني

يعطيكي العافية اختي








.

[حلاها زايد]

انا اختي لما خلست الماستر وقدمت ودورت هنا محد قبلها وتخيلي مره قدمت في جامعتنا ماقبلوها وقبلو وحدة بكالريوس وجيد جدا وانا اختي ممتاز وبعدين سافرت والحمدلله لقت وظيفة احسن من اللي هنا
ان شاءالله انه رزقة جاي وكويس انه قاعد يشتغل بدل الانتظار

[الشــامخ]

شخص معه ماجستير يشتغل بالخضره مستحيل .. لا وبراتب لايتجاوز 1500 ريال .. اتوقع انه اشتغل هـ الشغله عشان الاعلام ..!! طبعا انا مااقلل من شان الوظيفه بس الرجل معه شهادة قليل في هـ الزمن يحصل عليها ..
وانا اعرف مدير التوظيف بمستشفى الحرس الوطني بالرياض .. وسئلته عن طريقة القبول السريعه بالمستشفى قال اهم شي يكون المتقدم للوظيفه معه لغه .. واخينا ابو خضار هذا اتوقع انه فلته بالانقليزي .. يعني يقبوله زي السلام عليكم .. وبدون ماجستير .. بس مثل ماقلت لكم الشخص يبغا تصير صجه اعلاميه ..!!
عموما يعطيك العافيه على الموضوع

[مَـزٍآج ..}..]

المشاركة الأصلية كتبت بواسطة الشــامخ شخص معه ماجستير يشتغل بالخضره مستحيل .. لا وبراتب لايتجاوز 1500 ريال .. اتوقع انه اشتغل هـ الشغله عشان الاعلام ..!! طبعا انا مااقلل من شان الوظيفه بس الرجل معه شهادة قليل في هـ الزمن يحصل عليها .. وانا اعرف مدير التوظيف بمستشفى الحرس الوطني بالرياض .. وسئلته عن طريقة القبول السريعه بالمستشفى قال اهم شي يكون المتقدم للوظيفه معه لغه .. واخينا ابو خضار هذا اتوقع انه فلته بالانقليزي .. يعني يقبوله زي السلام عليكم .. وبدون ماجستير .. بس مثل ماقلت لكم الشخص يبغا تصير صجه اعلاميه ..!! عموما يعطيك العافيه على الموضوع

طيب مدام انك محلل خطير للدرجه دي مآ شآء الله عليكـ . .

تواصل مع الجريدهـ وخذ رقم الادمي ووظفه في المستشفى . .

واذا مافيك حيل تتواصل مع الجريده انا مستعد اتواصل معاهاا واجيب رقمه . . لكن تضمن الوظيفه له ؟ ولا مجرد كلام

قال صجه اعلاميه قال !!

[الشــامخ]

المشاركة الأصلية كتبت بواسطة مَـزٍآج ..}.. طيب مدام انك محلل خطير للدرجه دي مآ شآء الله عليكـ . .

هلا والله اخوي مزاج .. انا ماني محلل ولا اقراء الكف انا انسان بسيط جدا .. شي بديهي رجل معه ماجسيتر تقنية معلومات ومن الخارج بعد ..ورايح يعمل بسوق الخضره بـ 1500 ريال مو منطق نهائيا.. يعني مدام انه رضي بهذا المبلغ ماتفرق معه يشتغل اي شغله ... ليش مايتوظف بشركه بـ 1500 ريال لو بثانويه اهم يكسب منها خبره تفيده ..!!

المشاركة الأصلية كتبت بواسطة مَـزٍآج ..}.. تواصل مع الجريدهـ وخذ رقم الادمي ووظفه في المستشفى . .

ههههههههههههههههههههههه اضحك الله ضرسك .. وش رايك اختبر عنه بعد .. واروح اداوم عنه .. ويوصله راتبه لين محل الخضره

المشاركة الأصلية كتبت بواسطة مَـزٍآج ..}.. واذا مافيك حيل تتواصل مع الجريده انا مستعد اتواصل معاهاا واجيب رقمه . . لكن تضمن الوظيفه له ؟ ولا مجرد كلام

مزاج انا مستحيل اكلم احد .. تدري ليه ..!! لان راح انتظر لين ماتتخرج انت واخذ شهادتك بيدي واوظفك انت .. انت احق منه بالوظيفه لان يجمعني فيك المنتدي ..شفت صلة القرابه بيننا كيف قوية ..

المشاركة الأصلية كتبت بواسطة مَـزٍآج ..}.. قال صجه اعلاميه قال !!

عموما انتهى النقاش مابي اسمع منك شي .. رجاء لاترد

[مَـزٍآج ..}..]

المشاركة الأصلية كتبت بواسطة الشــامخ هلا والله اخوي مزاج .. انا ماني محلل ولا اقراء الكف انا انسان بسيط جدا .. شي بديهي رجل معه ماجسيتر تقنية معلومات ومن الخارج بعد ..ورايح يعمل بسوق الخضره بـ 1500 ريال مو منطق نهائيا.. يعني مدام انه رضي بهذا المبلغ ماتفرق معه يشتغل اي شغله ... ليش مايتوظف بشركه بـ 1500 ريال لو بثانويه اهم يكسب منها خبره تفيده ..!! ههههههههههههههههههههههه اضحك الله ضرسك .. وش رايك اختبر عنه بعد .. واروح اداوم عنه .. ويوصله راتبه لين محل الخضره مزاج انا مستحيل اكلم احد .. تدري ليه ..!! لان راح انتظر لين ماتتخرج انت واخذ شهادتك بيدي واوظفك انت .. انت احق منه بالوظيفه لان يجمعني فيك المنتدي ..شفت صلة القرابه بيننا كيف قوية .. عموما انتهى النقاش مابي اسمع منك شي .. رجاء لاترد

لآزم ارد ياخي

والسالفه في الاخيـر نقآش . . يعني عآدي جداً . .

انا قريت ردكـ الاول وحطيت نفسي مكآن الادمي . . وردك كان مستفز جداً

تتوقع انه شآب راجع من غربه وحصل وظيفه وقآل لآآ بروح حلقه الخضآر عشان اعمل صجه
اعلاميه على قولكـ ؟؟ مآ تحس انـه كلامك مو منطقي !!

وعآدي جداً برضو اذآ في يدك وظيفتـه وتقول متآكد انه راح يتوظف . . تواصل معاه

ما راح تخسر شئ بالعكس راح تكسب دعوإأتـه لك بالتوفيق . . لكن

الكلآم دإأيما سسهل !!

[الشــامخ]

المشاركة الأصلية كتبت بواسطة مَـزٍآج ..}.. وعآدي جداً برضو اذآ في يدك وظيفتـه وتقول متآكد انه راح يتوظف . . تواصل معاه ما راح تخسر شئ بالعكس راح تكسب دعوإأتـه لك بالتوفيق . . لكن الكلآم دإأيما سسهل !!

هلا خيي مزاج .. انا اليوم مزاجي احسن من مزاجك ... اسئلك بالله انت صادق في كلامك اني بروح اسعى له بوظيفه .. لالالالالالا اتوقع انك تمزح
ياابن اخي مزاج ...انا انسان على باب الله..ولا انا مسؤول كبير في الدوله .. يمكن اعرف اثنين ثلاثه بيدهم توظيف.. لكن صعبه اني بجيب شخص من الشارع عشان اني تعاطفت مع قصته ...واقول ياجماعه اكسبو اجر في هالمسكين واسترو على عائلته وناس فيهم اجر وهو الولد الوحيد لهم ووووووو...الخ .. انا مااعرف عن اخلاقه شي ولا عن سلوكه .. يمكن الشخص هذا يفشلني ويسبب لي احراج مع الناس ..!!
اخوي مزاج انا عارف ان نيتك صافيه واصلك طيب والدليل تعاطفك مع القصه .. اخوي احنا مانعلم وش يخبي هالشخص .. وبعدين لاتنسي انك في بلد خير .. عندنا في السعوديه مااحد يموت جوع نهائيا . الضمان يوزع فلوس والجمعيات الخيريه توزع واهل الخير يوزعون وووووووالخ
عموما اخوي انا اسف اذا ضايقك ردي السابق

[eng. abdu]

شي غريب, بس اتوقع ان التخصص غير مرغوب فيه او انو الدوائر عندها اكتفاء وغالبا شهادة الماجستير مالها اهميه في التوظيف

[بيو كيميائية ^_^]

أنـا أختي خريجة نـظمـ معلومات بكالوريس وتوظفت وبدون واسطة

بس أول جلست سنة كامـله وين ماتروح يقولون نبي خبرة وعلى نهاية السنة تمـ قبولهـا

والشركة اللي كانت فيها كانوا يبون خريجين نظم أو تقنية سعوديين ومو مهم الخبرة اسم الشركة itm في الخبر

وهي من الشركات الكونتراكـت مع آرامكو

والحين هي غيرت الشركة وصارت في شركة اسمها وبرو لأنها أفضل وبرضو كونتراكت مع آرامكو

يعني هو لو بحث في كل مكان لقى +شيء ثاني هو ماصار له شيء من تخرج

بس أكثر شيء يقهر لما يقولوا يبون خبرة وهم يجيبون هنود من برا ويعلمونـه

الله يرزقه إن شاء الله

[نوره الغامدي]

و الله لو انه متخرج من البطحا بتقدير مقبول جداً كان لقى له وظيفة من أول شهر لو يبي .. هذا فقط اذا كان عنده واسطة

, اقولكم اليوم اختي راحت تحلل دم , المهم خلصت الأرقام و قفلو الجماعة و اختي حللت الحمدلله , الا يجي واحد ضعيفوف يقول أبي أحلل ؟ قالو له : معلييييش قفلنا , ما فيش مجال !
.. و بعده جا واحد ثاني شكله من الربع و قالو له : هلا و الله .. ترى خلصنا بس يلآ عشانك بس ! يعني الواسطة هذي فـ كل مكان و فـ كل شي حتى فـ أتفه التفاهات !

بس شكل هـ الجامعي الماستري ( غلبان ) ماله سند :) عشان كذآ راح يتعب و هو يدور .. أصلاً هو دوووبه متخرج يعني يبيله يصبر شوي و يتحمل ! بالرغم من انه تخصصه مطلوب جداً و من الخارج كمان .. بس الله يعينه ! هو شغله الحالي موب عيب و لا شي , بالعكس ماشاء الله عليه الله يقويه و يعطيه العافيه ’ بس الأفضل له عشان يكتسب خبره انه يشتغل فـ الشركات أو المؤسسات , ان شاء الله لو بنفس الراتب .. موب مهم أهم شي الخبره ثمـ ن الخبره ! يعني يُفترض انه يشوف أنحاء بلادي و يلف كل مدينة و النت كمان مليان ’ و ان شاء الله ربي يعطيه خير و يرزقه :/

انتو ليه مستغربين !؟ ترى الوظايف أرزاق من رب العالمين , و ربي فيه واحد متخرج عربي و متوظف اللحين , و الثاني صيدلة و موب لاقي وظيفة له أربع سنين !

و يا كثرهم اللي متخرجين من جامعات و يشتغلون فـ بقالات و عمال نظافة ’

( لو تجري جري الوحوش , غير رزقك ما تحوش ) و الواحد يسوي كل اللي يقدر عليه و الله ولي التوفيق :)


و يا بلادي واصلي


/


جزاكِ الله خيراً ’